Sadoqatnoma (Vohidov asari)
| Muallif(lar) | Erkin Vohidov |
|---|---|
| Til | oʻzbekcha |
| Janr(lar)i | sheʼrlar, doston va drama |
| Nashriyot | Gʻafur Gʻulom nomidagi adabiyot va sanʼat nashriyoti |
| Oʻzbek tilida nashr etilgan sanasi | 1986 |
| Sahifalar soni | 528 |
| Avvalgisi | „Muhabbatnoma“ |
„Sadoqatnoma“, toʻliq nomi „Saylanma: Sadoqatnoma“ — oʻzbek shoiri Erkin Vohidov qalamiga mansub sheʼriy toʻplam. „Muhabbatnoma“ hamda „Sadoqatnoma“ asarlaridan iborat „Saylanma“ ikki jildli sheʼriy toʻplamining ikkinchi jildi.[1] 1986-yil Toshkent shahrida Gʻafur Gʻulom nomidagi adabiyot va sanʼat nashriyotida chop etilgan. Toʻplamga muallifning 1975-yildan keyin yozilgan sheʼrlari, tarjimalari, doston va dramasi kiritilgan.
„Sadoqatnoma“ga Abu Ali ibn Sino, Hofiz Sheroziy, Bedil, Friedrich Schiller, Johann Wolfgang von Goethe, Aleksandr Blok, Sergey Yesenin, Mixail Svetlov, Aleksandr Tvardovskiy, Bogumil Guzel, Muhammad Iqbol, Ulfat, Gevorg Emin, Muxran Machavariani, Andrey Malishko hamda Rasul Hamzatov asarlarining tarjimalari kiritilgan. Qolaversa, toʻplamdan Vohidovning „Ruhlar isyoni“ dostoni hamda „Istambul fojiasi“ sheʼriy dramalari ham oʻrin olgan.
Asarni nashrga tayyorlashda quyidagi shaxslar ishtirok etgan: M. Kenjaboyev – muharrir, G. Jirnov – rassom, N. Karpuzas – rasmlar muharriri, T. Smirnova – texnik muharrir, Sh. Soatova – musahhih. Kitob adadi – 25 000 nusxa.
Yana qarang[tahrir | manbasini tahrirlash]
Manbalar[tahrir | manbasini tahrirlash]
- ↑ „Saylanma“ (ruscha). Rossiya davlat kutubxonasi. Qaraldi: 2016-yil 14-noyabr.
 |