Matematik fizika

Vikipediya, ochiq ensiklopediya

Matematik fizika - fizik jarayonlarning matematik modellari nazariyasi. Matematik fizikada asosan, nazariy fizikada qurilgan modellar matematik usullar bilan oʻrganiladi. Matematik fizika matematikada, fizikada va ularning birla-shuvi bilan alohida oʻrin egallaydi.

Matematik fizika usullari fizikaning matematik modellash nazariyasi sifatida da-stlab I. Nyuton asarlarida rivojlangan. Keyinchalik Matematik fizika usullari J. Lagranj, L. Eyler, J. Furye, K. Gauss, B. Riman, M. V. Ostrogradskiylar nomi bilan bogʻliq. Oʻtgan ayerning 2-yarmidan boshlab fizik maydonlar, elektrodinamikada, akustikada, elastiklik nazariyasida, gidro- va aerodinamikada va tutash muhitlar mexanikasida vujudga keluvchi matematik modellarni oʻrganish keskin rivojlandi. Bunday fizik jarayonlarni ifodalovchi modellarni matematik usullar bilan hal qilish — xususiy hosilali differensial tenglamalar yoki Matematik fizika tenglamalari nazariyasiga tayanib amalga oshiriladi. Shu bilan birga Matematik fizika muammolarini hal qilishda differensial tenglamalardan tashqari, integral yoki integrodifferensial tenglamalar, variatsion, ehtimollar nazariyasi usullari, potensiallar nazariyasi, kompleks funksiyalar nazariyasi usullari, EHM va mat.ning boshqa boʻlimlaridan foydalaniladi.[1]

Manbalar[tahrir]

  1. OʻzME. Birinchi jild. Toshkent, 2000-yil