Instagram

Vikipediya, ochiq ensiklopediya
Jump to navigation Jump to search
Instagram
Instagram logo 2016.svg
Instagram logo.svg
Muallif
Ishlab chiqaruvchiFacebook, Inc.
Chiqish sanasi6-oktabr, 2010-yil (10 yil avval) (2010-10-06)
Operatsion sistema
Til(lar)xitoy, xorvat, chex, dan, niderland, ingliz, fin, fransuz, olmon, grek, hind, venger, indonez, italyan, yapon, koreys, malay, norveg, polyak, portugal, rumin, rus, slovak, ispan, shved, tagalog, tay, turk, ukrain, vyetnam, fors
Litsenziyaen:Proprietary software (Foydalanish shartlari bilan)

InstagramKevin Systrom va Mike Krieger tomonidan yaratilgan hamda rasm va videolarni ulashish uchun moʻljallangan ijtimoiy tarmoq. Shuningdek, boshqa ijtimoiy tarmoq platformalari orqali ularni yuklash imkonini beradi. Bundan tashqari, foydalanuvchilar rasmlar va videolar uchun raqamli filtrlar qoʻllash imkoniga egadir. Instagramda videolar uchun maksimal davomiylik 60 soniyadir.[1] Instagram Apple App Store va Android Google Play orqali bepul tarqatiladi.

Tarixi[tahrir]

Instagram ikonkasi (2016-yildan)

Instagram Kevin Systrom va Mike Krieger tomonidan yaratilgan hamda bepul mobil ilova sifatida 2010-yilning oktabr oyida ishga tushirilgan. Dastlab, bu ilova nomi „Burbn“ boʻlgan. Keyinchalik, Systrom va Krieger, „instant camera“ („tezkor kamera“) va „telegram“ soʻzlarini birlashtirib, ilovaning nomini „Instagram“ga oʻzgartirishdi.[2]

Bu xizmat qisqa fursatda 2012-yilning aprel oyiga kelib, 100 million faol foydalanuvchilarga ega boʻlganligi ortidan mashhurlik qozondi. Keyinchalik shu yilning oʻzida kompaniyani Facebook, Inc. sotib oldi. Instagram uchun AQSh$1 milliard sarflandi. 2018-yilga kelib esa Instagramda foydalanuvchilar soni 1.1 milliardga yetdi. Mutaxasislarning taʼkidlashicha, Instagramdan tushadigan foyda naqd $2.8 milliardni tashkil etadi.[3]

Hozirgi kunda Instagram Nokia aqlli telefonlari va BlackBerry 10 va boshqa planshetlar uchun ham mavjud.[4] Instagram foydalanuvchilari uchun yangi funksiya paydo bo‘ldi. Unga ko‘ra, endilikda katta yoshli foydalanuvchilarning notanish o‘smirlarga yozishi taqiqlanadi. Yangi funksiya kattalarga 18 yoshga to‘lmagan, ularning sahifasiga obuna bo‘lmagan o‘smirlarga yozish imkoniyatini bermaydi. O‘smirlar esa, o‘z navbatida, sahifasiga a’zo bo‘lish uchun so‘rov yuborgan foydalanuvchilarning shubhali xatti-harakatlari to‘g‘risida ogohlantiriladi[5]

Live Rooms[tahrir]

2021-yil 1-martdan boshlab Instagramda uch kishi bilan jonli efir qilish funksiyasi (Live Rooms) qoʻshildi[6].

13 yoshgacha boʻlgan bolalar uchun versiya[tahrir]

Facebook ijtimoiy tarmog‘i Instagram’ning 13 yoshgacha bo‘lgan bolalar uchun mo‘ljallangan maxsus versiyasini ishlab chiqadi. Ma’lum qilinishicha, Facebook’ning o‘zida hozirda shunday texnologiya mavjud bo‘lib, u Messenger Kids deb nomlangan. Ammo undagi barcha funksiyalar hamda tarkibiy qism o‘smirlar (14–18 yosh) uchun moslashtirilgan. Ishlab chiqiladigan yangi ilovaga esa ota-onalarga farzandining sahifalarini nazorat qilishga imkon beruvchi tizim kiritiladi.

„Biz bolalar uchun do‘stlar bilan aloqada bo‘lishi, yangi sevimli mashg‘ulotlari, qiziqishlari bilan bemalol shug‘ullana olishlari uchun ota-onalar tomonidan boshqariladigan tizim kiritiladigan Instagram ishlab chiqishni rejalashtirmoqdamiz“, — deya ta’kidlagan kompaniya vakili Djo Osborne[7].

Manbalar[tahrir]

  1. Instagram Blog Arxivlandi 2017-08-18 Wayback Machine saytida.. Blog.instagram.com. 2013-08-20.
  2. „5 Of The Most Popular Instagram Accounts“. Yahoo! Finance. Qaraldi: 10-Fevral 2020-yil.
  3. Fiegerman, Seth „Instagram da 300 millionta faol foydalanuvchilar“. Mashable (Dek 11, 2014). Qaraldi: 23-Iyun 2015-yil.
  4. „BlackGram“. BlackBerry World. Qaraldi: 24-Dekabr 2013-yil.
  5. „Instagram’да болаларни ҳимоя қилишга қаратилган янги функция пайдо бўлди“. Bugun.uz. Qaraldi: 2021 йил 17 март.
  6. „Instagram’да янги функция пайдо бўлди“. Bugun.uz. 13-Iyul 2021-yilda asl nusxadan arxivlandi. Qaraldi: 2021 йил 2 март.
  7. „Facebook 13 ёшгача бўлган болалар учун алоҳида Instagram ишлаб чиқади“. Bugun.uz. Qaraldi: 2021 йил 19 март.

Havolalar[tahrir]

(podkast). Bu qanday qurilgan. NPR (19-sentabr, 2016-yil).