Dahlar

Vikipediya, ochiq ensiklopediya
Jump to navigation Jump to search

Dahlar, daylar — qadimda hozirgi Turkmanistonning jan., shuningdek, Oʻzbekistonning bir qismida yashagan qabilalar. D. dastlab Kserks ning mil. av. 486—480 y.larga oid bitigida qayd etilgan. Tarixchi Berosnnyat yozishicha, Kir II Oksus (Amudaryo) boʻylarida yashovchi koʻchmanchi D. bilan boʻlgan jangda halok boʻlgan. D. Aleksandr (Iskandar Maqduniy) ning Oʻrta Osiyoga yurishi (mil. av. 330—327) ga oid voqealarda ham tilga olingan. Baʼzi fa-razlarga koʻra, D. Spitamennn Aleksandrga tutib berganlar. Mil.av. 3 — mil. 1—2-asrlardagi yozma manbalar asosan, D.ni Kaspiy dengizining jan.-sharqiy qirgʻogʻida yashovchi aholi sifatida qayd etadilar. D.ning shim.da derbiklar yashashgan. D. aparnlar (parnlar), ksantiylar va pissurlar kabi urugʻlarga boʻlingan. Atrek va Sumbar daryolarining quyi havzasi oʻrta asrlarda Dahiston — D. mamlakati deb nomlangan.

Adabiyot[tahrir]

  • OʻzME. Birinchi jild. Toshkent, 2000-yil
  • Rtveladze E., Velikiy shelkoviy put, T., 1999.