Sayid muhammadxon

Vikipediya, ochiq ensiklopediya
(Sayid Muhammadxondan yoʻnaltirildi)
Jump to navigation Jump to search

Sayid muhammadxon (18231864) — Xiva xoni (1856—64). Qoʻngʻirotlar sulolasidan. Muhammad Rahim I ning oʻgli, Muhammad Rahim II Feruzning otasi. Uning davrida Xivadagi ichki nizolarga barham berilgan, xonlikda tinchlikosoyishtalik barqaror topgan. SM. 1858 y. Xivaga kelgan N.P. Ignatyev missiyasini qabul qilgan. Shu yili 28 avg .da Xivada rus elchixonasi ochilgan. 1863 y. venger sayyoxi G. Vamberi ham SM. qabulida boʻlgan. SM. davrida Xivadagi Qoʻhna ark saroyidagi koʻrinishxona qayta tiklangan va uning shipi, ayvon ustuni xorazmcha naqshlar bilan bezatilgan. 1859 yilda Xivaning Dishan qalʼa qismida, Nurullaboy bogʻida yangi koʻrinishxona qurib bitkazilgan. Ogahiy "Gulshani davlat" tarixiy asarida S. M.ning xonlik davrini taʼriflagan. S. M. xonlikni boshqarishda boshqa davlatlar, ayniqsa, Rossiya bilan munosabatlarida oʻzini mustaqil va teng huquqli davlat hukmdori sifatida tutgan. S.M.ning jasadi Xivadagi Sayd Mohi roʻyi jahon (Sayd Mahroʻyjon) maqbarasiga qoʻyilgan.

Adabiyot[tahrir]

  • Bobojonov P., Atayev A., Xiva tarixiga bir nazar, Urganch, 1977; Abdurasulov A., Xiva, T., 1997; Xudoyberganov K., Xiva xonlari shajarasi, Xiva, 1996.[1]

Manbalar[tahrir]

  1. OʻzME. Birinchi jild. Toshkent, 2000-yil