Ulugʻbek Hamdam

Vikipediya, ochiq ensiklopediya
Jump to navigation Jump to search

Ulugʻbek Hamdam (Hamdamov Ulug‘bek Abduvahobovich) — yozuvchi, tarjimon 1968-yil 24 aprelda Oʻzbekiston Andijon viloyati Marhamat tumani Yuqori Ravvat mahallasida duradgor oilasida tugʻilgan. 1988-yilda Toshkent davlat universitetining filologiya fakultetiga oʻqishga kirib, uni 1993-yilda tamomladi. 1992 yilda, davlat taʼlim taqsimotiga koʻra, oʻqishni davom ettirish uchun u Turkiyaga Konyo shahriga joʻnatildi[1].

Faoliyati[tahrir]

1993-1994 yillarda Sharqshunoslik institutida oʻqituvchi boʻlib ishladi. 1994-1996 yillarda Oʻzbekiston Respublikasi Milliy Universitetining oʻzbek filologiyasi fakultetining aspiranturasini tugatdi. 1997 yilda „XX asrning 30-yillari sheʼriyatida oʻzbekcha“ sof lirika „muammolari“ mavzusida nomzodlik dissertatsiyasini himoya qildi.

1997-yildan 2009-yilgacha Oʻzbekiston Fanlar akademiyasining A.Navoiy nomidagi Til va adabiyot institutida katta va kichik ilmiy xodim boʻlib ishladi. 2003 yildan — Oʻzbekiston Yozuvchilar uyushmasining aʼzosi.[2] 2009 yildan 2016-yilgacha — „Sharq yulduzi“ jurnalining bosh muharriri[3]. 2016-yildan Alisher Navoiy nomidagi ToshDOʻTAU universitetida jahon adabiyoti kofedrasi mudiri, 2017-yildan dotsent oʻqituvchi, 2021-yildan hozirgacha Oʻzbekiston Fanlar akademiyasi oʻzbek tili va adabiyoti institutida XX asr oʻzbek adabiyoti va hozirgi adabiy jarayon boʻlimi mudiri boʻlib ishlamoqda.

Asarlari[tahrir]

"Tangriga eltguvchi isyon" (2002), „Atirgul“ (2006), „Seni kutdim“ (2007) sheʼriy hamda „Yolg‘izlik“[4] (2000), „Muvozanat“ (2003), „Isyon va itoat“ (2004), „Sabo va Samandar“, „Uzoqdagi Dilnura“ (2010), „Ota“ (2019) nasriy asarlari[5] va „Badiiy tafakkur tadriji“ (2003), „Yangilanish ehtiyoji“ (2007), „Jahon adabiyoti: Modernizm va postmodernizm“ (2020)[6] ilmiy asarlari bor.

Tarjimalari[tahrir]

Ulugʻbek Hamdam Jaloliddin Rumiyning „Ichindagi ichindadir“[7] (1997, 2001), professor Usmon Turonning „Turkiy xalqlar mafkurasi“ (1995) nomli asarlarini turk tilidan oʻzbek tiliga tarjima qilgan.

Mukofotlari[tahrir]

  • 2004-yilda "Shuhrat" medali bilan taqdirlangan.
  • 2011-yilda Oʻzbekiston mustaqilligining 20 yilligiga „O'zbekiston belgisi“ koʻkrak nishoni bilan taqdirlangan.
  • 2014-yil „Eng ulugʻ, eng aziz“ Respublika tanlovining 1-oʻrin sohibi boʻlgan.

Manbalar[tahrir]

  1. arxiv nusxasi, archived from the original on 2017-10-05, https://web.archive.org/web/20171005210102/http://arboblar.uz/, qaraldi: 2021-07-20 
  2. Sobir Mirvaliyev. Oʻzbek adiblari.Fan nashriyoti. 1993.
  3. "Zvezda Vostoka" jurnali. 2012-yil 2-son
  4. "Megarif—vakit" nashriyoti. Qozon. 2018
  5. ziyouz.com
  6. Akademnashr. Toshkent. 2020
  7. "Yangi asr avlodi" nashriyoti. 2018