Najmi soniy

Vikipediya, ochiq ensiklopediya
(Najmi Soniydan yoʻnaltirildi)
Jump to navigation Jump to search

Najmi soniy (Ikkinchi Najm) (lakabi; asl ism-sharifi Amir Najmiddin Yor Ahmad Isfahoniy) (? — 1512.12.10, Gʻijduvon) — Eron shohi Ismoil I Safaviyning eng mashhur sarkardasi. "N.S." laqabini 7-asr oxiridagi arab sarkardasi nomidan olgan. 1512 yil Bobur Movarounnahr taxtini qaytarib olish uchun kurashayotganda uning iltimosiga koʻra, Ismoil I qizilboshlilarning katta qoʻshiniga (12 ming askar) N.S.ni qoʻmondon qilib yordamga joʻnatgan. Bobur N.S. qoʻshini bilan Qarshini qamal qilib, 3-kuni uni egallagan, qizilboshlilar shahar aholisini qatliom qilishgan. N.S. hech qanday qarshilikka uchramay Buxoro tomon yurib Gʻijduvonni qamal qilgan. Bu yerda toʻsatdan shayboniylar qoʻshinining shiddatli hujumiga duch kelib, tor-mor qilingan. N.S. jangda halok boʻlgan. Koʻp sonli qizilboshlilar qoʻshinidan oz qismigina yurtiga qaytib ketgan. Bobur bilan Ismoil I ittifoqi barham topgan. Bobur yana Kobul mulkiga qaytib ketishga majbur boʻlgan.[1]

Manbalar[tahrir]

  1. OʻzME. Birinchi jild. Toshkent, 2000-yil