Saudiya Arabistoni bayrogʻi

Saudiya Arabistoni bayrogʻi
Mamlakat	Saudiya Arabistoni
Mutanosibligi	2:3
Qabul qilindi	15-mart, 1973-yil (1973-03-15)

Saudiya Arabistoni bayrogʻi (arabcha: علم المملكة العربية السعودية - gerbi va madhiyasi bilan birga — Saudiya Arabistoni davlatining rasmiy ramzi. Saudiya Arabistoni hukumati tomonidan 1973-yil 15-martdan beri foydalaniladi.

Tasviri

Saudiya Arabistoni bayrogʻi ostida kumush qilich joylashgan nds لاَ إِلَهَ إِلاَّ اللَّهُ مُحَمَّدًا رَسُولُ اللَّهِ ạ̉ La ilaha illalahu Mahammadan Rasul-Illah -Allohdan boshqa iloh yoʻq va Muhammad uning Rasulidir shahodat kalimasi kumush iplar bilan yozilgan toʻgʻri toʻrtburchakli yashil matodan iboratdir.

Yozuv ikki tomondan oʻqilishi uchun bayroq ikkita bir xil matoni birlashtirib tikiladi.

Qilich mamlakat asoschisi — Abdulaziz Ibn Saudning gʻalabalarini anglatadi.

Tarixi

Shahodat kalimali yashil bayroq 18-asrda Arabistonda paydo boʻlgan vahhobiy mafkurasiga borib taqaladi. Bu harakat Saudiylar bilan bogʻliq edi va Abdulaziz ibn Saud 1902-yilda Najd qiroli boʻlgach, bu bayroqqa qilichni qoʻshdi. Bayroqning dizayni 1973 — yil 15-martgacha standartlashtirilmagan va bungacha koʻpincha ikki qilichli va/yoki koʻtargichning chap tomonida oq vertikal chiziqli variantlari ishlatilgan. 1938-yilda bayroq, umuman olganda, oʻzining hozirgi shakliga keldi.

Tarixiy bayroqlar galereyasi

• 
  1932-yildan 1934-yilgacha qo'llanilgan bayroqning oq chiziqli varianti.
• 
  1934-yildan 1938-yilgacha qo'llanilgan bayroqning ingichkaroq oq chiziqli varianti.
• 
  1938-yildan 1973-yilgacha qo'llanilgan bayroqning oq chiziqsiz varianti.

Arabiston davlatlarining bayroqlari

Saudiya Arabistoni davlatidan oldin Nejd va Hijoz davlatlari mavjud edi. 1744-yildan beri bayroqda yarim oy mavjud boʻlgan. 1902—1921-yillarda arab tilida turli yozuvlar ishlatilgan.

• 
  1744-yildan 1891-yilgacha Najd bayrog'i.
• 
  1902-yildan 1921-yilgacha Najd bayrog'i.
• 
  1921-yildan 1926-yilgacha bo'lgan Najd bayrog'i zamonaviy Saudiya Arabistoni bayrog'ini eslatadi.
• 
  1926-yildan 1932-yilgacha Najd bayrog'i oq rang bilan chegaralangan.
• 
  Al Rashidlar sulolasining bayrog'i, 1835-yildan 1920-yilgacha.
• 
  Hijoz bayrog'i, 1916-yildan 1917-yilgacha
• 
  1917-yildan 1920-yilgacha Hijoz bayrog'i Pan-arab ranglariga asoslangan.
• 
  1920-yildan 1926-yilgacha Hijoz bayrog'i
• 
  1926-yildan 1932-yilgacha Hijoz bayrog'i

Boshqa bayroqlar

Fuqarolik bayrogʻi oq hoshiyali kantonda davlat bayrogʻi bor yashil bayroqdir. U asosan dengizda savdo kemalari tomonidan qoʻllaniladi.

• 
  Fuqarolik bayrog'i (old tomoni). Nisbat 2:3
• 
  Dengiz floti bayrog'i. (Nisbat 12:25)
• 
  Dengiz kuchlari. Nisbat: 2:3
• 
  Qirollik bayrogʻi (nisbat 2:3)

Qoʻllanilishi

Saudiya Arabistoni bayrogʻi hech qachon yarim tushirilmaydi.

Shahodat kalimasi musulmonlar uchun muqaddas ramz hisoblanganligi sababli, bayroq odatda futbolkalarda yoki boshqa buyumlarda ishlatilmaydi. Saudiya Arabistoni FIFA tomonidan chiqarilgan va 2002-yilgi jahon chempionati ishtirokchilarining barcha bayroqlari tasvirlangan futbol toʻpidagi oʻz bayrogʻi tasviriga qarshi norozilik bildirdi. Saudiya Arabistoni rasmiylari shahodatni tepish mutlaqo qabul qilinishi mumkin emasligini aytdi. Bundan tashqari, 2007-yilda AQSh harbiylarining Afgʻoniston bolalariga vertolyotlardan tushirilgan, bayroqlar, jumladan Saudiya Arabistoni bayrogʻi bilan bezatilgan futbol toʻplari koʻrinishida gumanitar yordam koʻrsatishga urinishi norozilik namoyishlari bilan yakunlandi.

Motam kunlarida bayroq hech qachon yarmiga tushirilmaydi.