Buxoro davlat tibbiyot instituti

Tarixi

Buxoro Davlat Tibbiyot Instituti (BuxDTI)
Xalqaro nomi	Bukhara State Medical Institute
Asos solingan	1990-yil
Oʻquv yurti turi	institut
Yoʻnalish	tibbiyot
Sohasi	stomatologiya
Rektori	Shuhrat Jumayevich Teshayev
Talabalari	6963
Bakalavriat	13 ta
Magistratura	30 ta
Akademiklar	74 ta
Fan doktorlari	40 ta
Professorlar	160 ta
Manzili	Buxoro, Alisher Navoiy shoh ko'chasi, N1-uy Oʻzbekiston
Vebsayti	www.bsmi.uz

Buxoro davlat tibbiyot instituti 1990 yil oktyabr oyida tashkil etilgan. 1991 yil mart oyida xalq deputatlari Buxoro viloyat Kengashi Prezidiumi qarori bilan unga “Abu Ali ibn Sino” nomi berilgan. Tibbiyot fakulteti 1991-yil, stomatologiya fakulteti 1992-yil, Oliy malakali hamshiralar kafedrasi 1999-yil, tibbiy pedagogika kafedrasi 2001-yil va pediatriya kafedrasi 2016-yilda tashkil etilgan.2018-yildan tibbiy profilaktika va tibbiy biologiya sohasida 2 ta yangi yo‘nalish yaratildi. Hozirgi kunda institutda 8 ta fakultet, 43 ta kafedra, jumladan, 8 ta yoʻnalish boʻyicha bakalavriat, 23 ta mutaxassislik boʻyicha magistratura va 40 dan ortiq mutaxassislik va 20 ta qoʻshma dasturlar boʻyicha klinik ordinatura yoʻnalishlari mavjud. Institutda jami 8500 dan ortiq talaba va rezident tahsil oladi. Institutda jami 480 nafar professor-o‘qituvchilar, jumladan, 50 nafar fan doktori, 18 nafar professor, 210 nafar fan nomzodi va dotsent, 100 nafar katta o‘qituvchilar faoliyat ko‘rsatmoqda.Institutda hozirda o‘zbek, rus, ingliz va turk tillarida darslar olib borilmoqda. Institut yangi tahrirdagi “Ta’lim to‘g‘risida”gi qonunga muvofiq 8 ta yo‘nalish bo‘yicha oliy ma’lumotli kadrlar tayyorlaydi:

60910200 – Umumiy tibbiyot – 6 yil, hozirda 7177 nafar talaba tahsil olmoqda;

5111000 – Tibbiy-pedagogik ishi – 6 yil, hozirda 409 nafar talaba tahsil olmoqda;

60910300 – Pediatriya – 6 yil, hozirda 721 nafar talaba tahsil olmoqda;

60910100 – Stomatologiya – 5 yil, hozirda 794 nafar talaba tahsil olmoqda;

60910400 – Davolash-profilaktika ishi – 5 yil, hozirda 357 nafar talaba tahsil olmoqda;

60910600 – Tibbiyot-biologiya fakulteti – 4 yil, hozirda 282 nafar talaba tahsil olmoqda;

510700 – Oliy hamshiralik ishi – 3 yil, hozirda 61 nafar talaba tahsil olmoqda;

60911100 – Xalq tabobati bo‘yicha ish – 4 yil, hozirda 88 nafar talaba tahsil olmoqda;

60910700 Dorixona -63; Sop - 261; xorijiy fakultet; halqaro turkiya fakulteti - 542

Buxoro davlat tibbiyot instituti rektorlari

Buxoro davlat tibbiyot instituti rektorlari

1990-1995 yillari	MUMINOV AKRAM IBRAGIMOVICH
1995-1996 yillari	OMIROV RAUF YULDASHEVICH
1996-2012 yillari	AXMEDOV RAXMAT MAXMUDOVICH
2012-2017 yillari	ASKAROV TOXIR ASKAROVICH
2017-2020 yillari	INOYATOV AMRILLO SHODIYEVICH
2020 y va hozirda	TESHAYEV SHUXRAT JUMAYEVICH

Institutning tarixiga nazar solsak. Аkram Ibragimovich Muminov institutning birinchi rektori boʼlib, 1990-1995 yillarda faoliyat olib borgan. 5-6 yil davom etgan samarali sermahsul faoliyati mobaynida Buxoro davlat tibbiyot institutining ishlab chiqilgan konsepsiyasiga muvofiq oʼquv – tarbiya jarayonining, ilmiy – uslubiy va xoʼjalik faoliyatining yangicha, mustaqil dasturini taʼlim tizimida muvaffaqiyatli joriy qilinishiga, dastlabki umumiy va bioorganik kimyo, tibbiy va biologik fizika, tibbiy biologiya va irsiyot, tillar, normal anatomiya, operativ jarrohlik va topografik anatomiya, biologik kimyo va boshqa kafedralarning birin ketin - tashkil etilishi va shakllanishiga bosh qosh boʼlgan.

1995-1996- yillarda institut rektori vazifasini tibbiyot fanlari doktori, professor Rauf Yuldoshevich Omirov vaqtincha bajarib, oliygohda taʼlim – tarbiya ishlarini takomillashtirishga munosib hissa qoʼshgan. Institut strukturasi, institutning kafedralar tizilmasi, oʼquv – uslubiy, ilmiy ishlarini yanada takomillashtirib institut faoliyati muvofiqlashtirishga erishildi.

Oʼzbekiston Respublikasi Vazirlar Mahkamasining qaroriga binoan 1996 – yilda institut rektori ilmiy ishlar prorektori boʼlib ishlab kelayotgan hamda “Fakultet va gospital xirurgiya” kafedrasi mudiri, Rahmat Mahmudovich Аxmedov rektor etib tayinlangan va 1996-2012- yillar davomida yaʼni 16 yil rahbarlik qilgan. U institutning yanada rivojlanishiga faol hissa qoʼshdi. Uning rektorligi davrida oliy hamshiralik ishi fakulteti va tibbiy – pedigogika fakultetlari birin – ketin ochildi. Raxmat Maxmudovich samarali kadrlar tayyorlashga katta eʼtibor berdi. Institut oʼz asoschichi tomonidan qoʼyilgan anʼanalarini saqlab, uning faoliyatini davom ettirdi, yangi boʼlimlar ochildi, ilmiy tadqiqot ishlariga katta eʼtibor qaratildi. U insonning rektorlik davrida institutning ilmiy salohiyati 2 baravar oshdi. Viloyat aholisi salomatligi holatining dolzarb masalalariga bagʼishlangan turli konferentsiya va kongresslar tashkil etildi.

Institutga 2012 - yil 6- iyuldan tibbiyot fanlari doktori Toxir Аskarovich Аskarov rektor etib tayinlangan va 2017 – yil mart oyiga qadar rahbarik qilgan. U rahbarlik qilgan yillarda kafedra va fakultetlarni takomillashtirish ishlari faol yoʼlga qoʼyildi. Toxir Аskarovich rahbarlik qilgan davrda institutga birinchi marta magistratura yoʼnalishlari uchun kvota ajratildi. Institutning birinchi qaldirgʼochlari “Morfologiya” ixtisoslari magistralari boʼlgan.

Fakultetlar

Davolash fakultetda 2020-2021 oʻquv yilida 1450 talaba tahsil oladi. Oʻqish muddati 6 yil boʻlib, fakultet tarkibiga quyidagi kafedralar kiradi:

1. Gistologiya, sitologiya va embriologiya

2. Patologik fiziologiya

3. Psixiatriya, narkologiya va tibbiy psixologiya kafedrasi

4. Umumiy jarrohlik

5. Akusherlik va ginekologiya

6. Ichki kasalliklar va endokrinologiya

7. Ixtiyoriy va gospital jarrohlik, urologiya

8. Ftiziologiya, pulmonologiya va dermatovenerologiya

Stomatologiya fakultetda 2020-2021 oʻquv yilida 706 talaba tahsil oladi. Oʻqish muddati 5 yil boʻlib, fakultet tarkibiga quyidagi kafedralar kiradi:

1. Ortopedik stomatologiya

2. Terapevtik stomatologiya

3. Yuz-jagʻ jarrohligi

4. Bolalar stomatologiyasi

5. Tibbiy kimyo

6. Biokimyo

7. Patologik anatomiya

Adabiyotlar

• OʻzME. Birinchi jild. Toshkent, 2000-yil