Paxtachi (gazeta)
| Paxtachi | |
|---|---|
| Elim deb, yurtim deb yonib yashamoq kerak! | |
| Formati | A3 |
| Kimga tegishli | Xalq deputatlari Paxtachi tuman kengashi va tuman hokimligi[1] |
| Asos solingan | 1973-yil[2] |
| Bosh muharrir | Sanjar Qurbonov |
| Siyosiyligi | ijtimoiy-siyosiy |
| Tili | o'zbek |
| Bosh ofisi | Samarqand viloyati, Paxtachi tumani, Ziyovuddin shaharchasi, Istiqlol mahallasi, Istiqlol ko'chasi, 58-uy |
| Adadi | 2000 nusxa (2025-yil)[3] |
| Vebsayt | muhim24.uz |
Paxtachi – Xalq deputatlari,Paxtachi tuman kengashi va tuman hokimligi gazetasi.
"Paxtachi" gazetasining birinchi soni 1935-yili "Uchqun" nomi ostida lotin alifbosida chop etilgan bo'lib, uning birinchi soniga narpaylik jurnalist Norqul Tolipov muharrirlik qilgan.
1963-yilga qadar "Uchqun" gazetasiga Hamdam Junaidov, Xolchuchuk Mullajonova, Qudrat Mizomov, Soli Xoʻjayev, Ahmad Eshmurodov, Ismoil Ibrohimovlar muharrirlik qilgan.
1963-yildan 1973-yilga qadar Paxtachi tumani va Narpay tumani birlashgach, "Uchqun" gazetasi ham "Qizil Norpoy" gazetasi bilan birlashib, „Paxtakor ovozi“ nomi bilan nashr etila boshlagan. Oʻsha paytda nashrga dastlab Qudrat Mizomov, soʻng Ismoil Ibrohimov muharrirlik qilganlar.
1973-yil Paxtachi tumani qaytadan tashkil qilingach, Paxtachi gazetasi chop etila boshlandi. Nashrga Ismoil Ibrohimov muharrir etib tayinlanadi. Bu vaqtda gazeta haftasiga uch marta chiqarilgan va uzoq yillar 5-6 ming nusxadan chop etilgan. Shu vaqt ichida gazeta tahririyatida Obla Umarov, Fayzulla Oʻroqov, Bahriddin Shamsiyev, Qodir Shokirov, Umr Elmurodov, Bekmurod Safarov, Togʻaymurod Qiyomov, Farmon Toshev[4], Mirtemir Norboboyev, Joʻraqul Narzullayev, Ismat Hasanov, Baxtiyor Qurbonov, Izzatulla Norquvvatov, Usmon Xalilov, Olim Xoʻjayevlar ishlagan[5].
Hozirgi paytda Paxtachi gazetasiga Oʻzbekiston jurnalistlari ijodiy uyushmasining aʼzosi Sanjar Qurbonov muharrirlik qilmoqda. Gazeta haftasiga bir marta chop etiladi. Tahririyatda uch nafar ijodiy xodim faoliyat yuritadi.
Bundan tashqari "Paxtachi"ning joylarda 50 nafardan ortiq doimiy jamoatchi muxbirlari faoliyat yuritgan. Ular orasida Qahramon Norboyev (marhum), Xolboy Haqqulov, Zamira Togʻaeva, Ergash Qurbonov, Xolmurod Qahhorov, Mardon Suyunov, Farangiz Xolboʻtaeva, Neʼmat Bobonorov, Ismatulloh Doliyev, Zamira Mamaniyozova kabi foal jamoatchi muxbirlari bo‘lgan.
Paxtachi gazetasi tahririyati qoshida „Nafosat“ yosh ijodkorlar toʻgaragi faoliyat koʻrsatgan. Muassislar - Xalq deputatlari Paxtachi tuman Kengashi va tuman hokimligi. Gazetaning bosh offisi Paxtachi tumani, Ziyovuddin shaharchasi Istiqlol koʻchasi, 58-uyda joylashgan. 2023-yil yanvar oyida Paxtachi gazetasi 2700 nusxada chop etilishi eʼlon qilindi[6].
2020-yil tahririyat 2 qavatli yangi binoga ko‘chib o‘tdi. 2020-yil sentabr oyidan gazetaga yosh va izlanuvchan jurnalist Sanjar Qurbonov bosh muharriri bo‘lib, muvaffaqiyatli ish boshladi. Gazeta endi haftada 1 marta, 8 sahifa, rangli tarzda chop etila boshladi. Oradan 1 yil o‘tib, 2021-yil gazeta bosh muharriri Sanjar Qurbonov "Yilning eng faol jurnalisti" tanlovida g‘olib bo‘ldi. Tahririyat jamoasi yoshardi. Tahririyatning muhim24.uz sayti va ijtimoiy tarmoqlari muvaffaqiyatli faoliyat yurita boshladi. Gazeta mas'ul kotibi Sherbek Boboqulov, media bo'yicha mas'ul Jamolbek Salomov, iste'dodli yosh muxbir Madina Erkinovalar dolzarb mavzudagi maqolalari, lavhalari bilan jamoatchilik e'tiboriga tushdi.
2025-yilda "Paxtachi" gazetasi o‘zining 90 yilligini nishonlamoqda.
Manbalar
[tahrir | manbasini tahrirlash]- ↑ https://paxtachi.uz/
- ↑ https://zarnews.uz/uz/post/organishdi-orgatishdi-tajriba-almashishdi-paxtachi-gazetasi-jamoasi-zarafshon-gazetasi-tahririyatida-boldi
- ↑ https://aniq.uz/uz/yangiliklar/bu-yil-samarqand-viloyat-tuman-shahar-gazetalari-necha-nusxada-chop-etiladi
- ↑ „Тошев Фармон Исхакович“. Qaraldi: 2023-yil 30-sentyabr.[sayt ishlamaydi]
- ↑ „ПАХТАЧИ ТУМАНИ ОММАВИЙ-АХБОРОТ ВОСИТАЛАРИ“. 2023-yil 21-sentyabrda asl nusxadan arxivlangan. Qaraldi: 2023-yil 30-sentyabr.
- ↑ „Бу йил Самарқанд вилоят, туман, шаҳар газеталари неча нусхада чоп этилади?“. Qaraldi: 2023-yil 30-sentyabr.
 | Gazetaga oid ushbu maqola chaladir. Siz uni boyitib, Vikipediyaga yordam berishingiz mumkin. |