Umidjon Ergashev

Umidjon Ergashev

Shaxsiy maʼlumot
Toʻliq ismi	Umidjon Ergashev Ikromjonovich
Tavallud sanasi	20-mart 1999-yil (1999-03-20)
Tavallud joyi	Chelak, Samarqand, Oʻzbekiston
Boʻyi	1.83m
Ampluasi	Darvozabon
Klub maʼlumoti
Joriy klub	Nasaf
Raqami	1
Yoshligida aʼzo boʻlgan klublar
	Nasaf
Professional faoliyati*
Yillar	Jamoa	Isht.	(Gol.)
2017-	Nasaf	60	(0)
Milliy terma jamoa
2016	O‘zbekiston U-19	2	(0)
2018-	Uzbekistan U-20	3	(0)
2020-	O‘zbekiston U-23	2	(0)
2022-	Oʻzbekiston	0	(0)
*Professional klublardagi gollari (ichki chempionat)

Umidjon Ergashev (1999-yil 20-martda tugʻilgan) — oʻzbekistonlik futbolchi, „Nasaf“ va futbol boʻyicha Oʻzbekiston milliy terma jamoasida oʻynaydi.

Ilk yillar

Umidjon Ergashev 1999-yil 20-mart kuni Samarqand viloyatining Chelak qishlogʻida tavallud topgan. Juda kichik yoshidan futbolga kuchli qiziqishi boʻlgan. Buni sezgan oila aʼzolari Umidjonni Nasaf akademiyasiga olib kelishgan. 2017-yilgacha darvozabon Nasaf jamoasining turli yoshdagi jamoalari darvozasini qoʻriqlagan.

Karyera

Ichki chempionat

2017-yil 1-yanvardan Nasaf klubi bilan shartnoma tuzgan. Shundan buyon turli musobaqalarda 60 ta oʻyinda jamoa darvozasini qoʻriqlagan. Amaldagi shartnomasi 2024-yil 31-dekabrgacha imzolangan boʻlib, transfer narxi 300 000 yevroni tashkil etadi.

Oʻzbekiston terma jamoalarida

Umidjon Ergashev 2016-yilda Oʻzbekiston U-19 jamoasiga chaqirilgan va Osiyo chempionatida 2 ta oʻyinda maydonga tushgan. 2018-yilda Uzbekistan U-20 jamoasiga, 2020-yil esa Oʻzbekiston U-23 jamoasiga chaqiruv olgan. Oʻzbekiston milliy terma jamoasiga ham bir necha marotaba chaqiruv olgan boʻlsada, hali maydonga tushmagan.

Terma jamoa	Oʻyin	Gol	Daqiqa
Oʻzbekiston U-19	2	0	180
Oʻzbekiston U-20	3	0	270
Oʻzbekiston U-23	2	0	180
Oʻzbekiston	0	0	0

Yutuqlar

2021-yilda Ravshan Haydarov boshchiligidagi Oʻzbekiston U-23 jamoasi tarkibida Antalya Cup 2021 xalqaro turnirining eng yaxshi darvozaboni deya topilgan.

Jamoaviy

„Nasaf“

• Oʻzbekiston Chempionatida kumush medal: 2017, 2020
• Oʻzbekiston Chempionatida bronza medal: 2022
• Oʻzbekiston Kubogi sohibi: 2021, 2022, 2023
• AFC Kubogi finalchisi: 2021

2023-yilda

Ushbu mavsumda Umidjon Ergashev Oʻzbekiston Superligasida 2 marotaba asosiy tarkibda maydonga tushdi va 180 daqiqa davomida toʻliq harakat qildi. Ushbu 2 ta oʻyinda jami 9 ta toʻp oʻtkazib yubordi va bu uning asosiy tarkib uchun kurashiga salbiy ta'sir ko'rsatdi. Sariq va qizil kartochkalar olmadi. 10 ta oʻyinni zahiradan kuzatdi.