Uzeyir Hajibeyov

Vikipediya, ochiq ensiklopediya
(Uzeir Hojibekovdan yoʻnaltirildi)
Jump to navigation Jump to search
Uzeyir Hajibeyov
ozarb. Üzeyir Hacıbəyov
Umumiy maʼlumot
Tugʻilgan paytidagi ismi Uzeyirbey Abdulhasan o‘g‘li Hajibeyov
Tugʻilishi 18-sentabr 1885-yil(1885-09-18)
Aqchabadi, Shusha tumani, Elisavetpol viloyati, Rossiya imperiyasi
Vafoti 23-noyabr 1948-yil(1948-11-23)
(63 yoshda)
I Faxriy xiyobon
Fuqaroligi Flag of Russia.svg Rossiya imperiyasi
Flag of Azerbaijan 1918.svg ODR
Flag of the Soviet Union.svg SSRI
Millati ozarbayjon
Faoliyat yillari 19041948
Yoʻnalish Bastakor
Musiqashunos
Pedagog
Dramaturg
Mukofotlari SSSR xalq artisti Ozarbayjon SSR xalq artisti Stalin mukofoti 1941 Stalin mukofoti 1946
Lenin ordeni Mehnat Qizil Bayrog'i ordeni (SSSR)
Janr Klassik musiqa
Mug‘om
Sayt www.uzeyir.musigi-dunya.az
Imzo
Uzeyir Hajibeyov signature.jpg

Uzeyir Hajibeyov yoki Uzeyir Hajibeyli (to‘liq ismi: Uzeyirbey Abdulhasan o‘g‘li Hajibeyov; 18 sentyabr 1885, Aqchabadi — 23-noyabr 1948, Boku, Ozarbayjon SSR, SSSR) — ozarbayjon bastakor, musiqashunosolim, publitsist, dramaturg, pedagog va ijtimoiy xodim, zamonaviy Ozarbayjon professional musiqa san’ati va milliy operasi asoschisi.[1][2] Uzeyir Hajibeyov asarlari dunyo musiqa durdonalaridan hisoblanadi.[3]

Ozarbayjon Respublikasi Vazirlar Mahkamasining 2019–yil 7-may 211-son Qaroriga binoan Uzeyir Hajibeyov Ozarbayjon Respublikasida asarlari davlat mulki deb e’lon qilingan mualliflar ro‘yxatiga kirgan[4].

Ozarbayjonda xizmat ko‘rsatgan san’at xodimi (1935), SSSR xalq artisti (1938), Stalin mukofoti laureati (1941), „Lenin ordeni“ (1938)[5] va „Qizil mehnat bayrog‘i“ ordeni laureati, Ozarbayjon Fanlar Akademiyasi akademiki (1945), professor (1940), Ozarbayjon Bastakorlar Ittifoqi raisi (1938-1948), Ozarbayjon Davlat Konservatoriyasi rektori (1928-1929, 1939-1948), Ozarbayjon FA San’at instituti direktori (1945-1948).[6] Ozarbayjon SSR va Ozarbayjon Respublikasi madhiyalarining bastakori,[7] musulmon sharqida ilk opera muallifi.[8][9]

Hayoti[tahrir]

Uzeyir Hajibeyov otasi bilan, Shusha, 1890-yil

Uzeyir Hajibeyov 1885-yil 18-sentyabrda Abdulhusaynbey va Shirinbeyim xonim Hajibeyovlar oilasida tug‘ilgan.[10] Uzeyirning otasi Abdulhusayn Mulla Muhammad o‘g‘li Hajibeyov o‘z davrining savodli, ziyoli shaxslaridan biri edi. U XIX asrning taniqli davlat arbobi va shoiri, Qorabog‘ xonlarining vorisi Xurshidboni Notavonning mirzasi bo‘lgan va uning Aqchabadidagi xo‘jaligini boshqargan. Uzeyirning onasi Shirinbeyim xonim Qorabog‘da mashhur Aliberdiyevlar naslidan edi. Uzeyir Hajibeyovning oilasida uch aka-uka, ikki opa-singil bo‘lgan. O‘g‘il bolalar Zulfiqor, Uzeyir va Jayhunning kelajakda adabiy va musiqiy iste’dodining shakllanishida oilaning katta roli bo‘lgan. Uning hayotida Abbasovlar oilasi katta o‘rin egallardi.

Uzeyirdan boshqa oilaning barcha farzandlari Shushada tug‘ilishgan. Uyning to‘rtinchi farzandi bo‘lgan Uzeyir Shushada emas, Aqchabadida tug‘ilishining ham o‘z tarixi bor. Uzeyirning otasi Abdulhusayn Xushidbonu Notavonning mirzasi bo‘lish bilan birga xon qizining Aqchabadidagi xo‘jaligiga rahbarlik qilardi. Shu sababli ham yilning ko‘p qismini o‘sha yerda o‘tkazardi. Shirin xonim esa Uzeyirga homilador bo‘lganda, Aqchabadiga borib turmush o‘rtog‘idan xabar olishga, so‘ng yana Shushaga qaytishga qaror qiladi. Opalaridan xabar olish uchun avval Og‘domga boradi. Faqat opalari uni tez qo‘yib yuborgilari kelmaydi. Shirin xonimni 8 opa-singilning har biri o‘z uyida mehmon qiladi. Aqchabadiga borganda ortiq juda kech edi. Shushaga qayta olmaydi. Shu sababli ham kelajakning dohiysi bo‘ladigan o‘g‘lini Aqchabadida dunyoga keltiradi. 1 oydan so‘ng esa tuya ustiga taxtiravon yasab, Shirin xonimni Uzeyir bilan Ozarbayjon madaniyati beshigi bo‘lgan Shushaga olib kelishadi.[11]

Ota–onasi Aqchabadidan Shushaga ko‘chgach, Uzeyir ilk tahsilini bu yerdagi ikki sinfli rus-turk maktabida oldi. Shushaning boy musiqa-ijrochilik an’analari Hajibeyovning musiqiy tarbiyasiga alohida ta’sir ko‘rsatdi. Uning ilk ustozi Ozarbayjon musiqasining taniqli olimi, tog‘asi Og‘alarbey Aliberdibeyov bo‘lgan. Uzeyirbeyning tog‘asi Og‘alarbey Aliberdibeyov Shavkat Alakbarovaning ham ilk musiqa muallimi bo‘lgan.

Goriy seminariyasida tahsili[tahrir]

Uzeyir Hajibeyov Goriy seminariyasi talabalari orasida (birinchi qatorda, chapda), 1904, orqada Muslim Magomayev o‘tiribdi

Uzeyir Hajibeyov 1899-1904-yillarda Goriy o‘qituvchilar seminariyasida tehsil olgan.[10] Uning dunyoqarashi shakllanishida seminariya katta rol o‘ynagan. Uzeyir Hajibeyov seminariya yillarida ilg‘or dunyo madaniyati bilan yaqindan tanish bo‘lgan. U bu yerda Yevropa musiqa klassiklarining asarlarini o‘rgangan, skripka va baritonda chalishni o‘rgangan, xalq qo‘shiq namunalarini nota ko‘chirgan. Goriy seminariyasida Uzeyir Hajibeyov kelajakda Ozarbayjon opera musiqasida o‘z so‘zini ayta oladigan Muslim Magomayev bilan tanishdi. Seminariya yillaridan boshlangan do‘stlik keyinchalik qarindoshlikka aylandi. Uzeyir Hajibeyov Maleyka xonim bilan, Muslim Magomayev esa Bodiguljamol xonim Teregulova bilan turmush qurdi.[12]

Seminariyani tamomlagach Uzeyir Hajibeyov 1904-yilda Jabroil uyezdining Hadrut qishlog‘iga o‘qituvchi etib tayinlandi. Hadrut qishloq maktabida rus tili, hisob, tarix va musiqadan dars bergan.

Uzeyir Hajibeyovning Bokuga kelishi[tahrir]

Uzeyir Hajibeyov Rossiyada 1905-1907-yillar inqilobi arafasida Bokuga kelib, Bibihaybatda, keyinchalik esa “Saodat” maktabida dars o‘tgan. Uzeyir Hajibeyov Bokuda adabiy-publitsistik faoliyatga boshlab, „Hayot“ gazetasida tarjimon bo‘lib ishladi. O‘sha kundan nashr etila boshlangan „Irshod“ gazetasida ishladi. 1907-yilda Bokuda ozarbayjon turkchasida „Hisob masalalari“ va “Matbuotda foydalaniladigan siyosiy, huquqiy, iqtisodiy va harbiy so‘zlarning turk-rus va rus-turk lug‘ati”ni nashr ettiradi.[13] Rus yozuvchisi Nikolay Gogolning „Shinel“ povestini ozarbayjon tiliga tarjima qiladi.

1911-yilda Uzeyir Hajibeyov musiqiy tehsil olish uchun Moskvada borib, Moskva filarmonik jamiyati qoshidagi Ilyinskiyning maxsus kursida tehsil oldi. Moskvadan jo‘natgan satirik hikoya va felyetonlar „Iqbol“ gazetasida chop etildi. Moddiy qiyinchilik tufayli Uzeyir Hajibeyov Moskvada musiqiy tahsilini chala qoldirib, Bokuga qaytishga majbur bo‘ldi. Bastakor Bokuga qaytib, bu yerda ijodiy faoliyatini davom ettirib, yozgan operalarni sahnaga qo‘yish bilan shug‘ullanadi.[14]

Uzeyir Hajibeyov bilan Maleyka xonim Hajibeyova 1910-yilda turmush qurishadi. Ixtisosi rus tili o‘qituvchisi bo‘lgan Maleyka xonim turmush o‘rtog‘ining san’atiga yaqin bo‘lish uchun konservatoriyaning musiqiy nazariyasi sho‘basiga kiradi. Asosan kechalari ishlaydigan Uzeyirbeyni Maleyka xonim hech qachon yolg‘iz qoldirmagan. Bu insonlar 38 yil umr ko‘rishdi.

O‘limga bir qadam[tahrir]

1918-yilda armanlarning Ozarbayjonda sodir etgan mart qirg‘ini payti arman doshnoqlari Uzeyirbeyning uyini o‘qqa tutishadi. Sharqning ilk operasini yozgan bastakorga hasad bilan qarovchi doshnoqlar uyning devorlarini, tomini o‘q yomg‘iriga tutdilar. Bu o‘qlar 1975-yilda bastakorning uy mezeyi ochilishi arafasida tozalangan.

Sovet hokimiyatining ilk yillarida Uzeyir Hajibeyovning nomi tez-tez xalq dushmanlari qatorida tilga olina boshlandi. 1920-yilda bastakorni otib tashlamoqchi bo‘lishadi. Bu xavf tasodifan bartaraf etiladi. Uzeyir Hajibeyovning qayni Hanafiy Terequlov aqidaparast kommunist edi. U xavfsizlik idorasi sho‘ba mudirlarining birining stoli ustida tasodifan o‘lim hukmi chiqarilgan 59 nafarning ro‘yxati orasida Uzeyir Hajibeyovning ham ismini ko‘radi. Asabiy holatda Narimon Narimonov yoniga borib, ahvolni aytib beradi. Narimon Narimonov muvofiq organlardan ushbu ro‘yxatni talab qiladi. Ularni shoshma-shosharlik bilan qaror chiqarishda ayblagan Narimonov bu ro‘yxatni yirtib tashlaydi. Narimon Narimonov bastakorga bir muddat Bokudan uzoqlashishni maslahat beradi.

1939-yilda Uzeyir Hajibeyov qand kasalligiga duchor bo‘ldi. Uzoq yillar Uzeyir Hajibeyovning shaxsiy kotibi bo‘lib ishlaydigan yaqin qarindoshi Ramazon Xalilovning so‘zlariga ko‘ra, bastakor bu bemorlikni badnom qo‘shnilari tufayli orttirdi. 1939-yilda Moskvada ittifoq miqyosida milliy musiqa asboblari ijrochilarining musobaqasi o‘tkaziladi. Stalinning ko‘rsatmasi bilan hay’atiga Uzeyir Hajibeyov rahbarlik qilardi. Musobaqa vaqti bastakor qattiq asabiylashadi, tabiatan bosiq inson bo‘lgan Uzeyirbey uzoq vaqt o‘ziga kelolmaydi: Ozarbayjondan vakillik qilgan ijrochilar orasida armanlar bo‘lishiga qaramay, Boku armanlari Uzeyirbey millatchilik qilib, boshqa millatlarni musobaqada ishtirok etishiga qo‘ymagani haqida shikoyat qilib Moskvaga maktub yozishadi. 30-yillar uchun bu ayblov juda og‘ir edi. Molotov unga yozilgan arizaga beparvolik bilan qarab, bastakorga jo‘natadi: „O‘zingiz hal qiling“. Boshdan-oxirigacha bo‘hton hisoblangan bu ariza bastakorning asablariga jiddiy ta’sir ko‘rsatadi va u qand kasalligiga duchor bo‘ladi.[15]

Uzeyir Hajibeyov 1948-yil 22-noyabrda vafot etdi.

Ijodi[tahrir]

Publitsistika[tahrir]

Uzeyir Hajibeyov badiiy ijodga publitsistika bilan boshlagan. U „Kaspiy“, „Hayot“, „Irshod“, „Taraqqiy“, „Haqiqat“, „Iqbol“, „Yangi iqbol“ gazetalarida va „Mulla Nasriddin“ jurnalida „Uyoq-buyoqdan“, „Uyon-buyon“ va b. sarlavhalar ostida „U.“, „Falonchi“, „Bahmonkas“ va b. yashirin imzolar bilan davrning muhim ijtimoiy-siyosiy, ma’rifatchilik masalalariga tegishli ko‘plab maqola, felyeton va satirik miniaturalar chop ettirgan.[16] „Mulla Nasriddin“ jurnalida Uzeyir Hajibeyov kulgili imzolardan ham foydalangan: „Ismi bey, o‘zi falonchi“, „Anash qurbaqa“, „Toshbaqa“, „Qotilov“, „Bahmonkas“, „Jin“, „Xo‘ja Lala“, „Bizbizak“, „Cho‘pon“, „Aqrab“ (ehtimoliy), „Qof“, „Besh“, „Idoradan“, „Soqov bola“, „Bola o‘g‘lon“, „Ortdan boqqan“, „Ortdan quloq solgan“, „Yolg‘onchi“ va b. Kulgi, yumor uning ham inson sifatida tabiatining, ham adabiy ijodining, shu jumladan, publitsistikasining asosiy sifatlaridan biri edi. XX asr boshlarida Ozarbayjon matbuotining yetakchi janrlaridan bo‘lgan felyeton Uzeyir Hajibeyovning ham publitsistik faoliyatida ahamiyatli o‘rin tutardi. Badiiy va publitsist muvozanatni saqlash e’tibori bilan Uzeyir Hajibeyovning felyetonlari, ocherk va parodiyalari buyuk qimmati bo‘lgan asl san’at asarlaridir.[17][18]

Uzeyir Hajibeyovning boy yumoristik so‘z ustaligi o‘sha vaqtlarda davriy matbuot sahifalarida „Uyoq-buyoqdan“ umumiy sarlavha bilan chop etgan maqolalari alohida o‘rin olgan. Uzeyir Hajibeyovning „Bozor suhbati“, „Mazhaka“, „Tahsil“ kabi asarlari oshkor tanlangan komponentlari bilan satiric hikoya; „Rafiqimdan maktub“, „Uchinchi dallak“, „Majlisimiz tuzi“, „U, hech!“, „Taraqqiyot va qoloqlik“, „O‘ylayman-u, tushunmayman!“ kabi maqolalari o‘z publitsistik alomatlari, ijtimoiy-siyosiy mazmuni va baddiy qimmati bilan felyetondir. Muallif asarlarida asosan Boku shahar Dumasining no‘noq deputatlarini sharmanda qiladi, siyosiy darajalariga loyiq emasliklarini namoyishkorona, ochiq tarzda ularning yuziga solidi, faoliyatsiz „glasniylarni“ yaproqsiz daraxtlarga o‘xshatadi. Uzeyir Hajibeyovning latifali va satiric miniaturalarini (masalan, „Davlat Dumasi“. „Ota va o‘g‘il“, „Moiza“ va b.) buyuk komediografning keyingi sahna asarlariga samarali muqaddima deb hisoblash mumkin.[19]

Umri davomida Uzeyir Hajibeyov Ozarbayjon madaniyati, musiqasiga xizmat qilgan shaxs sifatida 300 dan ortiq xalq qo‘shig‘ini notaga slogan, marsh, kontata, fantaziya, qo‘shiq va romanslar, kamera va xor asarlarini yozgan. Uzeyir Hajibeyov ham Ozarbayjon SSR, Ozarbayjon Xalq Jumhuriyati madhiyalarining bastakori bo‘lgan.

Operalar[tahrir]

Uzeyir Hajibeyov, 1913-yil

Uzeyir Hajibeyov xalqda musiqiy sahna asarlariga qiziqish uyg‘otish uchun ozarbayjon tilida milliy opera yaratishga qaror qiladi. Bu ishda akasi Zulfiqor Hajibeyov va ukase Jayhun Hajibeyli, seminariya do‘stlari, davrning ma’rifiy ziyolilari, ozarbayjon artistlar Husayn Arablinskiy, Husaynquli Sarobskiy, Abdurahimbey Haqberdiyev, Hanafiy Terequlov va boshqalar unga yaqindan yordam berishadi.

Layli va Majnun[tahrir]

Asosiy maqola: Layli va Majnun
„Layli va Majnun“ operasi afishasi, 1908-yil

Uzeyir Hajibeyovning 1908-yil 12-yanvarda (yangi taqvim bilan 25 da) Bokuda Hoji Zayalobiddin Tagiyev teatrida qo‘yilgan „Layli va Majnun“ operasi bilan faqat Ozarbayjonda emas, barcha musulmon Sharqida opera san’atining asosi qo‘yilgan. Hajibeyov operaning librettosini Fuzuliyning ushbu nomdagi poemasi asosida yozgan. Ilk tomoshaga iste’dodli aktyor va rejissyor Husayn Arablinskiy sahna qurgan. Dirijyor esa yozuvchi-dramaturg Abdurahimbek Haqberdiyev edi. Majnun rolida Husaynquli Sarabskiy, Layli rolida esa oshpaz shogirdi Abdurahim Farajov bo‘lgan. Keyingi tomoshalarda esa Hajibeyov o‘zi va uning yaqin do‘sti, hamkasbi bastakor Muslim Magomayev dirijyorlik qilgan.

Bastakorning fikriga ko‘ra, Fuzuliy poemasining ruhi, lirikasi, „Layli va Majnun“ poemasining romantizmi aynan mug‘om kabi muhtasham musiqa bilan tajassum etilishi mumkin. Opera musiqasi asosan mug‘om va tasniflar ustida tuzilgan. „Layli va Majnun“ bilan musiqa tarixida operaning yangi turi – mug‘om operasi yuzaga keldi. Uzeyir Hajibeyovning Fuzuliy yaratgan „Layli va Majnun“ poemasiga murojaatining sababi shuki, bu asar ozarbayjon tilida yozilib, Sharq adabiyotining rivojiga katta ta’sir ko‘rsatgan. Bu asardan parchalar professional xonandalar tomonidan mug‘omlarda ko‘p bor ijro etilib, xalq orasida keng yoyilgan. Ozarbayjonda ilk opera hisoblangan „Layli va Majnun“ xalq tomonidan juda sevildi va bugungacha ham Ozarbayjon opera va balet teatrining sahnasida qo‘yiladi.[20] Ozarbayjon operasining aynan Fuzuliyning „Layli va Majnun“ poemasi asosida yozilishi tasodif emas. Uzeyir ijodida Fuzuliy poeziyasiga juda chuqur muhabbat hukm surardi. Samad Vurgun bekorga Uzayirga „Ey, Fuzuliy she’rining bastakor jigari!“ – deb murojaat qilmagan.[21]

Majnun rolining ilk ijrochisi Husaynquli Sarobskiy bo‘lgan. Keyinchalik Sidqi Ruhulla, Xonlar Haqberdiyev, Aliovsat Sodiqov, Sherzod Husaynov, Gulog‘a Mammadov, Mais Salmonov, Quli Askarov, Bakir Hoshimov, Ali Mehdiyev, Orif Boboyev, Bobo Mirzayev, Jonali Akbarov, Safo Qahramonov, Olim Qosimov va Mansum Ibrohimov bu rolni ijro etishgan.

Yaralgan kundan sevilib, musiqasi va so‘zlari tillarda yod bo‘lgan „Layli va Majnun“ operasi milliy madaniyatimizning shonli solnomasiga aylandi. Operaning sahnalashtirilishida asosiy muammo Layli rolining ijrochisini tanlash edi. XX asr boshlarida Ozarbayjonda ayol aktyorlari sahnada muammo bo‘lgani sababli bu rolning ilk ijrochisi choychi Abdurahmon Farajov bo‘lgan. Bir marta Uzeyir Hajibeyov choyxonada bo‘lganida, choychi bo‘lib ishlovchi bir odamning yoqimli ovozini eshitadi va uni operaga olib kelib, Layli rolini taklif qiladi. Ikkinchi tomoshada Farajov Layli rolini o‘ynashdan bosh tortadi. Yana bir tasodif natijasida Miri ismli shaxsga Laylini o‘ynash topshiriladi.

Keyinchalik Ahmad Og‘domskiy, Husaynog‘a Hojibobobeyov va nihoyat ayol ijrochilardan sahnaga Sona Hojiyeva, Mahbuba Poshoyeva, Yaver Kalantarli, Gulxar Hasanova, Jahon Talishinskaya, Siymo xonim, Simuzar Hotamova, Ruboba Murodova, Sara Qadimova, Zaynab Xonlarova, Rasmiya Sodiqova, Flora Karimova, Nazokat Mammadova, Sakina Ismoilova, Qandab Quliyeva, Yoqut Abdullayeva, Gulyoz Mammadova, Nazokat Temurova, Guliston Aliyeva va Oygun Bayramova chiqishgan.[22]

Uzeyir Hajibeyov 1909-1915-yillarda bir-birining ortidan „Shayx Sanon“ (1909), „Rustam va Suhrob“ (1910), „Shoh Abbos va Xurshidbonu“ (1912), „Asli va Karam“ (1912), „Harun va Laylo“ (1915) mug‘om operalarining librettosini xalq dostonlari va rivoyatlar, Firdavsiyning „Shohnoma“ asarining motivlari asosida yozdi. U „Layli va Majnun“dagi uslub xususiyatlarini va estetik san’at prinsiplarini keyingi operalarda ham davom ettirdi.[23]

Xalq dostoni asosida bastalagan „Asli va Karam“ operasida Uzeyir Hajibeyov mug‘om bilan birga oshiq musiqasidan ham foydalangan.

1937-yil 30-aprelda Ozarbayjon Opera va balet teatrida „Ko‘ro‘g‘li“ operasi ilk bora tomoshaga qo‘yildi. Xalq qahramonlik dostonining motivlariga asoslangan “Ko‘ro‘g‘li” operasi Ozarbayjonda ilk klassik opera hisoblanadi. Bu asar Uzeyir Hajibeyov ijodining cho‘qqisi hisoblanadi.[24] Ana shu yili Uzeyir Hajibeyov „Ozarbayjon SSR xalq artisti“ faxriy nomiga loyiq ko‘rildi.

Ko‘ro‘g‘li operasi[tahrir]

1937-yil 30-aprelda Ozarbayjon davlat akademik opera va balet teatrida ilk bor tomoshaga qo‘yilgan Ko‘ro‘g‘li operasi (librettosi H. Ismoilov va Mammad Said Ordubodiyningdir) Uzeyir Hajibeyov ijodining cho‘qqisini tashkil etadi. Ozarbayjon opera san’atining durdonalaridan hisoblangan bu operada Uzeyirbey ilk bor klassik opera formasiga rioya qilgan holda sokin ariyalar, ommaviy xor sahnalari, turli ansambllar, balet nomerlari, rechitativlar yaratgan.[25]

U „Ko‘ro‘g‘li“ operasida simfonik orkestr tarkibiga Ozarbayjon xalq musiqa asboblarini kiritib, orkestrning rangbarang jaranglashiga erishgan. Uzeyir Hajibeyov Ozarbayjon musiqasida burilish yaratgan dohiy bastakordir. U XIX asr boshlarigacha og‘zaki xalq musiqa san’ati shaklida mavjud bo‘lgan Ozarbayjon milliy musiqasini G‘arbiy Yevropa bastakorlik maktablarining muvaffaqiyatlari, shakl va janrlari bilan boyitgan, Ozarbayjon va umuman, Sharq musiqasining kelajak rivoj perspektivlarini, estetik prinsiplarini muayyanlashtirgan.

1938-yilda Moskvada o‘tkazilgan Ozarbayjon san’at dekadasida „Arshin molchi“, „Ko‘ro‘g‘li“ operalari katta qiziqish bilan kutib olinadi. Har ikki operani tomosha qilgan Stalin bastakorning ijodiga yuksak baho beradi. „Ko‘ro‘g‘li“ni vaqtida yaratilgan opera deb hisoblagan Stalin Uzeyir Hajibeyovga „Bir emas, ikki shunday opera yaratish lozim“ deb maslahat beradi.

Stalinning ko‘rsatmasi bilan Ozarbayjondan kelgan namoyanda hay’atining sharafiga ziyofat tashkil etiladi. Aytishlaricha, bu majlisda Uzeyir Hajibeyovga yuqoridan, Stalin bilan Mirja’far Bag‘irovning yonidan joy ko‘rsatishdi. Stalin Uzeyir bilan ancha suhbatlashadi va suhbat asnosida “Arshin molchi” operasini hali Gruziyada bo‘lgan paytlarda tomosha qilganini bildiradi, „Arshin molchi“dan parchalar o‘qiydi.

Uzeyir Hajibeyov hayotining so‘nggi yillarida “Feruza” operasi ustida ishladi. Bu bitmagan operadan faqatgina Feruza ariyasi qolgan.[26]

Musiqali komediyalar[tahrir]

Uzeyir Hajibeyov Ozarbayjon musiqasida keskin burilish yaratgan dohiy bastakordir. U XIX asr boshlarigacha og‘zaki xalq musiqa san’ati shaklida mavjud bo‘lgan Ozarbayjon milliy musiqasini G‘arbiy Yevropa bastakorlik maktablarining muvaffaqiyatlari, shakl va janrlari bilan boyitgan, Ozarbayjon va umuman, Sharq musiqasining kelajak rivoj perspektivlarini, estetik prinsiplarini muayyanlashtirgan. Hajibeyov, shuningdek, buyuk musiqashunos olim edi. U zamonaviy Ozarbayjon ilmiy musiqashunosligining asosini qo‘ygan, musiqaga doir ko‘plab maqolalar yozgan, tadqiqotlar olib borgan.

Er va ayol[tahrir]

Musulmon sharqida ilk operetta ham Uzeyir Hajibeyovning nomi bilan bog‘liq. Bastakorning ilk musiqali komediyasi uch pardadan iborat „Er va ayol“dir. Bu asar Ozarbayjonda musiqali komediyaning ilk namunasidir. Asarning ilk tomoshasi 1910-yilda bo‘lgan. Rollarda H. Sarobskiy (Marjonbey), E. Og‘domskiy (Minnat xonim) va boshqalari o‘ynagan. Komediya matnini esa Uzeyir Hajibeyovning o‘zi yozgan.

U bo‘lmasin, bu bo‘lsin[tahrir]

U bo‘lmasin, bu bo‘lsin.jpg

1910-yilda Uzeyir Hajibeyov „Er va ayol“dan so‘ng ikkinchi operettasini yozadi. Ilk tomosha 1911-yil 25-aprelda (8-mayda) Bokuda, Mayilov aka-ukalar teatrida bo‘ldi. Asarning musiqiy partiyasi an’anaviy xalq ashula-raqs havolariga asoslangan original parodiya ustida qurilgan. „Uzundara“ lirik xalq raqsining biroz o‘zgartirilgan melodiyasidan foydalangan va Mashadi Ibdoning dastlabki xarakteristikasini beruvchi “Men qanchalar, qanchalar keksa bo‘lsam ham” qo‘shig‘i bu beso‘naqay, xunuk tujjorning ijrosida juda mubolag‘ali eshitiladi. Asarning oxirgi pardasida takrorlanuvchi bu qo‘shiq Mashadi Ibodning ma’naviy mag‘lubiyatini ko‘rsatadi.

Keyinchalik „U bo‘lmasin, bu bo‘lsin“ musiqali komediya turli tillarga tarjima qilinib, Kavkaz o‘lkalarida, shuningdek, Turkiyada, Bolgariyada, Yamanda va boshqa mamlakatlarda tomoshaga qo‘yildi.

Arshin molchi[tahrir]

Arshin molchi (1917)

Uzeyir Hajibeyovning uchinchi va oxirgi musiqali komediyasi „Arshin molchi“dir. „Arshin molchi“ musiqali komediyasida inqilobdan avvalgi Ozarbayjon maishati, xalq odat va an’analari o‘z aksini topgan. Hajibeyov 1911-yilda musiqiy tahsilini orttirish uchun Moskvaga borib, shu yili u yerda filarmonik jamiyatning musiqiy kurslarida, 1913-yilda esa Peterburg konservatoriyasida o‘qigan. Peterburg davri Hajibeyovning ijodida muhim rol o‘ynagan, u „Arshin molchi“ musiqali komediyasini ana shu yerda yozgan. Uzeyir Hajibeyov yozgan bu operetta 70 ga yaqin chet tillariga tarjima qilinib, 100 dan ortiq teatr sahnasida qo‘yildi. „Arshin molchi“ besh marta ekranlashtirilgan, necha marta grammafon valina yozilgan.

  • „Arshin molchi“ musiqali komediya asosida ilk badiiy film 1916-yilda olingan. Bu ovozsiz film edi.
  • Ikkinchi marta 1917-yilda Sankt-Peterburgdan kelgan G.Bayyotov „Arshin molchi“ni qayta ekranlashtirdi. Lekin u bu ishni ko‘rayotganda na muallifdan ruxsat olgan, na u bilan maslahatlashgan. Shu sababli ham jami ikki kun namoyish ettirilgan film ekranlarga qo‘yilmadi.
  • Uchinchi marta esa 1937-yilda AQShda yashovchi R.Mamulyan ismli arman rejissyor „Arshin molchi“ni Uzeyir Hajibeyovdan ruxsat olmay, ekranlashtiradi. Filmda Ozarbayjon bastakorining nomi ko‘rsatmagan.
  • To‘rtinchi marta „Arshin molchi“ 1945-yilda Boku kinostudiyasida ekranlashtirilgan va bu musiqali film ham dunyoda keng shuhrat qozongan. Bosh rolda Rashid Beybutov o‘ynagan. Lekin asarlariga boshqalar o‘zgartirish kiritishlarini yoqtirmagan Uzeyirbey „Arshin molchi“ badiiy filmidan norozi bo‘ldi. Film yakunlangach, Uzeyrbey so‘zga chiqib shunday degandi: „Mening farzandim yo‘q. asarlarim mening farzandlarimdir. Hech kimning ularga tegishga haqqi yo‘q“.[15]
  • 1965-yilda esa „Arshin molchi“ musiqali komediyasi Bokuda qayta ekranlashtirildi. Bu rangli, musiqali film rejissyori Tofiq Tagizoda, musiqa redaktori Fikrat Amirov edi. Bu film muvaffaqiyatli chiqdi. Bosh rol ijrochilari Hasan Mammadov, Murod Yagizarov, Nasiba Malikova, Laylo Shixlinskya tomoshabinlarni maftun etishdi. Uzeyir Hajibeyovning „Arshin molchi“ musiqali komediyasi ingliz, nemis, xitoy, arab, fors, polyak, ukrain, belorus, gruzin va boshqa tillarga tarjima qilingan.[27].

Musiqali komediyalar ro‘yxati:

  • 1909 – „Er va ayol“. 3 pardada. Librettosi Uzeyir Hajibeyovga tegishli. Ilk tomosha 1910-yil 24-mayda (6-iyunda) Bokuda, Nikitin aka-ukalari teatrida bo‘ldi.
  • 1910 – „U bo‘lmasin, bu bo‘lsin“. 4 pardalik, avval 3 parda edi (hammom sahnasi 1915-yilda yozilganr). Librettosi Uzeyir Hajibeyovga tegishli. Ilk tomosha 1911-yil 25-aprelda (8-mayda) Bokuda, Mayilov aka-ukalar teatrida bo‘ldi.
  • 1913 – „Arshin molchi“. 4 pardalik. Librettosi Uzeyir Hajibeyovga tegishli. Ilk tomosha 1913-yil 25-oktyabrda (7-noyabrda) Bokuda, Hoji Zayalobiddin Tagiyev teatrida qo‘yilgan.

Instrumental jo‘rligidagi xor asarlari[tahrir]

  • 1919 – – „Ozarbayjon“. Xor va orkestr uchun. So‘zi Ahmad Javod tegishli. „Milliy marsh“. Xor va orkestr uchun. So‘zi Uzeyir Hajibeyovga tegishli.
  • 1930 – „Madhiya“. Xor va simfonik orkestr uchun. So‘zi Uzeyir Hajibeyovga tegishli.
  • 1934 – „Kantata“. M. Firdavsiyning 1000 yilligiga bag‘ishlangan. Xor va simfonik orkestr uchun. „Qizil askar marshi“.
Solist, xor va fortepiano uchun. So‘zi Mammad Said Ordubodiyga tegishli.
  • 1936 – „Ozarbayjon xalq qo‘shiqlarining xor uchun ishlovlari“. Xalq cholg‘u asboblari ansambli yoki fortepiano jo‘rligida xor uchun („Hoy, qiyo boq“, „Yur, kezaylik bog‘chada“, „Omon, buvi“, „Na go‘zaldir“, „Lolo“, „Sen go‘zal“, „Lalli“).
„Suvoriy marshi“. Xor va fortepiano uchun.
„Piyodalar marshi“. Xor va fortepiano uchun.
  • 1938 – „Kantata“. Solist, xor, simfonik orkestr va raqs guruhi uchun. So‘zi Sulaymon Rustamiyga tegishli.
„O‘lmas san’atkor Mirza Fatali Oxundov tavalludining 125 yilligiga bag‘ishlab“. Xor va fortepiano uchun. So‘zi H. Notiqqa tegishli.
  • 1939 – „Kantata“. Solist, xor, simfonik orkestr va raqs guruhi uchun.
  • 1942 – „Vatan va jabha“ kantatasi. Solist, xor, simfonik orkestr va raqs guruhi uchun. So‘zi Uzeyir Hajibeyovga tegishli.
"Ey Vatan". Xor va fortepiano uchun. So‘zi Samad Vurgunga tegishli.
  • 1945 – „Ozarbayjon SSR davlat madhiyasi“. Xor va simfonik orkestr uchun. So‘zi Samad Vurgun va Sulaymon Rustamga tegishli.
„G‘alaba gimni“ („Zafar gimni“). Xor va simfonik orkestr uchun. So‘zi Samad Vurgunga tegishli.
„Stalinga salom“. Xor va simfonik orkestr uchun. So‘zi Sulaymon Rustamga tegishli.
  • 1947 – „Kantata“. Nizomiy Ganjaviyning 800 yilligiga bag‘ishlangan. Xor va simfonik orkestr uchun. So‘zi Sulaymon Rustamga tegishli.

Orkestr asarlari 19281933[tahrir]

  • „Kolxoz cho‘llarida“. Xalq cholg‘u asboblari orkestri uchun.
  • „Tantanali marsh“. Ozarbayjon Turk teatrining 10 yilligiga bag‘ishlangan. Simfonik orkestr uchun.
  • „Fantaziya №1“. Xalq cholg‘u asboblari orkestri uchun.
  • „Fantaziya №2“. Xalq cholg‘u asboblari orkestri uchun.
  • „Jangi“. Xalq cholg‘u asboblari orkestri uchun (1941).

Kamera–instrumental asarlari 19251945[tahrir]

  • „Oshiqsayog‘i“. Skripka, violonchel va fortepiano uchun.
  • „Bolalar albomi“. Fortepiano uchun.
  • „Sonatina“. Fortepiano uchun.
  • „Bolalar pyesalari“. Fortepiano uchun.

Xoreografik miniaturalar (1919)[tahrir]

  • :Ozarbayjon. „Qaytag‘i“ (Dog‘iston).

Romans-g‘azallar[tahrir]

Nizomiyning g‘azallari Uzeyir Hajibeyov uchun yangi ilhom manbai bo‘lgan. Nizomiy g‘azallarining chuqur ma’nosi bu g‘azallarga loyiq musiqa asarlari yaratishni talab qilardi. „Sensiz“, „Sevgili jonon“ kabi g‘azal durdonalariga loyiq musiqiy asarlar yaratgan buyuk san’atkorimiz Uzeyir Hajibeyov bo‘lgan. Nizomiydek dahoga Uzeyir Hajibeyov musiqasining qo‘shilishi betakror romanslarning yaratilishiga sabab bo‘ldi.[28]

  • „Sensiz“. Ovoz va fortepiano uchun. So‘z: Nizomiy Ganjaviy (Ozarbayjon tiliga tarjimasi Jafar Xandonniki) (1941). Shikastayi fors bo‘yicha yozilgan. „Sensiz“ g‘azali tanholikning, sensizlikning yurak urishidir.[29]
  • „Sevgili jonon“. Ovoz va fortepiano uchun. So‘z: Nizomiy Ganjaviy (Ozarbayjon tiliga tarjimasi Mirvarid Dilboziyniki) (1943). „Bayoti Sheroz“ mug‘omi uslubida yozilgan. „Sevgili jonon“ g‘azali bir go‘zal ta’rifi beradi.[30]

Qo‘shiqlar[tahrir]

  • „Chirpinardi Qora dengiz“. Ovoz va fortepiano uchun. So‘z: Ahmad Javod (1918).
  • „Yetim qo‘zi“. Ovoz va fortepiano uchun. So‘z muallifi noma’lum (1927).
  • „Bir qush tushdi osmondan“. Ovoz va fortepiano uchun. So‘z muallifi noma’lum (1927).
  • „Qorako‘z“. Ovoz va xalq cholg‘u asboblari orkestri uchun. So‘z: H. Notiq (1930).
  • „Komsomolchi qiz“. Ovoz va fortepiano uchun. So‘z: Mammadhusayn Tahmasb (1932).

19331934

  • „Suvoriy qo‘shig‘i“. Ovoz va fortepiano uchun. So‘z: H. Notiq.
  • „Uchuvchilar“. Ovoz va fortepiano uchun. So‘z: M. Saidzoda.
  • „Bayram kuni“. Ovoz va fortepiano uchun. So‘z: M. Saidzoda.
  • „Chaqiruv“. Ovoz va fortepiano uchun. So‘z: S. Aliyeva (Ilk varianti „Mazut“ nomi bilan 30-yillarda yozilgan) (1941).
  • „Shafqat singlisi“. Ovoz va fortepiano uchun. So‘z: Samad Vurgun. Ijrochi: Shavkat Alakbarova (1941)

1942

  • „Vatan qo‘shini“. Ovoz va fortepiano uchun. So‘z: Samad Vurgun.
  • „Oq yo‘l“. Ovoz va fortepiano uchun. So‘z: Sulaymon Rustam. Ijrochi: Shavkat Alakbarova
  • „Onaning o‘g‘ilga nasihati“. Ovoz va fortepiano uchun. So‘z: oshiq M. Bayramov.
  • „Jangchilar marshi“. Ovoz va fortepiano uchun. So‘z: Samad Vurgun.

Filmografiya[tahrir]

  1. Arshin molchi (film, 1917)
  2. Arshin molchi (film, 1945)
  3. U bo‘lmasin, bu bo‘lsin (film, 1956)
  4. Arshin molchi (film, 1965)

U haqida suratga olingan filmlar[tahrir]

  1. Uzeyir Hajibeyov (film, 1965)
  2. Uzeyir Hajibeyov (film, 1976)
  3. Uzeyir umri (film, 1981)
  4. Uzeyir Hajibeyov (film, 1986)

Fanlar Akademiyasidagi faoliyati[tahrir]

SSSR Xalq Komissarlari Sovetining 1945-yil 23-yanvardagi qarori bilan SSSR FA Ozarbayjon filiali Ozarbayjon SSR FA ga aylandi. O‘sha yili Ozarbayjon SSR FA ga 15 haqiqiy a’zolar saylandi. Uning ilk hay’atida U. Hajibeyov, S. Vurgun, M. Ibrohimov, Y.Mammadaliyev, M.Qoshg‘ay, A.A.Grossheym, S.Dadashov, I.G.Yesman, M.Mirqosimov, Sh.Azizbeyov, A.Alizoda, M.To‘pchiboshov, M.Husaynov, H.Husaynov va I.I.Shirokogorov biritildi. Ozarbayjon FA San’at instituti 1945-yilda buyuk Ozarbayjon bastakori, akademik Uzeyir Hajibeyov tomonidan tashkil etildi va ilk davrlar Ozarbayjon San’at tarixi instituti deb nomlanardi. 1945-1948-yillarda bu instituti direktori Uzeyirbey bo‘lgan.

Madaniyatda[tahrir]

Uzeyir Hajibeyov xotirasiga bag‘ishlangan oltin tanga. Portret atrofida xotira tangasi chiqarilgan yil “2008-yil” va “Ozarbayjon Respublikasi” so‘zlari, bastakor nomi va xotira tangasining nominali ko‘rsatilgan. Xotira tangasi Ozarbayjon Respublikasi hududida nominal bahosi bo‘yicha qonuniy to‘lov vositasidir.
Bashariyat tarixida shunday shaxslar borki, ular o‘zlari uchun tug‘ilishmagan, balki butun xalqqa va hatto umuminsoniyatga foyda keltirish va taraqqiysiga sabab bo‘lish uchun yaratilishgan. Bu kabi insonlar nafaqat tirikligida, balki o‘lgandan so‘ng ham jamiyatga foyda keltirishadi. — Uzeyir Hajibeyov
Uzeyir Hajibeyov yashagan uy

Uzeyir Hajibeyov Ozarbayjon musiqa madaniyati tarixida yangi yo‘nalish va milliy bastakorlik maktabining tamalini qo‘ydi. Ozarbayjon musiqasi tarixida ilk opera, ilk musiqali komediya va bir qator boshqa janrlarda, ilk namunalarning asoschisi sifatida tanilgan dohiy bastakor, ilk ozarbayjon folklorchi-bastakor va Ozarbayjon musiqasining chuqurliklarini va yo‘nalishlarini izlab, yuzaga chiqargan asoslagan ilk ozarbayjon musiqashunos-olimdir. Uzeyir Hajibeyov, shuningdek, adabiy-badiiy qadrini yo‘qotmagan maqolalari bilan tanilgan publitsist, felyetonchi va librettochi-dramaturgdir. Uzeyir Hajibeyov taniqli muallim – ustoz va Ozarbayjonda buyuk musiqachi – jamiyatchi sifatida, Sharqda ilk musiqali teatr va ilk Konservatoriyaning yaratuvchisi siffatida Ozarbayjon xalqi tarixida va madaniyatida chuqur iz qoldirgan.[31]

Uzeyir Hajibeyov Ozarbayjon musiqasini chuqur tadqiq qilib, uning boy va ko‘p qirrali ekanligini ilmiy maqolalarida ko‘rsatgan. Boshqa tomondan Ozarbayjon musiqasiga manfiy ta’sir etishi mumkin bo‘lgan yo‘nalishlardan va muvafaqqiyatsiz garmonizatsiya usullaridan foydalanmaslikni maslahat berardi.[32].

Uzeyir Hajibeyovning 110 uillik yubileyiga bag‘ishlangan marka

Uzeyir Hajibeyov 1921-yilda Bokuda ozarbayjon talabalar uchun ilk musiqa maktabini — Ozarbayjon davlat turk musiqa maktabini (keyinchalik texnikum) tashkil etdi. 1926-yilda Ozarbayjon davlat konservatoriyasida faoliyat ko‘rsatgan Hajibeyov bu yerda nazariya, garmoniya, Ozarbayjon musiqasi asoslari fanlaridan dars bergan, konservatoriya qoshida ilk ko‘p ovozli Ozarbayjon xor kollektivi yaratdi.

U 1927-yilda Muslim Magomayev bilan birga ilk „Ozarbayjon turk el nag‘malari“ majmuasini nashr ettirdi. Uzeyir Hajibeyov 1931-yilda Ozarbayjon radio qo‘mitasi qoshidagi ilk notali xalq cholg‘u asboblari orkestrini tashkil etdi.

Uzeyir Hajibeyov tavalludining 100 yillik yubileyi katta tantana bilan o‘tkazildi. UNESCO ning taniqli shaxslar yubileylari va 1985-yilning muhim hodisalari taqvimiga asosan Uzeyir Hajibeyov yubileyi xalqaro miqyosda nishonlandi.

1995-yil 1-sentyabrda Uzeyir Hajibeyov tavalludining 110 yilligiga bag‘ishlab qaror qabul qilindi.[33]

2010-yilda Ozarbayjonda va dunyoda Uzeyir Hajibeyov tavalludining 125 yillik yubileyi tantanali ravishda nishonlandi. Bokuda 18-28-sentyabr arafasida “Uzeyir Hajibeyov-125” Xalqaro musiqa festivali o‘tkazildi.[34]

Dohiy Ozarbayjon bastakori, professional musiqa asoschisi Uzeyir Hajibeyov nomi qo‘yilgan yuk kemasi 1977-yilda Rossiyaning Ribinsk shahridagi Volodarskiy nomidagi kema ishlab chiqarish zavodida insho etildi.[35]

Uzeyir musiqa kuni[tahrir]

Umummilliy lider Haydar Aliyev buyrug‘i bilan har yil 18-sentyabr Uzeyir musiqa kuni sifatida nishonlana boshlandi. Ba’zi hollarda matbuot sahifalarida, ekran va efirda bu tarixiy „Milliy musiqa kuni“ sifatida nishonlashadi. Lekin buyruqqa asosan asl nomi shunday: „Uzeyir musiqa kuni“.[36]

Uzeyir Hajibeyov o‘zgacha qobiliyati, misli ko‘rilmagan fidokorligi, ajoyib tahsili, eruditsiyasi, vatanparvarligi, faol ijtimoiy-siyosiy faoliati tufayli xalqimizning ehtiromiga sazovor eng taniqli ijodkor siymolardan biriga aylangan. U dunyo korifeylatining old qatorida Ozarbayjonni layoqat bilan tanitmoqda. — Haydar Aliyev
Uzeyir Hajibeyli - Ozarbayjon mumtoz musiqasining asoschisi. Shu bilan birga, Uzeyir Hajibeyli Ozarbayjon konservatoriyasining asoschisi hisoblanadi. Uning o'lmas asarlari bugungi kunda yashamoqda. Uzeyir Hajibeyli, shuningdek, Ozarbayjonda juda kuchli klassik musiqa maktabini yaratdi. Shu bilan birga, bizning daho bastakorimiz Ozarbayjon davlat madhiyasining muallifidir. — Ilhom Aliyev, Ozarbayjon Respublikasi Prezidenti

Uzeyir Hajibeyli faxriy medali[tahrir]

2019 yil 18 yanvar kuni Ozarbayjon Respublikasi Birinchi vitse-prezidenti, Haydar Aliyev Aliyev fondining prezidenti Mehribon Aliyeva Ozarbayjon Bastakorlar ittifoqi tomonidan ta'sis etilgan „Uzeyir Hajibeyli“ faxriy medali bilan taqdirlandi.

Ozarbayjon Bastakorlar ittifoqi daho bastakori, zamonaviy ozarbayjon musiqasining asoschisi, taniqli musiqashunos, olim, publitsist, dramaturg, pedagog va jamoat arbobi Uzeyir Hojibeylining boy merosini saqlash va uzatishdagi bebaho hissasi uchun Mehribon Aliyevani birinchi faxriy medal bilan taqdirladi. nusxasini topshirishga qaror qildi.

Ta'kidlash joizki, birinchi mugam tanlovi 2005 yilda Ozarbayjon Respublikasi Birinchi vitse-prezidenti, Haydar Aliyev Fondining prezidenti Mehribon Aliyeva tashabbusi va rahnamoligida Uzeyir Hojibeyovning 120 yilligi munosabati bilan o'tkazilgan. 2008 yilda buyuk bastakorning hayoti va ijodiga bag'ishlangan „Uzeyir olami“ loyihasi nashr etildi. Kitobda „Hayot yilnomasi“, "Uzeyir Hojibeyov entsiklopediyasi", „Badiiy va jurnalistik asarlar“ kitoblari, „Leyli va Majnun“, „Koroğlu“ operalari va fortepiano, „O bo'lmasa, bu bo'lsin“, „Arshin mal alan“ musiqiy komediyalarining librettosi. va kompakt-disklar. Bundan tashqari, „2009“ yildan beri Uzeyir Hajibayli xalqaro musiqa festivali tashkil etilib, an'anaviy tarzda dunyoning ko'plab mamlakatlaridan taniqli musiqachilarni birlashtiradi.

2013 yilda Haydar Aliev fondining tashabbusi va ko'magi bilan 1945 yilda buyuk bastakor Uzeyir Hajibeyov nomidagi operetta asosida „Oq va qora rangda“ deb nomlangan Ozarbayjon kinosining afsonasi bo'lgan „Arshin mal ala“n filmi qayta tiklandi.[37]

Uzeyir Hajibeyovung Shushadan olib kelingan bustu[tahrir]

Uzeyir Hajibeyov, Xurshudbanu Natavan va Bulbulning büstlari qadimiy Ozarbayjonning Shushada o'rnatilib, Shushani bezatdilar. Ushbu büstlarning mualliflari Ozarbayjon xalq artisti Xanlar Ahmadov, O'zbekistonda xizmat ko'rsatgan artist Namiq Dadashov va xizmat ko'rsatgan san'at xodimi Hayot Abdullayeva. Armaniston armiyasi Shushani bosib olganidan keyin o'lja sifatida Armaniston poytaxti Yerevanga olib ketildi. Keyin uni Gruziyaga metall sifatida sotdilar.Rasmga tushirilgan haykallar Ozarbayjonning sobiq Prezidenti, milliy lider Haydar Aliyevning aralashuvidan so'ng olingan va poytaxt Bokuga olib kelingan. Hozirgi vaqtda ular otilgan va shahid qilingan haykallar deb nomlanadi.[38][39]

Fotogalereya[tahrir]

Shajara daraxti[tahrir]

  • Bastakor, Ozarbayjonda xizmat ko‘rsatgan san’at xodimi Zulfiqor Hajibeylining ukasi.
  • Yozuvchi, solnomachi, jurnalist Jayhun Hajibeylining akasi.
  • Muslim Magomayevning bojasi.
  • Niyoziyning amakisi.
  • Nozim Aliberdibeyovning, skripkachi Rasim Aliberdibeyovning , dirijyor Kozim Aliberdibeyovning, pianinochi Nushoba Aliberdibeyovaning xolavachchasi.
  • Afrosiyob Badalbeylining otasining xolavachchasi.[40]

Adabiyot[tahrir]

  • Kozimzoda Oydin. Uzeyir Hajibeyov va kino. B.: „Mutarjim“, 2009. 112 b.
  • Uzeyir Hajibeyov entsiklopediyasi, Boku, Sharq-G'arb nashriyoti, 2008 yil, 240 bet.
  • Samedov Agarahim. 100 buyuk ozarbayjonlar, Boku, Tarjimon nashriyoti, 2010 yil, 248 bet.
  • Guluzade Tutuxanim. Uzeyir Hajibeyov va Gara Garaev asarlarida ashug musiqasining o'ziga xos xususiyatlari, Boku, 2012 yil, Mutarcim nashriyoti, 144 bet.
  • Xuseynov Yunis Rza o'g'li. Shusha xronikasi. Boku, Shusha nashriyoti, 2015. 152 bet.
  • Guliev viloyati. Tarixda iz qoldirgan shaxslar, Boku, Ozan nashriyoti, 2000. 584 bet.
  • Agayarova, Afag Elchinning qizi. Uzeyir Hajibeyovning mustaqil „Haqiqat“ gazetasi: 1909-1910: darslik / A. E. Agayarova; muqaddima A. Azimova; ilmiy tahrir Sh. A. Huseynov; Boku davlat universiteti. - Boku: Fan va ta'lim, 2016. 148 b.
  • Ismayilov Mammedzaleh. Ozarbayjon musiqasining moment va mugam nazariyasi: „Ozarbayjon xalq musiqasining asoslari“ darsligi / M. C. Ismayilov; loyihaning ruhi. F. S. Badalbeyli; mas'ul ed. T. A. Mammadov; ilmiy tahrir C. I. Hasanova;
  • Uzeyir Hajibeyov nomidagi Boku musiqa akademiyasi. Boku: MTM-Innovatsiya, 2016. 224 b.
  • Ozarbayjon bastakorlari: Entsiklopedik lug'at: o'rta maktablarga yordam / Ozarbayjon Respublikasi Ta'lim vazirligi, Estetik tarbiyaning Respublika o'quv-uslubiy markazi; tahrirlangan B. Mammadova; bosh muharrir. Y. Sh. Karimov. Boku: n. y., 2003. 28 b.
  • Xojiev Tofiq. Uzeyir Hajibeyov adabiy tili / T. Hojiev; tahrirlangan C. M. Mammadov; Haydar Aliyev fondi, Ozarbayjon madaniyat jamg'armasi. - Boku: Sharq-G'arbiy, 2014. - 280 b.
  • 11. Uzeyir Hajibeyov: maqolalar, esselar, esse, arxiv materiallari / Haydar Aliyev Fondi, Ozarbayjon madaniyat jamg'armasi; tahr., ilmiy muh. A. Z. Tagizade; mas'ul ed. Ü. I. Imanova; tahrirlangan F. Sh. Aliyeva. Boku: Sharq — G'arbiy, 2014. 280 b.
  • Axundov A'zamusa. Uzeyir Hajibeyov tili / A. A. Axundov, Q. Sh. Kazimov; tahrirlangan C. M. Mammadov; Haydar Aliyev fondi, Ozarbayjon madaniyat jamg'armasi. Boku: Sharq–G'arb, 2014. - 168 b.
  • Arshin mal alan - 100: [fotoalbom] / Ozarbayjon Respublikasi Madaniyat va turizm vazirligi, Uzeyir Hajibeyov uy–muzeyi; tuzgan: A. Haydarova, T. Xudaverdiyeva; loyihaning ruhi. S. Farajov. Boku: Sharq-G'arb, 2016. - 320 b.
  • Uzeyir Hajibayli: yozuvchi, bastakor: 1885 — 1948 / Ozarbayjon Respublikasi Madaniyat va turizm vazirligi; trans K. Nasibova; tahrirlangan J.Huseynov. - Boku: XAN nashriyoti, 2015. — 36 b.: Rasm; 20 sm. — (Ozarbayjon adabiyoti). - Ingliz tilida. — Baku 2015 — 1—Evropa o'yinlari.
  • Gurbanov Babek. Unutilmas musiqa olami / B. O. Gurbanov; ilmiy muharrir: I. C. Imomverdiyev, Abdulla Y .; tahrirlangan Sh. Salimbeyli. Boku: Evropa, 2015. 292 b.
  • Uzeyir Hajibeyov: arxiv materiallari, esse, esse, maqolalar / Haydar Aliyev fondidan, Ozarbayjon madaniyat jamg'armasi; sost., nauch. tahrirlangan A. Z. Tagizade; filiali tahrirlangan U. Imanova; muh .: K. Nasirova, I. Pazycheva. Boku: Sharq-G'arb, 2014. 304 b.
  • Hajibeyov, Uzeyir. Ozarbayjon xalq musiqasi asoslari / U. A Hajibeyli; fikr o'qituvchisi, muharriri, mas'ul muharriri T.Mammadov; tahrirlangan xodimlar: F. Badalbeyli [va boshqalar]; Ozarbayjon Respublikasi Madaniyat vazirligi. Boku: Sharq-G'arb, 2019. 360 b.
  • Qafarova Zemfira. Uzeyir Hajibeyovyning „Ko'rog'li“ suvi / Z. H. Gafarova; tahrirlangan A. Asadzoda; Ozarbayjon Respublikasi Madaniyat va turizm vazirligi. Boku: Uyg'onish davri - A, 2017. 160 b.
  • Uzeyir Hajibeyov arxivining tavsifi / AMEA M. Fuzuli nomidagi qo'lyozmalar instituti; tahr., muallim. A. Imanova; ilmiy tahrir P. A. Karimov. Boku: Elm, 2018. 440 b.
  • Kazimzade Oydin. Uzeyir Hajibeyov va kino / A. A. Kazimzade; tahrirlangan M. Beyishli. Boku: Mütarcim, 2009. 112 b.
  • Hajibeyov Uzeyir. Tanlangan asarlar: 2 jildda / Ü. A Hajibeyov; tortish A. A. Abasov. II jild. Boku: Sharq—G'arb, 2005. 456 b.
  • Uzeyir Hajibeyov / Geydar Aliyev fondi, Ozarbayjon madaniyatining do'stlari jamg'armasi; muqaddima M. A. Aliyeva. Boku: Sharq—G'arbiy, 2008. 392 p.
  • Uzeyir Hajibeyov entsiklopediyasi / E. Abbasova [va boshq.]; tahrirlangan xodimlar: E.Abbasova [va boshq.]; Haydar Aliyev jamg'armasi, Ozarbayjon madaniyatining do'stlari jamg'armasi. Boku: Sharq—G'arbiy, 2008. 239 b.
  • Uzeyir Hajibeyov: bibliografiya = Gadjibekov Uzeyir: bibliografiya / Ozarbayjon Respublikasi Madaniyat va turizm vazirligi, M.F. Axundov nomidagi Ozarbayjon Milliy kutubxonasi; loyihaning ruhi. A M. Qoraev; tortish H. Hashimova [va boshq.]; ilmiy tahrir Z. Y. Safarova; muharrirlari: K. M. Tohirov, G. C. Safaraliyeva. Boku: Чинar-чап, 2009. 380 b.
  • Uzeyir Hajibeyov - „Ko'rog'li“ operasi: 3 ta Pardalar / 5Tablo / Türksoy - Xalqaro Turk madaniyati tashkiloti; ing. terc. Y. Vaudable, terc., Ed. T. B. Davletov. Anqara: n. y., 2011. 144 b.
  • Uzeyir Hajibeyovning entsiklopediyasi / ilmiy nashr. N. Ibragimov. Boku: Ozarbayjon nashriyoti, 1996. 304 b.
  • Nabiyev Bakir. Uzeyir Hajibeyov tarjimai holi: parchalar / B. A. Nabiyev; tahrirlangan C. M. Mammadov; Haydar Aliyev jamg'armasi. Boku: Sharq—G'arb, 2012. 520 b.
  • Bayramova Xumar. Uzeyir Hajibeyov asarlarida xor musiqasi / X. Z. Bayramova; ilmiy tahrir I. A Habibbayli; AMEA arxitekturasi va men. [41]

Eslatmalar[tahrir]

  1. American Film Institute catalog
  2. Böyük Ensiklopedik Lüğət: "Гаджибеков Узеир Абдул Гусейн оглы (1885-1948)"
  3. Üzeyir bəy Əbdülhüseyn oğlu Hacıbəyov (1885-1948)
  4. "“Əsərlərin dövlət varidatı elan edilməsi Qaydaları”nın və “Əsərləri dövlət varidatı elan edilən müəlliflərin və dövlət varidatı elan edilən filmlərin Siyahısı”nın təsdiq edilməsi haqqında" Azərbaycan Respublikası Nazirlər Kabinetinin 7 may 2019-cu il tarixli, 211 nömrəli Qərarı (az). cabmin.gov.az (2019-05-11). 2019-05-13.
  5. Hüseyn Əhmədov. Azərbaycan məktəb və pedaqoji fikir tarixi. Bakı: Elm və təhsil, 2014. - səh. 315-316.
  6. Christoph Werner. Drama and operetta at the Red Lion and Sun: Theatre in Tabriz 1927-41 // Culture and Cultural Politics Under Reza Shah / Edited by Bianca Devos and Christoph Werner. — С. 215.

  7. Azərbaycan Respublikasınn dövlət rəmzləri
  8. Mattew O'Brien. Uze ir Hajibeyov and his role in the development of musical life in Azerbaijan. — Routledge, 2004. — С. 211. — ISBN 0-415-30219-6, 9780415302197
  9. William O. McCagg, Brian D. Silver. Soviet Asian ethnic frontiers. — Pergamon Press, 1979. — ISBN ISBN 0-08-024637-0, 9780080246376
  10. 10,0 10,1 Üzeyir Hacıbəyov haqqında elektron kitabxana
  11. Mattew O'Brien. Uzeyir Hajibeyov and his role in the developement of musical life in Azerbaijan. — Routledge, 2004. — С. 209. — ISBN 0415302196, ISBN 9780415302197
  12. Üzeyir Əbdülhüseyn oğlu Hacıbəyov - elektron dərs vəsaiti
  13. Kayzen.az – Böyük musiqiçilər: Üzeyir bəy Hacıbəyli | Azərbaycan peşəkar musiqisinin banisi
  14. Üzeyir Hacıbəyovun həyat və yaradıcılığı
  15. 15,0 15,1 Yaradıcılığı ilə şəxsiyyətini tamamlayan sənətkar
  16. Kamal Camalov. Mollanəsrəddinçilərin maarifçilik ideyaları. Bakı: Elm və təhsil, 2015.
  17. Ədibin imzaları
  18. Paşa Kərimov Üzeyir Hacıbəylinin şəxsi arxivinin təsviri
  19. Ədəbi irsi / Publisistika və felyetonlar
  20. Üzeyir Hacıbəyovun «Leyli və Məcnun» operası
  21. Fikrət Əmirov - Üzeyir məktəbi
  22. Üzeyir Hacıbəyov - 125
  23. "C.Məmmədquluzadə və Ü.Hacıbəyovun pedaqoji fikirləri". Yusif Talıbov, Fərahim Sadıqov, Sərdar Quliyev. Azərbaycanda məktəb və pedaqoji fikir tarixi. Bakı: Ünsiyyət, 2000. - səh. 356.
  24. Inna Naroditskaya. Song from the Land of Fire: Azerbaijanian Mugam in the Soviet and Post-Soviet Periods (Current Research in Ethnomusicology: Outstanding Dissertations). — Routledge Press, 2002. — С. 236. — ISBN 0415940214, ISBN 9780415940214
  25. Koroğlu Operasının Overturası
  26. İncəsənət xadimləri - Üzeyir Hacıbəyov
  27. Michael G. Smith., Cinema for the "Soviet East": National Fact and Revolutionary Fiction in Early Azerbaijani Film, Slavic Review, Vol. 56, No. 4 (Winter, 1997), The American Association for the Advancement of Slavic Studies, 1997, pp. 645-678:

  28. Muaiqi dünyası - Böyük sənətkar
  29. Üzeyir Hacıbəyov, "Sənsiz".
  30. Bülbül - Ölməz sənətkar
  31. Bakı Musiqi Akademiyası, Üzeyir Hacıbəyov XX yüziliyin I yarısında dünya musiqi mədəniyyətində...
  32. Marina Frolova-Walker., National in Form, Socialist in Content": Musical Nation-Building in the Soviet Republics, Journal of the American Musicological Society, Vol. 51, No. 2 (Summer, 1998), University of California Press on behalf of the American Musicological Society, 1998, pp. 331 -371:

  33. Üzeyir Hacıbəyovun anadan olmasının 110 illik yubileyinin keçirilməsi haqqında Azərbaycan Respublikası Prezidentinin 1 sentyabr 1995-ci il tarixli Qərarıanl.az saytı
  34. Üzeyir Hacıbəylinin 125 illik yubileyi və Üzeyir Musiqi Günü qeyd olundu
  35. Ü.Hacıbəyova ithaf
  36. Musiqili ömrün şərəfli salnaməsi - Üzeyir Hacıbəyov
  37. Birinci vitse-prezident Mehriban Əliyeva “Üzeyir Hacıbəyli” fəxri medalı ilə təltif edilib
  38. “GÜLLƏLƏNMİŞ ABİDƏLƏR” ZİYARƏT OLUNUB
  39. Erməni vandalizmini dünyaya göstərə biləcək “şəhid heykəl”lər
  40. Əfrasiyab Bədəlbəyli - O, hamının dostu idi (Ü. Hacıbəyov haqqında)
  41. Elektron Kataloq - Üzeyir Hacıbəyli

Manba[tahrir]

Havolalar[tahrir]

Tashqi malumot[tahrir]