Ilonchisoy

Ilonchisoy
Tavsif
Uzunligi	32 km
Maydoni	47 km²
Suv oqimi
Boshlanishi	Qoʻytosh togʻlarining shimoliyyon bagʻri
· Boshlanish joyi	Katta Bog'don qishlog'i
· Balandligi	1 500 m
Joylashuvi
Davlat	O'zbekiston
Tuman	Forish

Ilonchisoy - Jizzax viloyati Forish tumanidagi soy. Nurota tizmasining sharqiy tarmogʻi — Qoʻytosh togʻlarining shimoliyyon bagʻridan (1500 m) boshlanuvchi 15 ga yaqin kichik irmoqning qoʻshilishidan hosil boʻladi. Shimoliy yoʻnalishda oqadi. Uzunligi 32 km, havzasining maydoni 47 km². Boshlanishida Oqbuloqsoy deb, Oqtepa qishlogʻi yonida unga Yomchisoy qoʻshilgach, Ilonchisoy deb ataladi.

Xonbandi togʻini kesib oʻtgach, Uchquloch shaharchasidan 1 km shimoli-gʻarbda tugaydi. Ilonchisoy qor, mavsumiy yomgʻir va buloq suvlaridan toʻyinadi. Yillik oqimning 70—80% mart — aprelda oqib oʻtadi. Oʻrtacha yillik suv sarfi 200—250% l/sek. Ilonchisoydan sugʻorishda foydalaniladi.

Foydalanish

Ilonchisoy suvi yon-atrofdagi qishloqlarga ekinlarni sug'orish uchun asosiy suv manbai hisoblanadi. Uning suvlari mashhur "Forish uzumlari" yetishtiriladigan uzumzorlar, poliz ekinlari, daraxtzorlar va chorva uchun sarf bo'ladi. U boshlanish nuqtasidan tuproqqa singgib yo'q bo'lib ketkuncha quyidagi qishloqlarni kesib o'tadi:

• Katta Bog'don q.
• Sayyod q.
• Usta-Qishloq q.
• Ilonchi q.
• Jayraxona q.
• Oqtepa q.
• To'qay q.
• Damariq q.
• Xonbandi sh.cha

XX asrda hozirgi Xonbandi shaharchasi yonidagi Pasttog' darasiga to'g'on qurilib suvidan sug'orish uchun foydalanilgan.