Kamoliddin Tojiyev

Kamoliddin Tojiyev
Shaxsiy maʼlumot
Toʻliq ismi	Kamolidiin Fahriddinovich Tojiyev
Tavallud sanasi	1983-yil 3-may (43 yosh)
Tavallud joyi	Jizzax, Oʻzbekiston SSR, Soviet Union
Boʻyi	1.91 m
Ampluasi	Bosh murabbiy
Klub maʼlumoti
Joriy klub	Paxtakor
Yoshligida aʼzo boʻlgan klublar
2001—2002	Akademiya
Professional faoliyati*
Yillar	Jamoa
2002—2011	Paxtakor
2006	→ Soʻgʻdiyona
2011—2013	Jiangsu Sainty
2014—2019	Paxtakor
2019—2021	Metallurg
Milliy terma jamoa
2007—2016	Oʻzbekiston
Boshqargan klublari
2022—2025	Paxtakor U21
2025—	Paxtakor
	*Professional klublardagi gollari (ichki chempionat)

Kamolidiin Fahriddinovich Tojiyev (1983-yil 3-may, Jizzax viloyati) — oʻzbekistonlik professional futbolchi va futbol murabbiyi. Oʻzbekiston milliy terma jamoasi va Paxtakor klubi sobiq aʼzosi. Himoyachi va tayanch yarim himoyachisi pozitsiyasida oʻynagan. Hozirda „Paxtakor“ jamoasida murabbiy^[1].

Futbolchilik faoliyati

Kamoliddin Tojiev 2002-yilgi Oʻzbekiston Ligasi mavsumida Toshkentning „Paxtakor“ klubiga kelib qoʻshildi^[2] Klubdagi bir necha mavsumdan soʻng „Soʻgʻdiyona Jizzax“ klubiga ijaraga berildi^[3]. „Paxtakor“ga qaytganidan soʻng jamoada muntazam oʻynay boshladi va jamoa safida 2011-yilgacha toʻp surdi. 2000-2011-yillarda koʻplab chempionlik unvonlari va medallarni qoʻlga kiritgan, ammo asosiy tarkibda mustahkam oʻyinchi boʻlmagan. Jamoa bilan Osiyo chempionlar ligasi oʻyinlarida ishtirok etgan. 2011-yilda Xitoy Superligasida oʻz faoliyatini davom ettirishga qaror qildi va „Jiangsu Sainty“ klubi bilan 2 yarim yilga shartnoma tuzdi^[4]. Himoyachi shartnoma muddatini toʻliq oʻtkazib, Xitoy chempionatida 70 ta oʻyin oʻtkazib, 2ta gol urdi, 2012-yilda vitse-chempion, 2013-yilda esa Xitoy Superkubogi sohibiga aylandi^[5]. 2014-yilda sobiq jamoasi — „Paxtakor“ga qaytdi va 2019-yilgacha jamoa sharafini himoya qildi. 2019-yildan Bekobodning „Metallurg“ klubi bilan shartnoma imzoladi. 2021-yil mavsum soʻnggida futbolchilik faoliyatiga yakun yasadi.

Milliy terma jamoa

2007-yildan buyon Oʻzbekiston terma jamoasi oʻyinlarida ishtirok etib kelmoqda. Birinchi oʻyin 2007-yilning 7-fevralida Ozarbayjon terma jamoasiga qarshi oʻtkazilgan. 2007-yildan 2012-yilgacha milliy terma jamoa safida 9 ta oʻyin oʻtkazgan, shundan bor-yoʻgʻi ikkitasi Osiyo Kubogi saralashida, qolganlari oʻrtoqlik oʻyinlarida boʻlgan. 2016-yilning fevral oyida yana terma jamoaga chaqirildi va Livanga qarshi oʻyinda ishtirok etdi.

Murabbiylik faoliyati

2022—2025-yillarda Paxtakor klubining U21 jamoasiga murabbiylik qilgan.

2025-yil 9-maydan buyon Paxtakor klubini boshqarib kelmoqda. Uning murabbiylik uslubi asosan 4-2-3-1 taktik sxemasiga asoslanadi. 2025-yil yakunlariga koʻra, Superliganing „Eng yaxshi murabbiyi“ sovrini uchun nomzodlar roʻyxatiga kiritilgan^[6]. 2025-yilning may oyida va 2026-yilning mart oyida Oʻzbekiston Superligasining eng yaxshi murabbiyi deb topilgan.

Yutuqlar

Futbolchi sifatida

Paxtakor Toshkent

Oʻzbekiston Superligasi chempioni: (7) 2002, 2003, 2004, 2005, 2007, 2014, 2015
Oʻzbekiston Kubogi sohibi: (6) 2002, 2003, 2004, 2005, 2007, 2009

Jiangsu Sainty

Xitoy Superkubogi sohibi: 2013

Murabbiy sifatida

Paxtakor

Oʻzbekiston Kubogi sohibi: 2025

Yana qarang

Kamoliddin Tojiboyev

Manbalar

↑ Kamoliddin Tojiyev National-Football-Teams.com saytida
↑ Uzbekistan 2002 at rsssf.org. 23 Mar 2003. Retrieved 08-04-2013
↑ Uzbekistan 2006 at rsssf.org. 31 Jan 2007. Retrieved 08-04-2013
↑ „Камолиддин Таджиев перешел в «Жиангсу Сейнти»“ (ru). pakhtakor.uz (2011-yil 8-iyul). 2012-yil 27-avgustda asl nusxadan arxivlangan. Qaraldi: 2011-yil 31-avgust.
↑ Kamoliddin Tajiev at footballtop.com. Retrieved 08-04-2013
↑ „Superliganing “eng yaxshi murabbiyi” hamda “eng yaxshi futbolchisi” uchun da’vogarlar ro‘yxati e’lon qilindi“.

Havolalar

Kamoliddin Tojiyev Transfermarkt saytida
Kamoliddin Tojiyev (Wayback Machine saytida 2023-04-06 sanasida arxivlangan) Playmakerstats saytida
Kamoliddin Tojiyev Soccerway saytida
Kamoliddin Tojiyev Footballfacts
Kamoliddin Tojiyev NFT saytida

[1] Kamoliddin Tojiyev National-Football-Teams.com saytida

[2] Uzbekistan 2002 at rsssf.org. 23 Mar 2003. Retrieved 08-04-2013

[3] Uzbekistan 2006 at rsssf.org. 31 Jan 2007. Retrieved 08-04-2013

[prosmotr-4] „Камолиддин Таджиев перешел в «Жиангсу Сейнти»“ (ru). pakhtakor.uz (2011-yil 8-iyul). 2012-yil 27-avgustda asl nusxadan arxivlangan. Qaraldi: 2011-yil 31-avgust.

[5] Kamoliddin Tajiev at footballtop.com. Retrieved 08-04-2013

[6] „Superliganing “eng yaxshi murabbiyi” hamda “eng yaxshi futbolchisi” uchun da’vogarlar ro‘yxati e’lon qilindi“.

[1]

[2]

[3]

[4]

[5]

[6]