Zafar Hoshimov
| Zafar Hoshimov | |
|---|---|
 Sarmoyador, tadbirkor | |
| Asl ismi | Zafar Komilovich Hoshimov |
| Tugʻilishi |
29-iyun 1968 (52 yosh) |
| Fuqaroligi | O'zbekiston |
| Universitet |
Toshkent Davlat universiteti 1992 y. Sasseks universiteti (Brayton, Angliya) 1992-1994yy. |
| Sayt | www.korzinka.uz |
Zafar Komilovich Hoshimov; (tug‘. 29-iyun 1968-yil, Toshkent, O‘zbekiston SSR) — o‘zbek tadbirkori, tarkibiga korzinka.uz, korzinka.uz DISKONT, Smart do‘konlari kiruvchi „Anglesey Food“ MChJ ShK asoschisi[1][2].
Faoliayti[tahrir]
1992-yilda Toshkent Davlat universitetida Ehtimollar nazariyasi va matematik statistika bo‘yicha oliy ta'lim olgan.
1992-yildan 1994-yilgacha Sasseks universitetida (Brayton, Angliya) o‘qigan. 1992-yildan 1995-yilgacha Zafar Hoshimov UzEX MChJ bosh direktori sifatida faoliyat yuritgan. 1995-yildan 1997-yilgacha „Balton Trading (Asia)“da biznes rivojlanishi bo‘yicha direktor lavozimida faoliyat yuritgan[3].
1996-yil dekabrda Zafar Hoshimov Anglesey Food kompaniyasiga asos soldi. 1997-yilda tadbirkor ayni vaqtda Darxondagi Smart do‘koni o‘rnida Anglesey Food brendi ostida ilk do‘konni ochdi va O‘zbekistonda supermarketlar tarmog‘i rivojlanishi uchun poydevor qo‘ydi[4][5][6].
2005-yilda tarmoq rebrendingi amalga oshirildi. Shu vaqtdan boshlab, supermarketlar korzinka.uz brendi ostida rivojlana boshladi. 2010-yilda kompaniya Smart uy do‘konlarini, 2016-yilda esa korzinka.uz Diskont ulgurji savdo supermarketlarini alohida bo‘limlarga bo‘lib, xizmat ko‘rsatish shakllarini xilma-xillashtirishni boshladi[7].
2018-yilda O‘zbekistonda ilk bor FLO multibrend turk poyabzal do‘koniga asos soldi[8].
2019-yilda Toshkentda O‘zbekistonda savdo-ko‘ngilochar markaziga qo‘shimcha sifatida emas, balki alohida gastronomik loyiha sifatida ochilgan ilk fudkort hisoblangan Five fudkortni ochdi[9].
2019-yil noyabr oyida Yevropa tiklanish va taraqqiyot banki (YTTB) korzinka.uz supermarketlar tarmog‘i operatori „Anglesey Food“ MChJ ShK aksionerlik kapitaliga to‘g‘ridan-to‘g‘ri 40 million AQSh dollarigacha sarmoya kiritishi maʼlum bo‘ldi. Investitsiyalar tarmoqni mavjud 50 supermarketdan 2025-yilga qadar 140 supermarketgacha kengaytirish Dasturini qo‘llab-quvvatlash, shuningdek, faoliyat samaradorligi va korporativ boshqaruv standartlarini xalqaro standartlarga mos holda yaxshilash uchun yo‘naltiriladi. 2020-yilning fevral oyida Yevropa tiklanish va taraqqiyot banki (YTTB) bilan shartnoma imzolandi[10][11][12].
2020-yil may oyida Hoshimov O‘zbekistondagi ilk tadbirkorlik universiteti — TEAM University’ning hamasoschisi va Vasiylik kengashi aʼzosiga aylandi. Universitet 120 yillik tarixga ega London South Bank University (QS reytingi talqini bo‘yicha dunyoning TOP-1000 universitetlari ro‘yxatiga kiradi)[13][14][15].
Ijtimoiy tarmoqlarda[tahrir]
O'zbekistonda koronavirus pandimiyasi boshlangandan soʻng, bir qancha ijtimoiy tarmoq foydalanuvchilari tomonidan „korzinka.uz“dan banan sotib olmaslik kerakligi, banan orqali virus yuqishi ehtimoli borligi haqida gap-soʻzlar tarqalgan. Shndan soʻng „korzinka.uz“da banan savdosi uch barobarga tushib ketgan. Zafar Hoshimov bu mish-mishlar yolgʻon ekanligini, banan Xitoydan emas Ekvadorda yetishtirilishi va Atlantika okeani orqali Boltiq dengizi portlariga, u yerdan Toshkentga olib kelinishi haqida aytgan hamda fuqorolarni yolgʻon maʼlumotlarga ishonmaslikka chaqirgan [16] [17][18].
Zafar Hoshimov prezident Shavkat Mirziyoyevning qo‘shilgan qiymat solig‘i (QQS) stavkasini kamaytirish bo‘yicha topshirig‘iga izoh berib, soliq stavkalari, birinchi navbatda, QQS stavkasining soliq to‘lovchilar bazasini parallel ravishda kengaytirish va ushbu soliq bo‘yicha barcha imtiyozlarning bekor qilinishi jarayonida pasaytirilishi yashirin iqtisodiyot sektorining qisqarishiga yordam berib, soliq solishni biznes uchun yanada adolatli qilishi haqida fikrlarini bildirib oʻtgan va bu ijtimoiy tarmoqda katta muhokamalarga sabab boʻlgan[19][20].
Manbalar[tahrir]
- ↑ Video. Zafar Xashimov i Anvar Irchaev: „Budte gotovi k vnutrenney transformatsii“
- ↑ U vas smetali grechku, u nas — kartofel
- ↑ Istoriya Korzinka.uz i sekreti roznichnoy torgovli. Bolshaya beseda s Zafarom Xashimovim
- ↑ Korzinka.uz: O nas
- ↑ korzinka.uz supermarketlar tarmogʻiga ISO 9001 va 22000 milliy va xalqaro sertifikatlari tantanali ravishda topshirildi
- ↑ TORGOVAYa SYeT KORZINKA.UZ POLUChILA SYeRTIFIKATI ISO 9001 I ISO 22000
- ↑ Natsionalniy Marketingoviy sentr
- ↑ Toshkentda ilk multibrend poyabzallar do‘koni — FLO ishga tushdi
- ↑ Sirg‘alidagi „Five“ fudkorti: oilalar uchun yangi pazandalik loyihasi
- ↑ Yevropa tiklanish va taraqqiyot banki korzinka.uz’ga 40 million dollar pul tikmoqchi
- ↑ YTTB „Korzinka.uz“ supermarketlar tarmog‘iga 40 mln dollar investitsiya kiritadi
- ↑ YeTTB korzinka.uz supermarketlar tarmogʻiga 40 million dollargacha sarmoya kiritadigan boʻldi
- ↑ TEAM universiteti tashkil etildi
- ↑ O‘zbekistonda yangi universitet tashkil etiladi
- ↑ V Uzbekistane otkroyut universitet dlya podgotovki biznesmenov i upravlensev
- ↑ Zafar Hoshimov yolg‘on maʼlumotlar tarqatmaslikka chaqirdi
- ↑ Zafar Xashimov prizval ne poddavatsya dezinformatsii
- ↑ Zafar Xashimov viskazal svoe mnenie o koronaviruse i rasskazal, kak zaщititsya ot nego
- ↑ Zafar Hoshimov QQS stavkasini pasaytirish qanday taʼsirga ega bo‘lishini baholadi
- ↑ Zafar Hoshimov: „Xudo xohlasa, hammasi yaxshi bo‘ladi!“
Havolalar[tahrir]
  |
 |