Nikolay Kucherskiy

Nikolay Ivanovich Kucherskiy
ruscha: Николай Иванович Кучерский
Navoiy kon-metallurgiya kombinati direktori
Mansab davri 1985-yildan — 2008-yilgacha
Prezident	Inomjon Usmonxoʻjayev Rafiq Nishonov Islom Karimov
Oʻtmishdoshi	Anatoliy Petrov
Vorisi	Quvondiq Sanaqulov
Shaxsiy maʼlumotlari
Tavalludi	21-iyul 1937-yil Donetsk
Vafoti	13-dekabr 2018-yil(2018-12-13) (81 yoshda) Moskva
Mukofotlari

Nikolay Ivanovich Kucherskiy (1937.21.7, Ukraina, Donetsk viloyati Mariupol shahri — 2018.13.12, Moskva) — konchi-muhandis, metallurg, ishlab chiqarish novatori, Oʻzbekiston Qahramoni (1996), Oʻzbekistonda xizmat koʻrsatgan injener (1975), texnika fanlari doktori (1999). Dnepropetrovsk konchilik instituti shaxta qurilishi fakultetini tugatgan (1961). Mehnat faoliyatini 1961-yildan Navoiy kon-metallurgiya kombinatida boshlagan. Uchquduqdagi Shimoliy ruda boshqarmasida konchi usta, muhandis, uchastka boshligʻi, karyer" boshligʻi (1961—71), Navoiy kon-metallurgiya kombinatining Zarafshon shahridagi Markaziy ruda boshqarmasi bosh muhandisi (1971—83), direktori (1983-85). 1985-yildan Navoiy kon-metallurgiya kti direktori, ayni paytda, 1991-yildan "Qizilqumkamyobmetalloltin" davlat konserni Kengashi raisi. K. rahbarligi va ishtirokida oltin konlarida kon texnikasini modernizatsiyalash va siklli potok texnologiyani tashkil qilish boʻyicha yirik tadqiqot ishlanmalari bajarildi, Muruntov oltin ajratish majmuining 2- va 3-navbati qurildi, oltin bilan bir qatorda yoʻldosh volfram, kumush, palladiyni ajratib olish texnologiyasi ishlab chiqildi va ishlab chiqarishga joriy qilindi. K.Rossiya Konchilik Fanlar akademiyasi akademik (1992), Xalqaro fanlar, taʼlim, industriya va sanʼat akademiyasining haqiqiy aʼzosi (1997), Xalqaro axborotlashtirish akademiyasining akademik (2000). 1— 2-chaqiriq Oʻzbekiston Respublikasi Oliy Majlisi deputati. "Doʻstlik" ordeni bilan mukofotlangan (1994).