Fozil odamlar shahri

Fozil odamlar shahri
	; 1993-yilgi nashridagi muqova
Muallif(lar)	Abu Nasr Forobiy
Muharrir(lar)	Muzaffar Xayrullayev; Tohir Ibrohim; Amir Fayzulla
Tarjimon(lar)	Abdusodiq Irisov; Mahkam Mahmud; Urfon Otajon
Muqova artist(lar)i	Abdurahmon Nurqobul
Mamlakat	Oʻzbekiston
Til	Oʻzbekcha
Janr(lar)i	Tarix, falsafa
Nashriyot	“Abdulla Qodiriy” nomidagi xalq merosi nashriyoti
Oʻzbek tilida nashr etilgan sanasi	1993-yil
ISBN	5-86484-075-0
OCLC	32663116

Fozil odamlar shahri (ruscha: „Город мудрецов“) — Abu Nasr Forobiyning oʻrta asrlar sharoitida birinchi boʻlib jamiyatning kelib chiqishi, maqsad va vazifalari haqida yozgan asari^[1].

Mazmuni

Ushbu asar ijtimoiy hayotning koʻp masalalari — davlatni boshqarish, taʼlim-tarbiya, axloq, maʼrifat, diniy eʼtiqod, urush va yarash, mehnat va boshqa mavzularni oʻz ichiga oladi. Bundan tashqari jamiyatning (insonlar jamoasi) kelib chiqishi, adolatli jamiyatga erishish yoʻllari, fozil shahar hokimi va aholisining fazilatlari, davlat hokimiyati va boshqaruvchi kadrlarni tanlash hamda ularni joy-joyiga qoʻyish kabi masalalar bayon etiladi. Forobiy jamiyat (inson jamoasi)ning kelib chiqishi haqida quyidagicha yozadi:

Har bir inson tabiatan shunday tuzilganki, u yashash va oliy darajadagi yetuklikka erishmoq uchun koʻp narsalarga muhtoj boʻladi, u bir oʻzi bunday narsalarni qoʻlga kirita olmaydi, ularga ega boʻlish uchun insonlar jamoasiga ehtiyoj tugʻiladi… Bular jamoa aʼzolarining faoliyati bir butun holda, ularning har biriga yashash va yetuklikka erishuv uchun zarur boʻlgan narsalarni yetkazib beradi. Shuning uchun inson shaxslari koʻpaydilar va yerning aholi yashaydigan qismiga oʻrnashdilar, natijada, inson jamoasi vujudga keldi. — “Fozil odamlar shahri”

— Abu Nasr Forobiy

Forobiy shaharni ijtimoiy uyushishning yetuk shakli, insoniyat kamolatga erishishining zaruriy vositasi, deb hisoblaydi. Butun insonlarni oʻzaro hamkorlikka, xalqlarni tinchlikka chaqiradi, dunyoda yagona inson jamoasini tuzish haqida orzu qiladi. Mutafakkir inson qadr-qimmatini kamsituvchi jamiyatga qarshi chiqadi. Doimiy urushlar va bosqinchilikka asoslanuvchi jamiyatni adolatsiz, johil jamiyat sifatida qoralaydi^[2]^[3].

Nashrlari

Dastlab asar 1993-yilda “Abdulla Qodiriy” nomidagi xalq merosi nashriyotida^[1], 2004-yilda “Oʻzbekiston milliy ensiklopediyasi” Davlat ilmiy nashriyotida Abdusodiq Irisov, Mahkam Mahmud va Urfon Otajon tarjimasida asosida nashr etilgan^[2]. 2016-yilda esa “Yangi asr avlodi” nashriyotida qayta nashr etilgan^[3].

Manbalar

↑ ^1,0 ^1,1 Abu Nasr Forobiy. Fozil odamlar shahri. Toshkent: "Abdulla Qodiriy" nomidagi xalq meʼrosi nashriyoti, 1993 — 320-bet. ISBN 5-86484-075-0. OCLC 32663116.
↑ ^2,0 ^2,1 Abu Nasr Forobiy. Fozil odamlar shahri Muhiddin Omon: . Toshkent: "Oʻzbekiston milliy ensiklopediyasi" Davlat ilmiy nashriyoti, 2004 — 160-bet.
↑ ^3,0 ^3,1 Abu Nasr Forobiy. Fozil odamlar shahri Muzaffar Xayrullayev, Muhammadjon Jakbarov: . Toshkent: "Yangi asr avlodi" nashriyoti, 2016 — 320-bet. ISBN 978-9943-27-613-0.

Havolalar

Ziyouz kutubxonasida “Fozil odamlar shahri” asari PDF

[:0-1] 1,0 ^1,1 Abu Nasr Forobiy. Fozil odamlar shahri. Toshkent: "Abdulla Qodiriy" nomidagi xalq meʼrosi nashriyoti, 1993 — 320-bet. ISBN 5-86484-075-0. OCLC 32663116.

[:1-2] 2,0 ^2,1 Abu Nasr Forobiy. Fozil odamlar shahri Muhiddin Omon: . Toshkent: "Oʻzbekiston milliy ensiklopediyasi" Davlat ilmiy nashriyoti, 2004 — 160-bet.

[:2-3] 3,0 ^3,1 Abu Nasr Forobiy. Fozil odamlar shahri Muzaffar Xayrullayev, Muhammadjon Jakbarov: . Toshkent: "Yangi asr avlodi" nashriyoti, 2016 — 320-bet. ISBN 978-9943-27-613-0.

[1]

[2]

[3]