Kiyiklar

Vikipediya, ochiq ensiklopediya

Kiyiklarquvushshoxlilar oilasiga mansub kavsh qaytaruvchi juft tuyoqlilar guruhi. Tashqi koʻrinishi, tuzilishi, hayot kechirishi va kelib chiqishi, hatto tana oʻlchami har xil hayvonlarni oʻz ichiga oladi. K.ga qoramollar, qoʻylar va echkilardan tashqari barcha kavsh qaytaruvchilar kiritiladi. Quvushshoxlilar oilasining koʻpchilik kenja oilalarini birlashtiradi. Filogenetik jihatdan echkilar va sigirlarga yaqinroq. Asosiy kenja oilalari gʻizollar yoki ohularga jayran, Hindistonda tarqalgan garna, sigirsimon K. yoki buballarga Afrikada tarqalgan kaama va gnu; otsimon K.ga Afrikada yashaydigan qora kiyik, beyza, kiyik-hoʻkiz, serna K., toʻrt shoxli K., oʻrmon kiyiklari kiradi. Koʻp turlari Afrikada, ayrim turlari Jan. va Marka-ziy Osiyoda yashaydi, Yevropada K.ning 3 turi, Shim. Amerikada bir turi tarqalgan. Oʻzbekistonda K.dan saygʻoq va jayran uchraydi. Koʻpchilik K. choʻllarda, ayrim turlari oʻrmonda poda boʻlib yashaydi. Poligam. Goʻshti, terisi va shoxi uchun ovlanadi.[1]

Manbalar[tahrir | manbasini tahrirlash]

  1. OʻzME. Birinchi jild. Toshkent, 2000-yil