Oʻn ikki monogramma (Fabergé tuxumi)

Vikipediya, ochiq ensiklopediya
O'n ikki monogramma Fabergé tuxumi
Yetkazib berilgan yil 1896
Mijoz Nikolay II
Qabul qiluvchi Maria Feodorovna
Amaldagi egasi
Individual yoki muassasa Hillwood muzeyi
Dizayn va materiallari
Ish ustasi Michael Perkhin
Foydalanilgan materiallar oltin,sapfir
Oʻziga xos xususiyati oltin va sapfir ramkali miniatyura portretlari

Oʻn ikki monogramma tuxumi Aleksandr III portretlari tuxumi sifatida ham tanilgan.Oʻn ikki monogram tuxumi 1896-yilda rus zargari Peter Carl Fabergé nazorati ostida Rossiya podshosi Nikolay II uchun tayyorlangan Pasxa tuxumi hisoblanadi[1].Oʻn ikki monogramma tuxumini Nikolay II oʻzining onasi qirolicha Maria Feodorovnaga sovgʻa qilgan. Oʻn ikki monogramma tuxumi Nikolay II tomonidan onasiga Pasxa sovgʻasi sifatida berilgan ikkinchi Fabergé tuxumi edi.

Oʻn ikki monogramma tuxumi Rossiya podshosi Aleksandr III xotirasiga bagʻishlab tayyorlangan toʻrtta tuxumdan biri hisoblanadi. Qolgan uchtasi — Imperiya nefrit tuxumi (1902), yoʻqolgan Aleksandr III esdalik tuxumi (1909) va Aleksandr III otliq tuxumi (1910).

Hozirda Oʻn ikki monogramma tuxumi Vashingtondagi Hillwood muzeyida, „Marjorie Merriweather Post“ toʻplamining bir qismi sifatida saqlanadi[2].

Tavsifi[tahrir | manbasini tahrirlash]

Oʻn ikki monogramma tuxumining har bir panelida Aleksandr III va Maria Feodorovnaning kirill alifbosidagi ismlarining shifrlari mavjud boʻlib, ular olmoslarga oʻrnatilgan. Oʻn ikki monogramma tuxumi oltita panel bilan qoplangan, har biri atirgul shaklidagi olmos bilan bezatilgan lentalarga boʻlingan hamda Imperator toji va Imperator monogramlari (MF) „Maria Feodorovna“ va (AIII) „Aleksandr III“ bilan bezatilgan. Har bir monogramma olti marta paydo boʻladi, qirolicha Marianing monogrammasi tuxumning yuqori yarmida va podsho Aleksandrning monogramlari pastki qismida paydo boʻladi.

Identifikatsiya[tahrir | manbasini tahrirlash]

Iskandar III portret tuxumi sifatida tanilgan, keyinchalik yoʻqolgan Fabergé tuxumi ilgari Maria Feodorovna seriyasida 1895-yildagi Imperator Pasxa tuxumi deb hisoblangan.Biroq, 2014-yil mart oyida dunyoga eʼlon qilingan 1887-yil Uchinchi imperator tuxumining 2012-yilda qayta kashf etilishi va Moviy ilon soati tuxumining 1895-yilgi Imperial Pasxa tuxumi sifatida qayta tayinlanishidan soʻng, „yoʻqolgan“ Imperator Pasxa tuxumi aniq boʻldi. Seriyada Aleksandr III portretlari tuxumi sifatida aniqlangan 1896-yildagi Oʻn ikki monogramma tuxumI boʻlishi kerak edi[3][4][5].1896-yilgi Oʻn ikki monogramma tuxumi Vashingtondagi Hillwood muzeyida saqlanadi

Oʻziga xos xususiyati[tahrir | manbasini tahrirlash]

Bu tuxumning ichidagi sovgʻasi hozirgi kunda yoʻqolgan. Taxminlarga koʻra, bu tuxumda Aleksandr III ning fil suyagi fonida chizilgan va sapfir bilan oʻrnatilgan oltita miniatyurasi boʻlgan.

Manbalar[tahrir | manbasini tahrirlash]

  1. „Mieks Fabergé Eggs“. www.wintraecken.nl. Qaraldi: 2018-yil 30-mart.
  2. Hillwood Estate, Museum & Gardens — Twelve Monogram Egg
  3. „Mieks Fabergé Eggs“. wintraecken.nl. Qaraldi: 2018-yil 30-mart.
  4. Habsburg, Géza von. Fabergé Revealed: At the Virginia Museum of Fine Arts, 2011 — 29, note 62 bet. ISBN 9780847837380. 
  5. „Mieks Fabergé Eggs“. wintraecken.nl. Qaraldi: 2018-yil 30-mart.

Havolalar[tahrir | manbasini tahrirlash]