Samarqand davlat tibbiyot instituti

Vikipediya, ochiq ensiklopediya
Jump to navigation Jump to search

Samarqand Davlat tibbiyot instituti – Markaziy Osiyoda eng ko‘hna tibbiy oliygohlardan biri hisoblanadi. Institut dunyoga dovrug‘i tarqalgan va asrlar davomida ilmu ma’rifat markazi bo‘lib kelgan Samarqand shahrida joylashgan. Xozirgi kunda institutda 3000 ziyod studentlar, 30 ixtisoslik byicha 238 magistratura studentlari, 29 ixtisoslik bo‘yicha 364 klinik ordinatorlar tahsil olmoqda, har yili 2500 ziyod shifokorlar o‘z malakasini oshiradi. Institutda Koreya Respublikasidan ham studentlar tahsil olmoqda.

Institut faoliyati davomida e’tibor va ustuvor yo‘nalishlar vaqti bilan o‘zgargan bo‘lsa ham, lekin asosiy maqsadi va vazifalari, ya’ni: yuqori malakali tibbiyot sohasida muttaxassislarni tayyorlash, ilmiy tadqiqotlar olib borish, davlatimiz va xorijiy davlatlarning OTM va etakchi ilmiy markazlar bilan xamkorlik qilish an’ana sifatida davom etib qolmoqda. Barcha bu ishlar, avvalam bor, tibbiyot fani, tibbiy ta’limning innovatsion shakllarini rivojlantirish, amaliy sog‘liqni saqlash uchun yuqori malakali mutaxassislarni tayyorlashga xizmat qilmoqda.

Institut tarixi[tahrir]

Samarqand Davlat tibbiyot institutining tarixi uzoq 1930 yilning may oyida boshlanadi, o‘sha yilni 7 mayida O‘zbekiston Xalq Komissarlari Kengashining 80-son Qaroriga binoan O‘zbek Davlat tibbiyot institutiga asos solingan. Institut hozirgi kunga qadar 40 mingdan ziyod malakali shifokorlarni tayyorlab bergan.Институт тузилиши

Fakultetlar[tahrir]

Hozirgi kunda mazkur SamDTIda 6 fakultet va bakalavriatni 8 yo‘nalishi bo‘yicha mutaxassislar tayyorlanmoqda:
• Davolash fakulteti (1930 yil);
• Pediatriya fakulteti (1963 yil);
• Vrachlar malakasini oshirish va qayta tayyorlash fakulteti (1981 yil);
• Tibbiy pedagogika fakulteti (2005 yil);
• Oliy hamshiralik ishi fakulteti (2005 yil);
• Stomatologiya fakulteti (2009 yil),
• “Tibbiy-profilaktika” yo‘nalishi (2016 yil);
• “Farmatsiya” yo‘nalishi (2018 yil);
• “Tibbiy-biologiya ishi” yo‘nalishi (2018 yil).

Professor-o‘qituvilar tarkibi[tahrir]

Institutda faoliyat yuritayotgan 54 kafedra va kurslarda 648 ziyod malakali pedagoglar, shu jumladan 50 fan doktori, shulardan 32 professor, va 132 fan nomzodlari, shulardan 111 dotsentlar mehnat qiladi.

Institut o‘quv jarayoni[tahrir]

Zamon bilan hamnafas bo‘lib, institut jamoasi mamlakatimizni ta’lim va sog‘liqni saqlash sohasida amalga oshirilayotgan islohotlar va o‘zgarishlarning barcha talablarga javob beradi. Institut tarixida 2005 yildan yangi bir davr boshlandi. Chunki ta’lim jarayoni sifatini va ilmiy mahsulot uchun professor-o‘qituvchilar jamoasi ilmiy faoliyatiga tegishli sharoit yaratish zarur edi. Studentlar mehnatini samarali qilish uchun institutda eng yangi axborot texnologiyalari, multimedia proektor, video va audio tizimlari bilan jihozlangan ma’ruza va o‘quv xonalari, ta’lim va klinik laboratoriyalari mavjud, masofaviy ta’lim tizimi joriy qilingan. O‘quv jarayoni elektron va modul ta’lim tizimlaridan foydalangan holda zamonaviy axborot-kommunikatsion internet-texnologiyalar bilan mustahkamlangan. Institutni moodle.sammi.uz elektron ta’lim tizimida barcha o‘tiladigan fanlar bo‘yicha elektron o‘quv-uslubiy materiallar o‘rin olgan, shu jumladan xorijiy studentlar uchun ingliz tilida. Shuningdek, institutni barcha kafedralarida studentlarni ilmiy jamiyati faoliyat yuritadi (SIJ). So‘zsiz bular o‘quv mashg‘ulotlarni yuqori, jahon ta’lim standartlariga mos darajada o‘tishga imkon yaratadi.

Axborot-resurs markazida[tahrir]

Institutning Axborot-resurs markazida (ARM) 300000 ortiq nomdagi nashrlar saqlanishi o‘ziga aloxida e’tiborni jalb etadi. Ular o‘quv, uslubiy, ilmiy adabiyotlar, shuningdek, fanlar bo‘yicha o‘quv qo‘llanmalar. ARM o‘zining elektron kutubxonasiga ega va unga har bir student, doktorant, yosh o‘qituvchilar, dotsent-professorlar kirib, zamonadan ortga qolmaslik uchun, foydalanish huquqiga ega. Ta’lim jarayoni sifatini yaxshilash omillaridan biri bu zamonaviy axborot baza tizimi bilan jihozlangan innovatsion pedagogik texnologiyalar Markazining tashkil etilishi bo‘ldi. Mazkur Markazda eng so‘nggi ma’lumotlardan foydalanish imkoni yaratilgan. Markaz Internet tarmog‘iga ulangan 14 kompyuter auditoriyalar va lingafon kabinetlardan iborat va lokal server orqali institutning elektron kutubxonasiga ulangan. Bu studentlarga xalqaro ta’lim Standarti doirasida professional bilimlarni olishga imkoniyat beradi

Davolash bazalari[tahrir]

SamDTI qoshida 375 ta yotoq joyiga mo‘ljallangan 1-son klinika, 200 ta yotoq joyiga mo‘ljallangan 2-son klinika mavjud bo‘lib ular zarur va zamonaviy tibbiy asbob-uskunalar bilan jihozlangan. Bundan tashqari, Samarqand shahrida va atrofida joylashgan barcha davolash-diagnostika muassasalari institut studentlarining amaliyot o‘tish joylari sifatida SamDTIni klinik bazasi hisoblanadi.

Halqaro hamkorlik[tahrir]

Samarqand Davlat tibbiyot instituti fan va texnologiyalar Markazini grantlari, O‘zbekiston Respublikasi Fanlar Akademiyasining fundamental tadqiqotlari doirasida faol qatnashadi hamda chet ellik sheriklar bilan yaqindan hamkorlik qilib keladi. AQSh, Germaniya, Yaponiya, Koreya Respublikasi, Gollandiya, Ispaniya, Rossiya, Ukraina, Qozog‘iston va Qirg‘izistonning halqaro va o‘quv tashkilotlari bilan samarali hamkorlik yo‘lga qo‘yilgan. SamDTIning bitiruvchilari O‘zbekistonda va chet el mamlakatlari, xususan AQSh, Isroil, Germaniya, Rossiyada samarali mehnat qilmoqdalar. Institut jamoasi tibbiy ta’lim va ilm-fan rivojida yangi ufqlarini aniq tasavvuri bilan farq qiladi. Mustaqillik yillarida mintaqamizning eng eski birinchi OTMdagi ijobiy o‘zgarishlar uni mamlakatimizning nufuzli muassasalari qatoriga qo‘shdi. Bu esa, yuqori malakali mutaxassislarni tayyorlash yo‘lida faoliyat yuritayotgan Samarqand Davlat tibbiyot institutining nufuzini yanada oshirish va mavqeini ko‘tarish uchun kuchli omil bo‘lmoqda.