Koʻk-Yongʻoq (qirgʻ.Көк-Жаңгак) — Qirgʻiziston RespublikasiningJalolobod viloyatidagi shahar. Temir yoʻl stansiyasi. 1500 m balandlikda, Fargʻona tizmasining gʻarbiy etagidagi Surentepa togʻ yon bagʻrida, Qoʻrgʻontosh daryosi sohilida joylashgan. Jalolobod shahridan 28 km, Oʻsh shahridan 88 km uzoqlikda. Yanvarda oʻrtacha harorat —10°, iyulniki 20°. Yiliga 400 mm yogʻin yogʻadi. Aholisi 11 ming kishiga yaqin (2000). 1910 yшдda toshkoʻmir konining ishga tushirilishi munosabati bilan vujudga kelgan. Toshkoʻmir qazib olinadi. Transport va iqtisodiy aloqalar avtomobil va temir yoʻl orqali amalga oshiriladi. Tikuvchilik fabrikasi, non zavodi, maishiy xizmat koʻrsatish k-ti, 5 umumiy taʼlim maktabi, kasb-hunar bilim yurti, 3 kutubxona, kasalxona, poliklinika bor.[2]
