Rashiduddin

Vikipediya, ochiq ensiklopediya
Jump to navigation Jump to search

Rashiduddin, (toʻliq ismi) Rashiduddin Fazlulloh ibn Imomuddavla Abulxayr Hamadoniy, at-Tabib (1247, Hamadon1318.18.7, Tabriz) — Eron tarixchisi va davlat arbobi. Hulokuiylaryaan Abaqaxon davri (126582)da saroy xizmatida boʻlgan. 12981317 yillari Erondagi moʻgʻul xukmdorlari Gʻozonxon, Uljaytuxon, Abu Saʼid saroyida vazir. Amalda davlatni idora etgan. R. tashabbusi bilan oʻtkazilgan Gʻozonxon islohotlari mahalliy mulkdorlar ahvolini yengillashtirib, moʻgʻul amaldorlari oʻzboshimchaligiga barham bergan. Mamlakatda xoʻjalik tiklana boshlagan, yerlar iqto tarzida moʻgʻul harbiy boshliqdariga boʻlib berilgan. R. vazirligi davrida mamlakatda eng yirik yer egasiga aylangan. 1318 yil R. mulkdorlar igʻvosi bilan Uljaytuxonni zaqarlashda ayblanib qatl qilingan.

P. — yirik olim. U tarixdan tashqari tibbiyot, tabiiy fanlar va ilohiyotga doir risolalar yozgan. Uning "Jome attavorix" asari Hulokuiylar davlati tarkibidagi mamlakatlarning siyosiy, ijtimoiy va iqtisodiy tarixi, etn.si, tili boʻyicha muhim manbadir.[1]

Manbalar[tahrir]

  1. OʻzME. Birinchi jild. Toshkent, 2000-yil