Bunyodkor PFK

Vikipediya, ochiq ensiklopediya
Bunyodkor
Bunyodkor logo.jpg
Toʻliq nomi Bunyodkor Professional Futbol Klubi
Laqab(lar) Qaldirgʻochlar
Qachon asos solingan 6-iyul, 2005
Stadioni Bunyodkor Stadioni
Stadion hajmi 34.000
Rahbar Flag of Uzbekistan.svg Bahrom Davlatov
Murabbiy Flag of Uzbekistan.svg Mirjalol Qosimov
Liga Oliy Liga
2013 {{{o'rin}}}
forma
forma
forma

Bunyodkor PFK (Bunyodkor Professional futbol klubi; sobiq Quruvchi PFK) — Toshkent shahri jamoasi. O'zbekiston Oliy Ligasi vakili. Bunyodkor PFK 2008-yili Oliy Ligada birinchi oʻrinni egalladi. 2008-yilning 4-avgustidan klub nomi oʻzgartirildi. „Quruvchi“ bundan buyon endi „Bunyodkor“ deb yuritiladi

Tarix[tahrir]

„Bunyodkor“ futbol klubi havaskorlik jamoasidan Oʻzbekiston chempioni, mamlakat kubogi sohibi va qitʼa chempionlar ligasi yarim finalchisigacha boʻlgan yoʻlni toʻrt yil ichida toqat bilan bosib oʻtdi. 2005-yilda Toshkent viloyati chempionatida (2-liga) ishtirok etayotib, jamoa Oʻzbekiston birinchi ligasiga chiqish uchun kurashish huquqini beruvchi yoʻllanmani qoʻlga kiritdi. „Quruvchi“ bu vazifani muvaffaqiyat bilan uddaladi va 2006-yilda milliy birinchilikning birinchi divizionida oʻynay boshladi. „Quruvchi“ Hikmat Ergashev rahbarligi ostida 38 ta uchrashuv (27 gʻalaba, 5 ta durang va 6 ta magʻlubiyat) oʻtkazib, dastlabki urinishda liga turnirida gʻolib chiqdi va 2007-yil oliy ligada qatnashish huquqini qoʻlga kiritdi.

2007-yil mavsumi „Quruvchi“ uchun oliy ligada debyut davri boʻldi. Toshkent klubi mamlakat miqyosidagi bir nechta rekordlarni bir yoʻla yangiladi (masalan, eng koʻp urilgan va eng kam oʻtkazib yuborilgan toʻplar soni, favoritlar bilan oʻyinlarda olingan ochkolar soni boʻyicha). Bundan tashqari, „Quruvchi“ hujumchisi Ilhom Moʻminjonov chempionatning eng yaxshi toʻpurari boʻldi. 2007-yil mavsumida „Quruvchi“ oliy ligada 30 ta uchrashuv oʻtkazdi (22 ta gʻalaba, 5 ta durang va 3 ta magʻlubiyat, urilgan va oʻtkazib yuborilgan toʻplar farqi 62 — 16) va 71 ta ochko toʻplab, Oʻzbekiston chempionatlari tarixida birinchi marta kumush medallarni qoʻlga kiritdi. „Quruvchi“ mamlakat Kubogida ham muvaffaqiyatli qatnashib, finalga chiqdi. Finalda „Quruvchi“ mamlakat chempioni „Paxtakor“ ga qarshi maydonga tushdi. Oʻyinning asosiy va qoʻshimcha vaqti durang natija — 0:0 bilan tugadi. Penaltilar seriyasida „Quruvchi“ futbolchilariga omad kulib boqmadi (6-7).

2008-yil „Bunyodkor“ FK tarixidagi eng omadli yil boʻldi. Mavsum boshlanishi oldidan jamoa tarkibi sezilarli darajada mustahkamlandi, mamlakatimizning eng yosh murabbiylaridan biri Mirjalol Qosimov klubga bosh murabbiy boʻldi. Yoz oxirida „Bunyodkor“ FK jahon chempioni Rivaldo, braziliyalik himoyachi Luizao va chililik hujumchi Villyanueva bilan shartnoma imzoladi. Mamlakat terma jamoasi murabbiyi etib tayinlangan Qosimov oʻrniga taniqli mutaxassis — ZIKO taklif etildi. U Mirjalol Qosimov boshlagan ishni oxiriga etkazdi. Braziliyalik murabbiy raqbarligida jamoa mamlakat chempioni va Oʻzbekiston Kubogi sohibi nomini qozondi. 2009-yil boshida „Sport Park Toshkent“ sport-kompleksining keng miqyosli qurilishi boshlandi. Qiymati 150 million dollar boʻlgan bu noyob loyiha 35 ming tomoshabinga moʻljallangan ikki qavatli arena va usti yopiq tribunalarni oʻz ichiga olgan futbol stadionidan iborat. Loyiha oʻz futbol akademiyasiga moʻljallangan yettita, shu jumladan, ikkita sunʼiy maysa bilan qoplangan mashgʻulot maydoni, mehmonxona, qayta tiklanish va restoran majmuini oʻz ichiga oladi.

Havolalar[tahrir]