Toshkent tibbiyot akademiyasi

Vikipediya, ochiq ensiklopediya
Jump to navigation Jump to search

Toshkent tibbiyot akademiyasi — respublikada yuqori malakali tibbiyot kadrlari tayyorlaydigan yetakchi oliy oʻquv yurti hisoblanadi. Oʻzbekiston Respublikasi Vazirlar Mahkamasining 2005-yil 29-iyuldagi 178-qarori bilan Toshkent shahrida 1- va 2- Toshkent davlat tibbiyot institutlari negizida (qarang Toshkent birinchi tibbiyot instituti, Toshkent ikkinchi tibbiyot instituti) tashkil etilgan. Akademiya yuqori malakali tibbiyot kadrlarini tayyorlashni tashkil etishni takomillashtirish va sifatini oshirish, oʻqish jarayonini tashkil qilishning zamonaviy talablariga mos keladigan zarur oʻquv va moddiy texnika bazasini yaratish, ilgʻor taʼlim texnologiyalarini keng joriy etish asosida yangi mazmun bilan boyitish, boʻlgʻusi mutaxassislarning taʼlimi ular tomonidan aniq davolash amaliyoti malakalarini egallash bilan chambar-chas bogʻlab olib borilishini taʼminlash maqsadida tuzilgan. Akademiyada 5 ta (davolash, tibbiy-pedagogika, tibbiy-profilaktika, oliy hamshiralik ishi va malaka oshirish) fakultetlari, 58 kafedra, aspirantura, markaziy i.t. va markaziy klinik lab., 2200 oʻrinli klinika, ilmiy tibbiy axborot boʻli-mi, muzey, akad. litsey, kutubxona (800 mingdan ziyod asar), nashriyot va bos-maxona bor. Hozirgi 7000 ga yaqin talaba, shuningdek, magistratura yoʻnalishida 40 mutaxassislik boʻyicha 280 dan koʻproq rezident taʼlim oladi (2005). Toshkent tibbiyot akademiyasia. Toshkent shahridagi yirik kasalxonalarda qoʻshimcha klinik bazalarga ega. Akademiyada 1100 oʻqituvchi, shulardan 10 ga yaqini Oʻzbekiston FA va xalqaro akademiyalar akad., 200 dan koʻproq fan doktori, professor, 600 dan koʻproq fan nomzodi va dotsentlar faoliyat koʻrsatadi.

Toshkent tibbiyot akademiyasi huzurida nomzodlik va doktorlik dissertatsiyalarini himoya qilish boʻyicha 6 ta ixtisoslashgan kengash ishlaydi. Akademiya ilmiy toʻplam, monografiya va metodik qoʻllanmalar nashr etadi.

Filiallari[tahrir]

Toshkent tibbiyot akademiyasi Termiz filiali (TTATF)[tahrir]

O‘zbekiston Respublikasi Prezidenti tashabbusi va Vazirlar Mahkamasining 2018-yil 5-martdagi 172-sonli qaroriga binoan Termiz tibbiyot kolleji bazasida Toshkent tibbiyot akademiyasining Termiz filiali tashkil etilib, u 2018-yil 1-fevraldan faoliyatini boshladi.

2017-2019 o‘quv yilida 287 nafar, 2018-2019-yillarda 409 nafar, 2019-2020 o`quv yilida esa 384 nafardan ortiq talaba qabul qilindi. Hozirgi kunda filialda tibbiy fakultet mavjud bo‘lib, talabalar tibbiy va pediatriya sohasida ikki yo‘nalishda tahsil olmoqdalar.

Toshkent tibbiyot akademiyasining 11 nafar professor-o‘qituvchilari filial talabalari uchun onlayn maʻruzalar va seminarlar o‘tkazmoqdalar.


  • Filialda 4 ta kafedra mavjud:
  • Tibbiy biologik fanlari kafedrasi №1.
  • Tibbiy biologik fanlar kafedrasi №2.
  • "Tibbiyot kasbiga va propedevtikaga kirish kursi" kafedrasi.
  • "Ijtimoiy va gumanitar fanlar" kafedrasi.

Filialda 91 nafar o‘qituvchilar ishlaydi, ulardan 64 nafari asosiy shtatlar, 17 nafari ichki o`rindosh va 11 nafari soatbay. Filialining ilmiy salohiyati 33% ni tashkil qiladi. (10 fan doktori va 13 fan nomzodlari). TMA Termiz filiali Axborot-resurs markazining umumiy fondi 4379 kitobni tashkil yetadi. 2018-2019 o‘quv yilida 500 ta kitob sotib olindi. Axborot-resurs markazida Internetga ulangan 15 ta kompyuter mavjud. Q-box tizimi va Wi-Fi zonasi o‘rnatildi.

Filialda 6 ta klinik joy mavjud:

  • Respublika shoshilinch tibbiy yordam ilmiy markazining Surxondaryo bo‘limi;
  • Viloyat qon quyish markazi;
  • Viloyat endokrinologiya klinikasi;
  • Viloyat bolalar ko‘p tarmoqli tibbiyot markazi;
  • Viloyat onkologik dispanseri;
  • Viloyat ko‘p tarmoqli tibbiyot markazi.

Adabiyotlar[tahrir]



Havolalar[tahrir]