Kontent qismiga oʻtish

1996

Ishoratlarni tahrirla
Vikipediya, ochiq ensiklopediya
(1996 Yildan yoʻnaltirildi)

1996

Ming yilliklar: 2-mingyillik
Asrlar:
Oʻn yilliklar:
Yillar:
  • 3-yanvar — Oʻzbekiston Respublikasi Vazirlar Mahkamasi „Buxoro shahrining 2500 yillik yubileyiga tayyorgarlik koʻrish va uni nishonlash toʻgʻrisida“ va „Xiva shahrining 2500 yillik yubileyiga tayyorgarlik koʻrish va uni nishonlash toʻgʻrisida“ qarorlar qabul qildi.
  • 9-yanvar — Oʻzbekistonda maʼlumotlarni uzatish Respublika kompyuter tarmogʻi „Oʻzpak“ foydalanishga topshirildi.
  • Yanvar — Toshkentda Alisher Navoiy tavalludining 555 yilligiga bagʻishlangan „Oʻzbekiston mustaqilligi va navoiyshunoslik istiqbollari“ mavzuida ilmiy-amaliy konferensiya boʻldi. Yanvar. Toshkentda Oʻzbekiston bokschilarining birinchi respublika spartakiadasi boʻlib oʻtdi. Yanvar. „Inson va qonun“ — Oʻzbekiston Respublikasi huquqiy, ijtimoiy-ommabop gazetasining 1-soni nashrdan chiqdi (1998-yil yanvardan mustaqil haftalik nashrga aylantirildi). Yanvar. Oʻzbekiston Oqsoqollar kengashi va „Mahalla“ jamgʻarmasining „Mahalla“ ijtimoiy-siyosiy va maʼnaviy-maʼrifiy gazetasining 1-soni nashrdan chiqdi.
  • 6-fevral — Lozanna shahrida Xalqaro Olimpiada qoʻmitasi qarorgohida Olimpiada harakatini rivojlantirishdagi alohida xizmatlari uchun Oʻzbekiston Respublikasi Prezidenti I.Karimovga Olimpiada oltin ordeni topshirildi.
  • 9-fevral — Buxoro viloyatining Zafarobod shaharchasida Navoiy konmetallurgiya kombinati bilan rossiyalik sheriklar hamkorligida benzin tozalovchi smola ishlab chiqaradigan yangi kimyo-texnologiya korxonasi foydalanishga topshirildi.
  • Fevral — Osiyo—Yevropa kabelli aloqa magistralining Oʻzbekiston hududidan oʻtadigan qismining qurilishi boshlandi. Umumiy uzunligi 19 ming km li ushbu magistralning 885 km Oʻzbekiston boʻylab oʻtgan (qurilish 1997-yilda yakunlandi).
  • 4-mart — Oʻzbekiston Respublikasi Favqulodda vaziyatlar vazirligi tashkil etildi.
  • 15-mart — Parijda „Amir Temur va temuriylar toʻgʻrisida ilmiy asarlar bibliografiyasi“ kitobi chop etildi.
  • 25-mart — Andijon viloyatining Asaka shahrida „Damas“ mikroavtobuslarini ishlab chiqarish liniyasi ishga tushirildi.
  • Mart — „Andijonirmash“ irrigatsiya mashinasozligi zavodi negizida yengil avtomobillar uchun oʻrindiqlar ishlab chiqaradigan „Oʻztong xong kompani“ Oʻzbekiston—Koreya qoʻshma korxonasi tashkil etildi.
  • 3-aprel — Oʻzbekiston Respublikasi Markaziy bankida Davlat aksiyadorlik uy-joy jamgʻarma banki — „Oʻzuyjoyjamgʻarmabank“ roʻyxatga olindi (2005-yil fevral oyidan Ipoteka bank).
  • 5-aprel — Toshkentda respublikada birinchi „Oʻzinvestloyiha“ injiniring kompaniyasi faoliyat koʻrsata boshladi.
  • 5-aprel — „Oʻzbeknavo“ gastrolkonsert birlashmasi (2001-yildan „Oʻzbeknavo“ estrada birlashmasi) tashkil etildi.
  • 9-aprel — Toshkent, Samarqand va xorijiy mamlakatlarda YUNESKO rahbarligida sohibqiron Amir Temur tavalludining 660 yilligi keng nishonlandi.
  • 16-aprel — Toshkentda Oʻzbekiston Respublikasi Tovar ishlab chiqaruvchilar va tadbirkorlar palatasining birinchi taʼsis qurultoyi boʻlib oʻtdi.
  • 16-aprel — Germaniyaning Gamburg shahrida professional boks tarixida birinchi bor Oʻzbekiston vakili — toshkentlik sportchi Artur Grigoryan jahon chempioni boʻldi.
  • 17-aprel — „Kamolot“ jamgʻarmasi taʼsis etildi.
  • 20—26-aprel — YUNESKOning Parijdagi bosh qarorgohida „Temuriylar davrida fan, madaniyat va maorifning gullab-yashnashi“ mavzuida ilmiy konferensiya va koʻrgazma boʻlib oʻtdi.
  • 23-aprel — Toshkentda YEXHTning „Markaziy Osiyo: YEXHT doirasida keng qamrovli xavfsizlik va mintaqaviy mojarolar“ mavzuidagi simpoziumi boʻlib oʻtdi.
  • 25—26-aprel — Oʻzbekiston Respublikasi Oliy Majlisining 5-sessiyasida Oʻzbekiston Respublikasining „Banklar va bank faoliyati toʻgʻrisida“, „Isteʼmolchilarning huquqlarini himoya qilish toʻgʻrisida“, „Erkin iqgisodiy zonalar toʻgʻrisida“, „Oʻzbekiston Respublikasi davlat xavfsizligi toʻgʻrisida“gi qonunlari qabul qilindi.
  • 26-aprel — Amir Temur ordeni taʼsis etildi.
  • 26-aprel — Oʻzbekiston Respublikasi Oliy Majlisining qarori bilan Oʻzbekiston Respublikasi Faxriy unvonlari taʼsis etildi.
  • 26-aprel — Oʻzbekiston Respublikasi Davlat tabiatni muhofaza qilish davlat qoʻmitasi tashkil etildi.
  • 29-aprel — „Oʻzbekkino“ Davlataksiyadorlik kompaniyasi (hozirgi „Oʻzbekkino“ milliy agentligi) tuzildi.
  • Aprel — Buxoroda suv sifatini boshqarish boʻyicha xalqaro kengash boʻlib oʻtdi.
  • Aprel — Oʻzbekiston Respublikasi Bosh prokuraturasining „Qonun himoyasida“ jurnalining 1-soni nashrdan chiqdi.
  • 2-may — Oʻzbekiston Respublikasi Bank-moliya akademiyasi tashkil etildi.
  • 13-may — „Tajan—Saraxs“ transosiyo temir yoʻl magistrali ochildi.
  • 15-may — Oʻzbekiston Respublikasi Moliya vazirligi huzurida Monopoliyadan chiqarish va raqobatni rivojlantirish qoʻmitasi tashkil qilindi (2005-yil 2-maydan Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi).
  • 22-may — Toshkentda jahondagi kompyuter texnikasining yetakchisi — IBM kompaniyasi vakolatxonasi ochildi.
  • May — Samarqandda „Sunam“ Oʻzbekiston — Turkiya qoʻshma korxonasining ochilish marosimi boʻlib oʻtdi. May. „Shahrixon—Xonobod“ yoʻnalishi boʻyicha poyezdlar qatnay boshladi. May. Toshkentda Oʻzbekiston Gidrometeorologiya xizmati muzeyi ochildi.
  • 25-iyun — „OʻzDEUavto“ Oʻzbekiston — Janubiy Koreya qoʻshma korxonasida „Tiko“ va „Neksiya“ avtomobillari ishlab chiqaradigan liniyalar ishga tushirildi.
  • Iyun — Angren „Sanoatkartonsavdo“ aksiyadorlik jamiyatida dastlabki sellyuloza ishlab chiqarildi.
  • 15—21-iyul — Oʻzbekistonda birinchi marta ommaviy sport haftaligi oʻtkazildi.
  • 15-iyul — Fan va madaniyat xalqaro jamgʻarmasi tuzildi.
  • 19-iyul — Andijon viloyatining Asaka shahrida yengil avtomobillar ishlab chiqarish boʻyicha „OʻzDEUavto“ Oʻzbekiston — Janubiy Koreya qoʻshma korxonasining xalqaro taqdimot marosimi boʻlib oʻtdi.
  • 19-iyul — 4-avgust — AQShning Atlanta shahrida boʻlib oʻtgan 24-yozgi Olimpiada oʻyinlarida hamyurtlarimiz bittadan kumush va bronza medallariga sazovor boʻlishdi.
  • 14-avgust — Nukusda marmar ishlab chiqarish boʻyicha qoʻshma korxona ishga tushirildi.
  • 27-avgust — Yangiyoʻl shahrida biokimyo zavodining yangi korxonasini ishga tushirish munosabati bilan tantanali yigʻilish boʻlib oʻtdi.
  • 28-avgust — Samarqand va Shahrisabz shaharlarini Amir Temur ordeni bilan mukofotlash toʻgʻrisida farmon chiqdi;28-avgust — „Miskin—Toʻrtkoʻl“ temir yoʻli qurilishi tugallandi.
  • 29-avgust — „Buyuk xizmatlari uchun“ ordeni taʼsis etildi.
  • 29-avgust — Oʻzbekiston Respublikasi Konsullik ustavi qabul qilindi.
  • 29—30-avgust — Oʻzbekiston Respublikasi Oliy Majlisining 6-sessiyasida „Noshirlik faoliyati toʻgʻrisida“, „Mualliflik huquqi va turdosh huquqlar toʻgʻrisida“gi qonunlar qabul qilindi.
  • 30-avgust — Oʻzbekiston Respublikasi ommaviy axborot vositalarini demokratlashtirish va qoʻllab-quvvatlash ijtimoiy-siyosiy jamgʻarmasi roʻyxatdan oʻtkazildi.
  • 1-sentyabr — Toshkent shahrida Xalqaro Olimpiya shon-shuhrati muzeyi ochildi. Unda Xalqaro Olimpiada qoʻmitasi prezidenti Xuan Antonio Samaranch ishtirok etdi.
  • 9-sentyabr — Oʻzbekiston Respublikasi „Maʼnaviyat va maʼrifat“ kengashining „Maʼnaviyat“ nashriyoti tashkil etildi.
  • 20-sentyabr — Samarqandda qadimiy Afrosiyob shahar xarobasida qazish ishlari olib borgan fransuz arxeologlari topilmalari koʻrgazmasi ochildi.
  • 27-sentyabr — Oʻzbekiston Bolalar jamgʻarmasi roʻyxatdan oʻtkazildi.
  • Sentyabr — Fargʻona neftni qayta ishlash zavodida zamonaviy fersol va ferlit plastik moyi ishlab chiqaradigan qurilma ishga tushirildi.
  • Sentyabr — Buxoroda Hindistonning „Larsen TurboLTD“ firmasi qurgan 430 oʻringa moʻljallangan toʻrt yulduzli mehmonxona ochildi.
  • Sentyabr — Andijonda polietilen plyonka ishlab chiqaradigan Oʻzbekiston — Turkiya qoʻshma korxonasi taqdimoti boʻldi.
  • Sentyabr — „Toshkent traktor zavodi“ ishlab chiqarish birlashmasi konveyeridan TTZ-130 rusumli dastlabki traktorlar chiqdi.
  • Sentyabr — Asaka shahrida „FederechiAsaka-Makaroni“ Oʻzbekiston—Italiya qoʻshma korxonasi ishga tushdi.
  • Sentyabr — Buxoro viloyati Jondor tumanida 13-asrda yashab oʻtgan xalq qahramoni, sarkarda Mahmud Torobiyga haykal oʻrnatildi.
  • 2-oktyabr — Oʻzbekiston Respublikasi Islom konferensiyasi tashkilotiga aʼzo boʻldi.
  • 8-oktyabr — Oʻzbekiston Banklar assotsiatsiyasi respublikada birinchi „Bankinformreyting“ mustaqil reyting kompaniyasini taʼsis etdi.
  • 18-oktyabr — Toshkentda Temuriylar tarixi davlat muzeyi tantanali ravishda ochildi.
  • 18-oktyabr — Samarqand va Shahrisabz shaharlarida Sohibqiron Amir Temur haykali ochildi. Har ikki shaharga „Amir Temur“ ordeni topshirildi;18-oktyabr — Toshkentda „Birja va ulgurji savdo“ yangi haftalik gazetasi taqdimoti boʻlib oʻtdi.
  • 21-oktyabr — Toshkent shahrida Ozarbayjon, Qozogʻiston, Qirgʻiziston, Turkmaniston, Turkiya hamda Oʻzbekiston rahbarlarining uchrashuvi boʻlib oʻtdi va unda Toshkent Deklaratsiyasi imzolandi.
  • 24-oktyabr — Shirin ichimliklar va maʼdanli suv ishlab chiqaruvchi „Samarqand-Praga“, qoʻshma korxonasi dastlabki mahsulotlarini chiqardi.
  • 24-oktyabr — Toshkent shahrida „Amir Temur va uning jahon tarixida tutgan oʻrni“ mavzuida xalqaro konferensiya boʻlib oʻtdi.
  • 31-oktyabr — Toshkentda „Yozuvchi“ gazetasining 1-soni nashrdan chiqdi.
  • 31-oktyabr — Oʻzbekiston Respublikasi Inson huquqlari boʻyicha milliy markazi tuzildi.
  • Oktabr — Toshkentda besh yulduzli „Interkontinental“ mehmonxonasining 1-navbati foydalanishga topshirildi.
  • Oktabr — Oʻzbekiston—Italiya „Sovplastital“ qoʻshma korxonasi Parijda „Sifat uchun Yevropa Oltin mukofoti“ga sazovor boʻldi. Bu qoʻshma korxona sazovor boʻlgan sakkizinchi xalqaro mukofotdir.
  • Oktabr — Toshkentda „Bozor, pul va kredit“ ilmiy-amaliy jurnalining 1-soni, shuningdek, Orol dengizi havzasi muammolarini yoritish boʻyicha „Vestnik Arala“ („Orol axborotnomasi“) ilmiy jurnalining ilk soni bosmadan chiqdi.
  • 28-noyabr — Xivada turkman shoiri va mutafakkiri Mahtumquli haykali ochildi.
  • 30-noyabr — Toshkent viloyatining Toʻytepa shahrida „Kabul-Toʻytepa tekstil“ Oʻzbekiston — Koreya qoʻshma korxonasining ochilish marosimi boʻldi.
  • Noyabr — Toshkentda „Texnoinvest“ Oʻzbekiston—Shveysariya qoʻshma korxonasi tashkil etildi.
  • 3-dekabr — Oʻzbekiston Respublikasi Oliy Majlisi huzuridagi Amaldagi qonun hujjatlari monitoringi instituti tashkil etildi.
  • 8-dekabr — Gulistonda „OʻzDEUavto“ qoʻshma korxonasida ishlab chiqarilgan „Neksiya“ avtomobillarini sotish boʻyicha Oʻzbekistonda birinchi kimoshdi savdosi boʻlib oʻtdi.
  • 13-dekabr — „Oʻzbekistonning yangi tarixi“ni nashrga tayyorlash va nashr etish toʻgʻrisida" qaror qabul qilindi.
  • 20-dekabr — Oʻzbekiston Fanlar akademiyasida Abdurauf Fitrat tavalludining 110 yilligiga bagʻishlangan tantanali yigʻilish va ilmiy konferensiya boʻlib oʻtdi.
  • 26—27-dekabr — Toshkentda 1-chaqiriq Oʻzbekiston Respublikasi Oliy Majlisining 7-sessiyasida Oʻzbekiston Respublikasining „Notariat toʻgʻrisida“, „Davlat uy-joy siyosatining asoslari toʻgʻrisida“, „Oʻzbekiston Respublikasi tashqi siyosiy faoliyatining asosiy prinsiplari toʻgʻrisida“, „Siyosiy partiyalar toʻgʻrisida“ qonunlari qabul qilindi.
  • 29-dekabr — Toshkent shahrining yangi gerbi tasdiqlandi.
  • 30-dekabr — Qashqadaryo viloyatidagi Alan konida yiliga 5 mlrd. kub metr gaz va 200 ming tonna kondensat chiqaradigan quvvatlar foydalanishga topshirildi.
  • Dekabr — Oʻzbekiston Faxriylar kengashi Oʻzbekiston faxriylarini ijtimoiy qoʻllab-quvvatlash „Nuroniy“ jamgʻarmasiga aylantirildi. Dekabr — Nukusda Qoraqalpogʻistonda birinchi biznes markazi ochildi. Dekabr — Buxoro viloyatida marmarga ishlov beradigan yangi zavod ishga tushirildi.
  • Dekabr — Ijtimoiy-siyosiy va huquqiy yoʻnalishdagi „Hurriyat“ mustaqil gazetasi chiqa boshladi. Dekabr — Toshkent davlat yuridik instituti qoshida Inson huquqlari va gumanitar huquqni oʻrganish markazi ochildi.
  • 1996 — „Oʻzbekistonning yangi tarixi“ markazi tashkil etildi.
  • 1996 — „BUZTEL GSM“ („Bakri Oʻzbekiston telekom“) kompaniyasi taʼsis etildi.

Voqealar

[tahrir | manbasini tahrirlash]
Yana qarang: Turkum:1996-yil voqealari

konferensiya boʻlib oʻtdi.

Tugʻilgan

[tahrir | manbasini tahrirlash]
Yana qarang: Turkum:1996-yilda tugʻilganlar

Vafot etgan

[tahrir | manbasini tahrirlash]
Yana qarang: Turkum:1996-yilda vafot etganlar

Нобелевские премии

[tahrir | manbasini tahrirlash]


Bu maqola ruscha yozilgan.

nothumb

Iltimos, maqolani oʻzbek tiliga tarjima qiling. 



"https://uz.wikipedia.org/w/index.php?title=1996&oldid=5150211" dan olindi