Akromiylar

Vikipediya, ochiq ensiklopediya
Jump to navigation Jump to search

Akromiylar - islomdagi diniy-siyosiy guruh (oqim). 1997-1999 yillarda Fargʻona vodiysida paydo boʻlgan. Guruh asoschisi -Akrom Yoʻldoshev (1960 yilda Andijonda tugʻilgan). Guruh aʻzolari, asosan, hunarmandlardan iborat boʻlgan. Ular rasmiy ishxonalardan boʻshab, jamoa maʻqullagan mehnat faoliyati bilan shugullanganlar. Ular mavjud tuzumni tan olmaydilar, davlat, qonun, ota-onaga emas, faqat oqim sardorlariga boʻysunish lozim deb hisoblaydilar. Akromiylar asoschisi vahhobiylik taʻlimotiga tayanib, 1992 yilda 12 darsdan iborat "Imonga yoʻl" deb nomlangan dastur ishlab chiqqan. Dasturda oxirgi maqsad - islom davlatini barpo etishdan iborat ekani taʻkidlangan. Akromiylar siyosiy hokimiyatga erishishning 5 bosqichini rejalashtirganlar: 1. "Sirli" yoki "maxfiy".

2. Moddiy.

3. Maʻnaviy.

4. "Uzviy maydon".

5. "Toʻntarish". Dasturda diniy taassubga moyilligi bor shaxs tanlab olinishi, uning moddiy hayoti yaxshilanishi, ekstremizm, terrorchilik ruhidagi adabiyotlar bilan tanishtirilishi, boshliqning topshiriqlarini soʻzsiz bajarishi va nihoyat mavjud konstitutsiyaviy tuzumni agʻdarib tashlab, oʻz hokimiyatlarini oʻrnatishi bayon etilgan. Akromiylar hozirgi kunda musulmonlarga namoz, roʻza, zakot, haj farz emas, chunki biz kufr davlatida yashamoqdamiz, deb hisoblaydilar. To islom davlati qurilmaguncha, mazkur ibodatlarni bajarish shart emas deb qaraydilar.

Oʻzbekiston musulmonlari bu oqimni islomga yot oqim deb baholadi. Oqim xalqning keskin qarshiligiga uchradi va faoliyati barham topdi.