Marshall rejasi

Vikipediya, ochiq ensiklopediya

1947-yiI 5-iyunda AQSH davlat kotibi Jorj Marshal Garvard universitetida soʻzlagan nutqida Gʻarbiy Yevropani tiklash uchun moliyaviy yordam koʻrsatishni taklif qildi. Amerika hukmron doiralari iqtisodiyoti vayron etilganligi va rivojlanishga mablagʻ yoʻqligi bilan xarakterlanuvchi bu mintaqani xavfli vaziyatdan chiqarishga qaror qilishdi. „Marshall rejasi“ boʻyicha uni amalga oshirishda 16 ta Yevropa davlati ishtirok etadigan boʻldi, amerika moliyaviy yordamini Yevropa iqtisodiy hamkorligi tash- kiloti (YIHT) taqsimladi. 1948-yildan 1952-yilgacha bu tashkilot orqalr Gʻarbiy Yevropa mamlakatlariga 17 milliard dollar berildi. Bu mablagʻlar mazkur mintaqada urushdan keyingi tiklanishda muhim rol oʻynadi. „Marshall rejasi“ Yevropa mamlakatlari iqtisodiy tizimi tuzilmasini saqlashga imkon yaratdi.

Marshall rejasi - 2-jahon urushidan keyin Yevropani AQSH va Kanadaning iqtisodiy yordami bilan tiklash va rivojlantirish dasturi; bu rejani 1947 y. 5 iyunda AQSH davlat kotibi, general J. K. Marshall (1880— 1959) ishlab chiqqan va uni amalga oshirish 1948—51 y.larga moʻljallangan. Rejani amalga oshirish boʻyicha Gʻarbiy Yevropadagi 16 davlat — Buyuk Britaniya, Fransiya, Italiya, Belgiya, Niderlandiya, Lyuksemburg , Shvetsiya, Norvegiya, Daniya, Irlandiya, Islandiya, Portugaliya, Avstriya, Shveysariya, Gretsiya hamda Turkiya M. r.da ishtirok etishga rozi boʻldi va Yevropa iqtisodiy jamiyatini tuzish haqidagi konvensiyani qabul qildi. Keyinchalik, M. r.ga Gʻarbiy Germaniya ham jalb etildi. AQSH kongressi iqtisodiy hamkorlik qilish qonunini qabul qilgach (1948), M. r., yaʼni toʻrt yillik "chet el davlatlariga yordam" dasturi kuchga kirdi. Unda ikki tomonlama bitim asosida Gʻarbiy Yevropa davlatlariga yordam koʻzda tutilgan. Yordam AQSH federal byudjetidan qaytarib olinmaydigan subsidiya va zayomlar tarzida beriddi. 1948 y.danto 1951 y.gacha AQSH M. p., boʻyicha 17 mlrd. dollar mablagʻ sarfladi. Uning asosiy qismi Buyuk Britaniya, Fransiya, Italiya va GFR (AQSH va GRF oʻrtasida 1949 y. dek.da imzolangan ikki tomonlama bitimga asosan) davlatlariga berildi.

Rejada "erkin tadbirkorlik"ni rivojlantirish, xususiy Amerika investitsiyalarini ragʻbatlantirish, bojxona taʼriflarini pasaytirish, AQShga baʼzi bir taqchil tovarlarni yetkazib berish, moliyaviy barqarorlikni taʼminlash, Amerika yordamini olish natijasida boʻshagan milliy valyutada maxsus fondlar tashkil etish va ularning AQSH tomonidan nazorat kilinishi, olingan mablagʻlarni qay tarzda sarflanayotganligi haqida muntazam hisobot berib turish moʻljallangan.

Risolat Ishmuratova.[1]



Bu maqola vikilashtirilishi kerak.

nothumb

Iltimos, bu maqolani Vikipediya qoida va yoʻllanmalariga muvofiq tartibga keltiring.

Manbalar[tahrir]

  1. OʻzME. Birinchi jild. Toshkent, 2000-yil