Buxoro amirining saroyi (Yalta)

Buxoro amirining saroyi
	Saroy
	Buxoro amirining saroyi; ruscha: Дворец эмира Бухарского
Mamlakat	Rossiya
Hudud	Qrim Respublikasi
Shahar	Yalta
Mulkdor	Davlat mulki
Saroy turi	Yozgi
Meʼmoriy uslub	mavritan uslubi
Loyiha muallifi	Tarasov Nikolay Georgiyevich
Meʼmor	Tarasov Nikolay Georgiyevich
Binokorlik tashabbuschisi	Abdulahadxon
Homiylar	Abdulahadxon
Binokorlik	1907—1911-yillar
Maqomi	Davlat himoyasida; Federal ahamiyatga ega meʼmoriy yodgorlik
	Buxoro amirining saroyi (Yalta) Vikiomborda

Bu atamaning boshqa maʼnolari ham mavjud. Qarang: Buxoro amirining saroyi (maʼnolari).

Buxoro amirining saroyi (ruscha: Дворец эмира Бухарского) — Qrim Respublikasining (de jure — Ukraina; de facto — Rossiyaning) Yalta shahridagi ikki qavatli sharqona saroy. Buxoro amirligi hukmdori Abdulahadxon tashabbusi va rus imperatori Nikolay IIning ruxsati bilan 1907-yildan boshlab qurila boshlangan va 1910-yilda qurib bitkazilgan. Amirning Rossiyadagi birinchi yirik qarorgohi (unga tegishli bo'lgan ikkinchi saroy Rossiyaning Jeleznovodsk shahrida joylashgan). Hozirda saroy Rossiyaning Federal ahamiyatga ega meʼmoriy yodgorligi boʻlib, unda Rossiyaga qarashli Oʻzbekiston sihatgohi joylashgan.

Tarixi[tahrir | manbasini tahrirlash]

Markaziy Osiyo hududida temir yoʻl oʻtkazilgandan soʻng, Abdulahadxon yoz oylarini Kavkaz va Qrimda oʻtkazishga odatlanib qolgan. Uning tashabbusi bilan, ushbu hududlarda sharqona saroylar qurilgan. Qrimning Yalta shahrida qad koʻtara boshlagan saroy, 1910-yilda qurib bitkazilgan. U 3 yil, 1907—1910-yillar davomida barpo etilgan. Saroyga Abdulahadxon Dilkusho (Maftunkor) deb nom bergan^[1].

Saroy 1917-yilga qadar Buxoro amirlarligi hukmdorining mulki hisoblangan^[2]. Sovet hokimiyati oʻrnatilganidan soʻng, bino milliylashtirilgan. 1924-yildan hozirgi kunga qadar saroyda Oʻzbekiston sihatgohi oʻz faoliyati olib bormoqda^[1]. Binoga Ikkinchi Jahon urushi davrida zarar yetgan. Keyinchalik unda restavratsiya ishlari olib borilgan. Hozirda binoda Yalta sihatgohining 8-korpusi joylashgan^[2].