Prezident maktabi (Fargʻona)
| Fargʻona Prezident maktabi Fargʻona shahridagi Prezident maktabi | |
|---|---|
| Joylashgan yeri | |
| Qashqar koʻchasi Fargʻona shahri, Fargʻona viloyati,  Oʻzbekiston,
| |
| Maʼlumot | |
| Maktab turi | Prezident maktabi |
| Asos solingan sanasi | 2021-yil 6-noyabr |
| Mutaxassislar | Mahalliy 22 ta, chet ellik 10 ta[1]. |
| Direktor | Mo'minov Obidxon Norxo'jayevich[2]. |
| Til | Oʻzbekcha Inglizcha |
| Website | Fargʻona shahridagi Prezident maktabi |
Fargʻona Prezident maktabi (toʻliq nomi Fargʻona shahridagi Prezident maktabi) — 2021-yil 6-noyabr kuni Fargʻona shahrida ochilgan zamonaviy taʼlim muassasasi. Maktabda darslar STEAM yoʻnalishiga oid oʻquv qoʻllanma va darsliklar orqali olib boriladi[3]. Maktabga Kanada, AQSH, Filippin, Yangi Zelandiya, Zimbabve va Yamayka kabi xorijiy davlatlardan mutaxassislar jalb qilingan[1]. Ular bilan birga 22 nafar mahalliy oʻqituvchilar faoliyat yuritadi. Prezident maktablari uchun kirish imtihonlari Cambridge universitetining Cambridge Assessment International Education imtihon kengashi tomonidan oʻtkaziladi[4].
Ochilish tarixi[tahrir | manbasini tahrirlash]
Fargʻona shahridagi ushbu oʻquv muassasasi rasman 2021-yil 6-noyabrda ochilgan. Oʻquv kompleksi qurilishi uchun 80 milliard soʻm sarflangan[1]. Kompleks tarkibida 168 oʻrinli oʻquv binosi, shuncha oʻrinli yotoqxona, oshxona, sport zali, bosseyn va 15 oʻrinli oʻqituvchilar yotoqxonasi mavjud[3]. 2021-yilda 10 mingga yaqin talabgorlar ushbu maktabda oʻqish istagini bildirgan va ulardan 144tasi imtihon asosida oʻqishga qabul qilingan[3]. Maktab bitiruvchilari shahodatnoma, attestat, shuning bilan birga xalqaro darajadagi dastur diplomiga ega boʻlishi mumkin[4].
Qulayliklar[tahrir | manbasini tahrirlash]
- Maktab oʻquvchilari bepul taʼlim, 5 mahal ovqat, bepul maktab formasi va bepul yotoqxona bilan taʼminlanadi[5].
- Har bir oʻquvchi davlat tomonidan maktab davrida foydalanish uchun shaxsiy komputer bilan taʼminlanadi.
- Darslardan soʻng kamondan otish va chavandozlik, suzish, futbol kabi sport turlaridan va drama hamda musiqiy asboblar oʻrganish uchun mashgʻulotlar tashkil qilinadi.
Hamkorlik[tahrir | manbasini tahrirlash]
Fargʻona shahridagi Prezident maktabi va Oʻzbekiston Respublikasi Milliy gvardiyasining Fargʻona viloyat boshqarmasi oʻrtasida hamkorlik memorandumi imzolangan[1].
Manbalar[tahrir | manbasini tahrirlash]
- ↑ 1,0 1,1 1,2 1,3 Botir, Madiyorov „Fargʻonada Prezident maktabi oʻz faoliyatini boshladi“. xs.uz. Xalq so'zi. 2023-yil 4-iyunda asl nusxadan arxivlangan. Qaraldi: 4-iyun 2023-yil.
- ↑ „O’zbekiston Respublikasi Prezident ta'lim muassasalari agentligi tasarrufidagi maktablar to‘g‘risida umumiy ma’lumot (nomi, joylashgan joyi, ish tartibi, aholi bilan ishlash bo‘yicha telefon raqamlari, rasmiy veb-sayti, elektron pochta manzili, rahbarning F.I.Sh., geografik joylashuvi)“. data.egov.uz. data.egov.uz. Qaraldi: 4-iyun 2023-yil.
- ↑ 3,0 3,1 3,2 „Farg‘onada Prezident maktabi foydalanishga topshirildi (fotoreportaj)“. daryo.uz. 2023-yil 4-iyunda asl nusxadan arxivlangan. Qaraldi: 4-iyun 2023-yil.
- ↑ 4,0 4,1 „Farg'onada Prezident maktabi ochildi.“. Ixtisoslashtirilgan ta'lim muassasalari agentligi. Qaraldi: 4-iyun 2023-yil.
- ↑ „Farg'ona shahridagi Prezident maktabi“. portal.piima.uz. Qaraldi: 4-iyun 2023-yil.
Havolalar[tahrir | manbasini tahrirlash]
- Fargʻona Prezident maktabining rasmiy telegram kanali
- Fargʻona Prezident maktabining rasmiy YouTube kanali
- Fargʻona shahridagi Prezident maktabi
- Ixtisoslashtirilgan taʼlim muassasalari agentligining rasmiy veb-sayti
- Ixtisoslashtirilgan taʼlim muassasalari agentligining rasmiy Facebook sahifasi
- Ixtisoslashtirilgan taʼlim muassasalari agentligining rasmiy Instagram sahifasi
- Ixtisoslashtirilgan taʼlim muassasalari agentligining rasmiy kanali
