Oʻzbekiston pochta markalari (1992)

Oʻzbekistonnig 1992-yilgi pochta markalari Oʻzbekistonda amalda boʻlgan pochta aloqasi toʻlov belgisi hisoblanib, ular 1992-yilda „Oʻzbekiston pochtasi“ konserni tomonidan muomalaga chiqarilgandir.

1992-yilda mustaqil Oʻzbekistonda muomalaga chiqarilgan ilk pochta markalari Rossiyaning Moskva shahrida fotogravyura va ofset litografiya usulida chop etilgan.

Oʻzbekistonda muomalaga kiritilgan birinchi pochta markasida oʻzbek klassik shoirasi, malika Nodirabegim tasviri tushirilgan.

1992-yilda hammasi boʻlib 6 xil koʻrinishdagi pochta markasi muomalaga chiqarilgan.

Kommemorativ markalar roʻyxati

Quyidagi jadvalda keltirilgan markalarning barchasi kommemorativ hisoblanadi. Ularning tartib raqami „Oʻzbekiston pochtasi“ rasmiy saytida keltirilgan tartib raqam bilan bir xil, qavs ichida „Michel“ markalar katalogidagi tartib raqami koʻrsatilgan.

T.r.	Tasviri	Tavsifi	Nominali	Sanasi	Adadi	Oʻlch. (mm)	Rassom/ dizayner	M
№ 1  (Mi #UZ 1)		Nodira tavalludining 200 yilligi munosabati bilan chiqarilgan marka	20 tiyin	7-may	2 500	26 x 37	Boris Ilyuxin
№ 2  (Mi #UZ 2)		Melitaea acreina — Fargʻona choʻl shashkasi (bu kapalak turi faqat Fargʻona vodiysida yashaydi. U Qizil kitobga kiritilgan)	1 soʻm	10-avgust	3 000	40 x 28
№ 3  (Mi #UZ 3)		Markada „Hur Oʻzbekiston 1 yoshda“, deb yozilgan va Oʻzbekiston bayrogʻi hamda Toshkentdagi Koʻkaldosh marsasi tasvirlangan		25-avgust	2 090		Mixail Slonov
№ 4  (Mi #UZ 4)		Markada Xiva shahridagi Qutlugʻmurod inoq madrasasi tasvirlangan	0,50 soʻm	20-oktyabr	2 200		Leonid Zaytsev
№ 5  (Mi #UZ 5)		Markada Samarqand shahridagi Registon majmuasi tasvirlangan. Marka Ogʻaxon jamgʻarmasi koʻmagida chiqarilgan boʻlib, shtamp chetida joylashgan vaqf emblemasi shundan dalolat beradi	10 soʻm	28-oktyabr	500	52 x 37	?
№ 6  (Mi #UZ 6)		Mis idish. Oftoba. Qoʻqon XIX asr	0,50 soʻm	20-noyabr	4 000	40 x 31	Aleksandr Jarov