Lixtenshteyn

Vikipediya, ochiq ensiklopediya
Lixtenshteyn Qirolligi
Lixtenshteyn davlat bayrogʻi   Lixtenshteyn davlat gerbi
Bayroq Gerb
Shior: Y'o`q
Madhiya: Oben am jungen Rhein
(Baland yosh Reyn ustida)
Lixtenshteyn Xaritasi
Poytaxt Vaduz
Rasmiy til(lar)
Hukumat Semi-Konstitutsion Rohiblik
 •  Rohib   Prins Gans-Adam II
 •  Hukumat boshlig`i   Otmar Hasler
Mustaqillik  
 •  Assoslangan   23 yanvar 1719
 •  Muqaddas Rim Imperiyasidan   12 iyul 1806
Maydon  
 • Butun 160 km² (218-)
 • Suv (%)
Aholi  
 • 2002 roʻyxat 33,717 (214- oʻrin)
 • Zichlik 210/km²
YaIM (XQT) 2005- yil roʻyxati
 • Butun AQSh$825 mil. (197-)
 • Jon boshiga AQSh$24,468
Pul birligi Shveitsar Frank (CHF)
Vaqt Mintaqasi CET (UTC+1)
 • Yoz (DST) CEST (UTC+2)
Qisqartma LS
Internet domen .li
Telefon prefiksi +423


Lixtenshteyn (Liechtenstein), Lixtenshteyn Knyazligi (Furstentum Liechtenstein)— Markaziy Yevropadagi davlat (knyazlik). Reyn daryosining oʻng sohilida, Avstriya bilan Shveysariya orasida joylashgan. Mayd. 160 km2, aholisi 32,5 ming kishi (2001); koʻpchiligi lixtenshteynliklar (asli avstriyaliklar va shveysariyalik nemislar). Davlat tili — nemis tili. Hukmron dini — katolitsizm. Poytaxti — Vaduts sh. Yirik shaharlari: Shan, Balsers, Trizen. L. hududi maʼmuriy jihatdan 11 jamoaga boʻlinadi.

Davlat tuzumi[tahrir]

L. — konstitutsiyali monarxiya. Amaldagi konstitutsiyasi 1921 y. 5 okt.da kuchga kirgan (1938, 1939, 1965 va 1990 y.da oʻzgartirishlar kiritilgan). Davlat boshligʻi — knyaz (1990 y.dan knyaz Xans Adam II fon Lixtenshteyn). Qonun chiqaruvchi hokimiyatni knyaz va bir palatali parlament (landtag), ijroiya hokimiyatni hukumat — bosh vazir, uning oʻrinbosari va 3 aʼzo amalga oshiradi.


Tabiati[tahrir]

L. hududining koʻp qismini Alp togʻlarining tarmoqlari egallagan. Gʻarbida Reyn vodiysi joylashgan. Iqlimi moʻʼtadil, yillik yogʻin — 700—1200 mm. Hududining 1/4 qismi oʻrmon, asosan, qoraqaragʻay, qora qayin, eman oʻsadi. Togʻlarda subalp va alp oʻtlokdari bor.


Tarixi[tahrir]

L. hududi rimliklar davrida Retsiya viloyatiga kirgan (mil. av. 15-y.

dan). Ilk oʻrta asrda Shvabiya gersogligining bir qismi. Keyinchalik bu yerda Vaduts grafligi (1342) va "Muqaddas Rim imperiyasi" tarkibidagi Shellenburg oʻlkasi tashkil topdi. 1699—1712 y.larda bu oʻlkani Avstriya knyazi Lixtenshteyn sotib oldi. 1719 y. Vaduts bilan Shellenberg birlashib, Lixtenshteyn knyazligi vujudga keldi. 1806 y. L. Reyn ittifoqi, 1815— 66 y.larda Germaniya ittifoqi tarkibida. 1921 y.dan L. rasmiy jihatdan mustaqil davlat, amalda esa 1923 y.da tuzilgan bojxona ittifoqiga koʻra, Shveysariya ichki iqtisodiy mintaqasi hisoblanadi. L.ning chet ellardagi diplomatiya va konsullik manfaatlarini Shveysariya himoya qiladi.

L. — 1990 y.dan BMT aʼzosi. Milliy bayrami — 14 fevral — knyaz tugʻilgan kun (1945).

Siyosiy partiyalari va kasaba uyushmalari. Taraqqiyparvar byurgerlar partiyasi, 1918 y. tashkil topgan; Vatandoshlar ittifoqi, 1936 y.da tuzilgan; Erkin roʻyxat, ekologiya partiyasi, 1985 y.da asos solingan. Mehnat-kashlar ittifoqi kasaba uyushmasi, 1936 y.da tuzilgan.


Xoʻjaligi[tahrir]

L. — industrial-agrar mamlakat. Mehnatga yaroqli aholining 45,2% sanoatda, 45% xizmat koʻrsatish tarmogʻida band. Metallsozlik, priborsozlik, mashinasozlik (press va shtamplash uskunalari, hisoblash va aniq mashinalar, yuksak vakuumli texnika), kimyo-farmatsevtika, toʻqimachilik, oziqovqat, yogʻochsozlik, kulolchilik korxonalari, chinnidan yasama tosh tayyorlash f-kasi, elektr st-yalari bor. Yiliga oʻrtacha 153 mln. kVt-soat elektr energiyasi hosil qilinadi. Elektron texnika, mikroprotsessorlar i.ch., ay-niqsa, rivojlangan. Sanoat mahsulotining koʻp qismi eksport qilinadi. Q.x.da mehnatga layoqatli aholining atigi 2% band. Chorvachilik, ayniqsa, sut-goʻsht yetishtirish (q.x. mahsulotining 75%) ustun. Sabzavotchilik, bogʻdorchilik, tokchilikdan yuqori hosil olinadi. Avstriyadan Shveysariyaga boradigan t.y. va avtomobil yoʻllari L. orqali oʻtadi. L. — xalqaro moliya markazlaridan biri. Xorijiy sayyohlik rivojlangan. Pul birligi — Shveysariya franki.

Madaniyati. 6 yoshdan 14 yoshgacha boʻlgan bolalar oʻqishi majburiy. Oʻqish muddati — boshlangʻich maktabda 5, toʻliq-siz oʻrta maktabda 3, toʻliq oʻrta maktab (gimnaziya)da 5 y. Gimnaziyada oʻqishni davom ettirmaydigan bolalar 8 y.lik xalq maktabida oʻqishga majbur. Davlat maktablari bilan birga xususiy maktablar ham bor. Oliy maʼlumot olmoqchi boʻlganlar chet ellarga, asosan, Avstriya, Germaniya va Shveysariyaga borib oʻqiydi. Vaduts sh.da kechki texnikum, musiqa maktabi, Davlat muzeyi bor. "Lixtenshteyner faterland" ("Lixtenshteyn vatani", 1913 y.dan) va "Lixtenshteyner folsblat" ("Lixtenshteyn xalq varaqasi", 1878 y.dan) gaz.lari nashr etiladi. Press-und informationsamt hukumat matbuot va axborot agentligi (1962) va Lixtenshteyn radiosi (1995) faoliyat koʻrsatadi. L. hududida bir qancha meʼmoriy yodgorliklar: Vaduts, Balsers va Nendeln atroflarida Rim istehkomlarining qoldiqlari, oʻrta asr qasrlarining vayronalari saqlanib qolgan. Vaduts va Gutenberg qasrlari, Eshendagi cherkov, Trizen va Trizenbergdagi ibodatxonachalar qayta tiklangan.[1]

Lixtenshteyn (Lixtenshteyn Qirolligi) poytaxti — Vaduz shahri. BMT aʼzosi

Manbalar[tahrir]

  1. OʻzME. Birinchi jild. Toshkent, 2000-yil