Oʻzbekiston Respublikasi Milliy gvardiyasi
Jump to navigation
Jump to search
 | |
| Turi | harbiy tuzilma |
|---|---|
| Sanoat | mudofaa |
| Maqomi | amalda |
| Ishga tushgan sanasi | 1992-yil |
| Hududiy hizmati |
 Oʻzbekiston |
| Qoʻmondoni | Rustam Joʻrayev |
| Ishchilar soni | 30000 |
| Vebsayti | milliygvardiya.uz |
Oʻzbekiston Respublikasi Milliy gvardiyasi — Oʻzbekiston Respublikasi Qurolli Kuchlari tarkibidagi huquqni muhofaza qiluvchi va harbiy tuzilma.[1][2]
Tarixi[tahrir]
- 1992-yil 23-yanvarda Oʻzbekiston Respublikasi Vazirlar Mahkamasining 29-son qarori bilan, „Oʻzbekiston Respublikasining davlat mustaqilligi asoslari toʻgʻrisida“gi (1991 yil 31 avgust) qonuniga muvofiq Oʻzbekiston Respublikasi Ichki ishlar vazirligining 3408-son harbiy qismi negizida Milliy gvardiya brigadasi tashkil etilib, mamlakat Mudofaa ishlari vazirligi tasarrufiga berilgan edi.
- 2017-yil avgust oyidan eʼtiboran Milliy gvardiya mamlakat Qurolli kuchlari tarkibidagi mustaqil qoʻshin turi sifatida faoliyat koʻrsatmoqda.
- 2018-yilda ichki ishlar tizimidagi harbiy texnika oliy bilim yurti Oʻzbekiston Respublikasi Milliy gvardiyasi harbiy texnika instituti etib qayta tashkil etildi. Institut tomonidan yuqori malakali ofitserlar tayyorlanadi.
- 2019-yil yanvar oyida Ichki ishlar vazirligi Qoʻriqlash bosh boshqarmasi Ichki ishlar vazirligi tasarrufidan chiqarilib, mamlakat Milliy gvardiyasi tarkibiga oʻtkazildi.
- 2021-yil fevral oyida Milliy gvardiya qoʻriqlash xizmati tugatilib, Milliy gvardiya qoʻriqlash bosh boshqarmasi tashkil etildi[3].
Vazifalari[tahrir]
Oʻzbekiston Respublikasi Milliy gvardiyasining asosiy vazifalari quyidagilardan iborat:
- shaharlar va aholi punktlarida jamoat tartibi va xavfsizlikning saqlanishini taʼminlashda koʻmaklashish;
- davlat ahamiyatiga ega obʼektlar, hayotiy muhim obʼektlar, xorijiy davlatlarning diplomatik, konsullik va boshqa vakolatxonalari hamda jismoniy va yuridik shaxslarning mol-mulkini qoʻriqlash va himoya qilish;
- terrorizm va ekstremizm harakatlarining oldini olishda ishtirok etish;
- mamlakatning hududiy yaxlitligi va mudofaasini taʼminlashda ishtirok etish;
- ov va xizmat oʻqotar qurollarining [mamlakat hududiga] olib kirilishi, olib chiqilishi, xarid qilinishi, saqlanishi va qoʻllanilishini nazorat qilish;
- tabiiy va texnogen xususiyatga ega boʻlgan favqulodda vaziyatlarning oqibatlarini bartaraf etishda koʻmaklashish;
- xorijiy davlatlarning rasmiy vakillarini kutib olish va kuzatishda yuksak darajadagi marosim tadbirlarini taʼminlash.
Milliy gvardiyaning mintaqaviy o‘quv markazari[tahrir]
2021-yil 3-mart kuni Shavkat Mirziyoyevning „O‘zbekiston Respublikasi Milliy gvardiyasining o‘quv markazlari faoliyatini takomillashtirish bo‘yicha qo‘shimcha chora-tadbirlar to‘g‘risida“gi qarori qabul qilindi. Qarorga muvofiq, Nukus shahrida Milliy gvardiyaning Qoraqalpog‘iston Respublikasi mintaqaviy o‘quv markazi tashkil etildi. Shuningdek, Milliy gvardiyaning Farg‘ona o‘quv markazi Farg‘ona mintaqaviy o‘quv markaziga, Dashtobod o‘quv markazi esa Milliy gvardiyaning Jizzax mintaqaviy o‘quv markaziga aylantirildi.
Ushbu mintaqaviy o‘quv markazlarda harbiy xizmatchi va xodimlarni boshlang‘ich tayyorlash, qayta tayyorlash va ularning malakasini oshirish bo‘yicha o‘quv jarayoni quyidagicha taqsimlangan holda tashkil etiladi:
- Farg‘ona mintaqaviy o‘quv markazi – Toshkent shahri, Toshkent, Farg‘ona, Andijon va Namangan viloyatlarida xizmat qilayotgan harbiy xizmatchi va xodimlar uchun;
- Jizzax mintaqaviy o‘quv markazi – Sirdaryo, Jizzax, Samarqand, Qashqadaryo va Surxondaryo viloyatlarida xizmat qilayotgan harbiy xizmatchi va xodimlar uchun;
- Qoraqalpog‘iston Respublikasi mintaqaviy o‘quv markazi – Qoraqalpog‘iston Respublikasi, Xorazm, Navoiy va Buxoro viloyatlarida xizmat qilayotgan harbiy xizmatchi va xodimlar uchun[4].
Yana qarang[tahrir]
- Oʻzbekiston Respublikasi Vazirlar Mahkamasi
- Oʻzbekiston Respublikasi Prezidenti devoni
- Oʻzbekiston Respublikasi Mudofaa vazirligi
- Oʻzbekiston Respublikasi Ichki ishlar vazirligi
- Oʻzbekiston Respublikasi Davlat xavfsizlik xizmati
- Oʻzbekiston Respublikasi Favqulodda vaziyatlar vazirligi
- Oʻzbekiston Respublikasi Tashqi ishlar vazirligi
Manbalar[tahrir]
- ↑ ТАРИХИЙ МАЪЛУМОТЛАР, archived from the original on 2019-12-13, https://web.archive.org/web/20191213082526/http://milliygvardiya.uz/page?id=14, qaraldi: 2019-12-21
- ↑ ЎЗБЕКИСТОН РЕСПУБЛИКАСИ МИЛЛИЙ ГВАРДИЯСИ, archived from the original on 2019-12-13, https://web.archive.org/web/20191213081708/http://milliygvardiya.uz/page?id=11, qaraldi: 2019-12-21
- ↑ Президент қарори билан Миллий гвардия қўриқлаш хизмати Бош бошқармага айлантирилди. Bugun.uz. Asl nusxadan arxivlandi (2021-07-09). 2021 йил 23 февраль.
- ↑ Президент қарори билан Нукусда Миллий гвардиянинг минтақавий ўқув маркази ташкил этилди. Bugun.uz. Asl nusxadan arxivlandi (2021-07-14). 2021 йил 5 март.
 |