Ikram Adirbekov

Ikram Adirbekovich Adirbekov
qozoqcha: Икрам Адырбекұлы Адырбеков
Qiziloʻrda viloyati hokimi
Mansab davri 2004-yil aprel – 2007-yil fevral
Prezident	Nursulton Nazarboyev
Bosh vazir	Daniyal Axmetov
Oʻtmishdoshi	Muxtor Qulmuhammad
Vorisi	Serikbay Nurgisayev
Shaxsiy maʼlumotlari
Tavalludi	1950-yil 8-iyul Chinoz, Toshkent viloyati, OʻzSSR
Fuqaroligi	SSSR Qozogʻiston
Bolalari	3 nafar qiz
Alma mater	Olmaota zooveterinariya instituti
Kasbi	zootexnik
Mashhur ishlari	Qozogʻistonning favqulodda va muxtor elchisi: Litva 1997—2002-yillar Latviya 1997—2002-yillar Estoniya 1997—2002-yillar Malayziya 2002—2004-yillar Filippin 2003—2004-yillar Xitoy 2007—2011-yillar Vyetnam 2007—2011-yillar KXDR 2007—2011-yillar
Ilmiy unvoni	iqtisod fanlari doktori
Mukofotlari	3-darajali „Bars“ ordeni (2016), „Qurmet“ ordeni (2006), „Eren enbegi ushun“ medali (2001), Litva Buyuk Gertsogi Gediminas ordeni sohibi (Litva, 2002);

Ikram Adirbekovich Adirbekov (qozoqcha: Икрам Адырбекұлы Адырбеков, 1950-yil 8-iyul, Chinoz, Toshkent viloyati, OʻzSSR) – qozoq davlat arbobi, diplomat, bir nechta mamlakatlarda Qozogʻiston Respublikasining favqulodda va muxtor elchisi, Qiziloʻrda viloyati hokimi (2004—2007), iqtisod fanlari doktori.

Tarjimai holi

1950-yil 8-iyulda Oʻzbekiston SSR Toshkent viloyati Chinoz qishlogʻida tugʻilgan. Qoʻngʻirot urugʻidan.

1972-yilda Olmaota zooveterinariya institutini (hozirgi Qozoq milliy agrar tadqiqotlar universiteti) zootexnik mutaxassisligi boʻyicha tamomlagan.

Institutni tugatgach, Qozogʻiston fanlar akademiyasi Eksperimental biologiya institutida ilmiy stajyor, aspirant, kichik ilmiy xodim boʻlib ishlagan.

1979-yildan – Qozogʻiston qorakoʻlchilik ilmiy-tadqiqot instituti katta ilmiy xodimi, laboratoriya mudiri.

1983-yildan – Boʻrijar sovxozi partiya qoʻmitasi kotibi (1983-85).

1985-yildan – „Qorakoʻl“ ilmiy-ishlab chiqarish birlashmasi boʻlim boshligʻi, „Qozqorakoʻl“, „Qozoqqoʻychilik“ uyushmasi raisining oʻrinbosari, „Qozoq qorakoʻl teri“ konserni vitse-prezidenti.

1992-yil mart oyidan – „Qozagrotashqisavdo“ tashqi savdo AJ prezidenti, 1993-yil noyabrdan – „Agrosavdo“ tashqi savdo davlat aksiyadorlik jamiyati prezidenti.

1994-yilda Menejment va marketing institutini tamomlagan.

1996-yil martdan 1997-yilgacha – Qozogʻiston Respublikasi tashqi ishlar vazirining oʻrinbosari – moliya-maʼmuriy bosh boshqarmasi boshligʻi.

1997-yil dekabrdan 2002-yil iyungacha – Qozogʻistonning Litvadagi, bir vaqtning oʻzida, Estoniya va Latviyadagi elchisi.

1999-yilda Rossiya prezidenti huzuridagi Rossiya Davlat boshqaruvi akademiyasini tamomlagan.

2002-yil 1-iyuldan – Qozogʻistonning Malayziyadagi elchisi va 2004-yil 25-martdan – bir vaqtning oʻzida Filippindagi elchisi.

Davlat rahbari 2004-yil 5-aprelda Qiziloʻrdaga tashrifi chogʻida shahar va viloyat faollariga yangi hokim Ikram Adirbekovni tanishtirdiyu

2007-yil fevralidan 2011-yil noyabrigacha – Qozogʻiston Respublikasining Xitoy Xalq Respublikasi, Vyetnam Sotsialistik Respublikasi va Koreya Xalq Demokratik Respublikasidagi favqulodda va muxtor elchisi.

2011-yildan 2017-yil 13-iyulgacha – Qozogʻiston Respublikasi parlamenti Senati deputati.

Boshqa lavozimlari:

2019-yil sentyabrdan – Qozogʻiston Respublikasi parlamenti Senati huzuridagi Senatorlar kengashi aʼzosi;

Qozogʻiston Respublikasi Tashqi ishlar vazirligi faoliyati boʻyicha Jamoatchilik kengashi aʼzosi;

Turkiy davlatlar tashkiloti oqsoqollar kengashi aʼzosi.

Olgan mukofotlari

• 3-darajali „Bars“ ordeni (2016);
• Parasat ordeni (2011);
• „Qurmet“ ordeni (2006);
• „Eren enbegi ushun“ medali (2001);
• Litva Buyuk Gertsogi Gediminas ordeni komandori (Litva, 2002);
• Qiziloʻrda viloyati faxriy fuqarosi (14.07.2010)