Gagarin — Jizzax viloyati Mirzachoʻl tumanidagi shahar (1974 y.dan). Tumanning maʼmuriy markazi. Kosmonavt uchuvchi Yu. A. Gagarin nomi bilan ataladi. Yaqin t. y. stansiyasi — Yerjar. G.dan Jizzaxgacha boʻlgan masofa 72 km. Aholisi 20,2 ming kishi (1995); asosan oʻzbeklar. G.da paxta tozalash zavodi, maishiy xizmat koʻrsatish korxonalari, koʻchma qurilish kolonnalari, umumiy taʼlim maktablari, maxsus musiqa va sport maktablari, sogʻliqni saqlash muassasalari va b. bor.
