Sevara Nazarxon

Vikipediya, ochiq ensiklopediya
Sevara Nazarxon Anvarjonovna
Sevara Nazarxon (2006-yil)
Sevara Nazarxon (2006-yil)
Maʼlumot
Taxallusi Sevara
Tavallud topgan sanasi va joyi 1976 yil 23 dekabrda Andijon viloyati Asaka shahri O'zbekiston Respublikasi
Yo'nalishi folc-rock,pop,estrada.
Kasbi qoʻshiqchi, shoira, aktrisa, honanda
Musiqiy asbob(lar)i Pianino,dutor,tanbur,elektro gitara.
Yorliq O`zbekistonda xizmat ko'rsatgan artist (2002), "Nihol" davlat mukofoti sovrindori (2000)
Veb-sahifasi www.sevara.uz realworldrecords.com

Sevara Nazarxon oʻzbek qoʻshiqchisi, musiqachi va qoʻshiqlar muallifi. Andijon viloyati Asaka shahrida dunyoga kelgan.

Millati: o'zbek

Shou-biznesdagi ilk faoliyatini taniqli produser va musiqachi Mansur Toshmatov boshchiligidagi Sideris guruhida boshlagan. Toʻrt qizdan iborat guruh tezda tanilgan, ammo u yakkaxon qoʻshiqchi sifatida koʻproq muvaffaqiyat qozondi.

O'zbek estradasida Sevara Nazarxon nomi 1999 yilda kirib keldi. Muhammad Yusuf she'riga bastalangan "Yur muhabbat" qo'shig'i unga omad olib keldi. 2000 yildagi ilk "Ko'rgim kelar" albomidan joy olgan qo'shiqlari hamon katta ahamiyatga ega. 2001 yil boshidagi "Tushim" va "Unutgin" qo'shiqlariga ishlangan kliplari o'zining zamonaviyligi bilan barchaning diqqatini tortdi. Setora guruhi bilan kuylangan "Dugona", Abdulaziz Karim bilan kuylangan "Yagonam oʻzing" qo'shiqlari haqiqiy mashxurlik keltirdi. 2000 yil sentabr oyida birinchi marta "Nihol" Davlat mukofotiga Tohir Sodiqov, Dilfuza Rahimova, Setora guruhi qatorida sazovor bo'lib, tantanali marosimda "Millatlar" qo'shig'ini ijro etdi. 2001 yil 31 avgust kuni Mustaqillik maydonida bo'lib o'tgan Istiqlolning 10 yillik tantanalarida Muhammad Yusuf qalamiga mansub "Ulug'imsan Vatanim" qo'shig'ini ijto etib, haqiqiy iste'dodini namoyon etdi. 2002 yilda ijro etilgan "Vatan bu" kompozisiyasi ham olqishlarga sazovor bo'ldi. Sevara Nazarxon 2000 yildan boshlab Lindondagi Universal Music studiyasi hamda dunyoga mashxur xonanda va produser Piter Gabriel bilan hamkorlik qilib kelmoqda. 2003 yildan boshlab xalq qo'shiqlarini pop-folks yo'nalishida ijro eta boshladi. Uning ijrosini to'laqonli maqom ijrosiga qiyoslash san'atshunoslik nuqtai nazaridan noto'g'ridir. Sevara ijrosidagi maqom va xalq qo'shiqlari kuylash an'analari va stilistikasidan chekingan holda, ko'proq e'tibor ovozning musiqaga jo'rligiga erishish barobarida uslub buzilishiga duchor bo'lgan. Biroq uning o'zbek xalq qo'shiqlarining dunyo miqyosida yangrashiga qo'shayotgan hissasi uning kuylash mahoratidagi kamchiliklarini berkita oladi. O'zbekiston xalq artisti Yulduz Usmonova o'z intervyularidan birida, Sevara Nazarxon xalq qo'shiqlarini dunyoga o'z mualliflik qo'shig'i sifatida taqdim etayotganligini tanqid qilib o'tgan.

Pop yoʻnalishida ijod qiluvchi Sevara Nazarxon oʻz qoʻshiqlarida Markaziy Osiyo qoʻshiqchiligida keng tarqalgan milliy cholg'u asboblari dutor va tanbur dan keng foydalanadi. Soʻnggi yillarda xorijiy musiqa yozish studiyalarida yaratilgan qoʻshiqlarda xalq ogʻzaki ijodi namunalarining zamonaviy yoʻnalishda yangicha talqin etilishi Sevara Nazarxonga oʻziga xos imidj yaratdi. 2003 yilda fransiyalik prodyuser Hector Zazou hamkorligida yaratilgan Yol Boʻlsin albomi tanqidchilar tomonidan xush kutib olindi. Ushbu albomdag baʼzi qoʻshiqlar 2005 yilda Afro Celt Sound System albomiga kiritilgan (Volume 5: Anatomic).

Sevara Nazarxon 2004 yili BBC Radio 3 tomonidan taqdim etiladigan Osiyolik Eng Yaxshi Qoʻshiqchi Unvoniga sazovor boʻlgan. 2000 yilda suratga olingan "Tohir va Zuhra" yangi talqin filmida rol ijro etib, Abdulaziz Karim bilan "Yagonam o'zing" duetini ijro etgan. Sevaraning Rossiya Fedratsiyasining vokal ijrochiligi bo`yicha eng asosiy "Golos" ya'ni "Ovoz" loyihasidagi ishtroki hamma o`zbeklar uchun kutilmagan hol bo'ldi. Shundan keyin u "Вышка", "Точь в точь", "Танцы со звездами" kabi loyihalarda ham qator yutuqlarga erishdi. Hozirda u o`z oilasi bilan Angliyaning London shahrida istiqomat qilsada, London - Moskva - Toshkent yo'nalishida muntazam qatnab turadi. Bahor va kuzda asosan Toshkentda istiqomat qiladi. Deniz ismli o'g'li bor. O'zbekiston Respublikasi Prezidentining 26.08.2002 yildagi Farmoni bilan Sevara Nazarxonga O'zbekistonda xizmat ko'rsatgan artist unvoni berilgan.

Diskografiya[tahrir]

  • Bahtimdan (2000)
  • Yoʻl Boʻlsin (2003)
  • Bu Sevgi (2006)
  • Sen (2007)
  • Tak legko (2010)
  • Maria Magdalena (2012)
  • Pisma (2013)

Filmografiya[tahrir]

Filmlar[tahrir]

Yil Film nomi Rol
2000 Tohir va Zuhra yangi talqin Zuhra
"Майсара" супер звезда

Filmlar (vokal)[tahrir]

Yil Film nomi qo'shiq
2000 Tohir va Zuhra yangi talqin (Abdulaziz Karim bilan)
2002 Osmondagi bolalar
Osmondagi bolalar 2
Майсара" супер звезда
Baht ortidan
Bir kam dunyo (Shahzod guruhi bilan)
Bir kam dunyo 2 (Shahzod guruhi bilan)
Seni deb (Shahriyor bilan)
2014 Ko'rgim keladi

Qoʻshimcha manbalar[tahrir]