Vikiiqtibos (viki va iqtibos soʻzlarining birikmasi) (inglizcha: Wikiquote) – mashhur kishilar hamda asar qahramonlari iqtiboslarining erkin toʻplami. Vikipediya singari Vikiiqtibos ham Vikimedia Jamgʻarmasining loyihasi boʻlib, koʻngillilar tomonidan yuritiladi. Vikiiqtibos ilk bor ingliz tilida 2003-yil 10-iyulda ish boshlagan. Loyihaning oʻzbekcha boʻlimi esa 2007-yilning fevral oyida faol tahrir qilina boshlagan.
Ushbu loyiha tashrif buyuruvchilarga oʻz hissalarini qoʻshish imkoniyatini beruvchi kam sonli onlayn iqtiboslar toʻplamlaridan biridir[1]. U har bir iqtibos uchun aniq manbalarni koʻrsatishga va notoʻgʻri berilgan iqtiboslarni tuzatishga intiluvchi juda kam sonli resurslardan biri hisoblanadi. Vikiiqtibos sahifalari Vikipediyadagi mashhur shaxslar haqidagi maqolalar bilan oʻzaro bogʻlangan[2].
Vikiiqtibos tilshunoslik va sunʼiy idrok bilan bog‘liq tadqiqotlarda matn korpusi sifatida ishlatilishi mumkin[3]. Masalan, 2017-yilda bo‘lib o‘tgan NIPS[en] konferensiyasida Wrocław universiteti jamoasi Vikiiqtibosdan kam uchraydigan soʻzlarni aniqlaydigan suhbat modulini yaratishda foydalangan[4]. Shuningdek, ba’zi tadqiqotchilar Vikiiqtibosdan ekstremistik fikrlar aks etgan iqtiboslarni aniqlash uchun til modellarini o‘rgatishda ham foydalanishgan[5].
↑Buscaldi,D.;Rosso,P.(2007)."Some Experiments in Humour Recognition Using the Italian Wikiquote Collection".Lecture Notes in Computer Science.International Workshop on Fuzzy Logic and Applications.doi:10.1007/978-3-540-73400-0_58.ISBN978-3-540-73399-7.
↑Chorowski,Jan;Łancucki,Adrian;Malik,Szymon;Pawlikowski,Maciej;Rychlikowski,Paweł;Zykowski,Paweł(21 May 2018).A Talker Ensemble: the University of Wrocław's Entry to the NIPS 2017 Conversational Intelligence Challenge(Report).
