Daryo havzasi

Vikipediya, ochiq ensiklopediya

Daryo havzasi — nam saklaydigan jinslarni oʻz ichiga olgan yer yuzasining bir qismi, undan suv alohida daryo yoki daryo sistemasiga oqadi. D. h.ni koʻpincha daryoning suv yigʻish havzasi deyiladi. Har bir daryo havzasi yer usti va yer osti suv toʻplash havzalarini oʻz ichiga oladi. Yer usti suvlari yer yuzasining bir qismini egallab, undan suv daryo sistemasiga yoki aniq bir daryoga oqadi. Yer osti suvlari gʻovak yotqiziqlar qatlamini hosil qilib, undan suv daryo tarmoqdariga boradi. Yer usti havzasi hududi bilan yer osti havzasi hududi birbiriga toʻgʻri kelmaydi. D. h.ning yer osti suvlari chegarasini aniklash qiyin boʻlganidan biron daryoga oqar suvlar toʻplanadigan hudud shu daryo havzasi deyiladi. D. h. bir-biridan suvayirgʻichlar bilan ajralib turadi. D. h. maydoni turlicha: Amazonka havzasi dunyoda eng katta havza boʻlib, 7180 ming km2, Amudaryoniki esa 465 ming km2.

Adabiyot[tahrir]

  • OʻzME. Birinchi jild. Toshkent, 2000-yil