Sarapayon
Sarapayon | |
|---|---|
| qishloq | |
| Mamlakat | Oʻzbekiston |
| Viloyat | Xorazm viloyati |
| Tuman | Xonqa tumani |
| Iqlim turi | keskin kontinental |
| Rasmiy til(lar)i | oʻzbek tili |
| Konfessiyaviy tarkib | musulmonlar |
| Vaqt mintaqasi | UTC+5 |
| Pochta indeks(lar)i | 220803[1] |
| Avtomobil kodi | 90 |
Sarapayon – Oʻzbekistonning Xorazm viloyati Xonqa tumanida joylashgan qishloq. Maydoni 4,2 kavadrat kilometr. Aholisi 21 070 kishi (2012). Qishoqdan Urganch-Buxoro-Toshkent avtomagistrali oʻtgan.
Etimologiyasi[tahrir | manbasini tahrirlash]
Sarapayon soʻzi ikki til yaʼni forsiy va turkiy atamalarning qoʻshilishidan hosil boʻlgan. Bir qator olimlar bu soʻzni „sar“, „ob“ va „yon“ soz’laridan yaʼni sar – bosh, ob – suv va yon – makon kelib chiqqan deb hisoblaydilar. Yana bir qator olimlar esa soʻzning oʻzagida ikkita soʻz mavjud yaʼni „sara“ va „poyon“ degan qarashga ega. Bunda sara – yaxshi va poyon – chegara maʼnosini anglatadi. Ushbu soʻzlarning tub maʼnosida qishloq hududi yerlari unumdorligi nazarda tutilgan. Chunki qishloqqa yaqin va tutash hududlrdan Shovot, Qulobod, Xonqaarna kabi yirik kanallar oqib oʻtgan[2].
Aholisi[tahrir | manbasini tahrirlash]
2012-yil maʼlumotlariga koʻra qishloqda 21 070 kishi istiqomat qilgan. Shundan 21 018 kishi oʻzbek, 13 kishi qoraqalpoqlar boʻlib, yana tatar, ukrain va belarus millatiga mansub aholi ham yashab kelmoqda[2].
Maʼmuriy tuzilishi[tahrir | manbasini tahrirlash]
Sarapayon 4 ta mahalladan tashkil topgan. Ular Istiqlol, Paxtagul, Qoramozi va Guliston mahallari. Oʻz navbatida ushbu mahallalar ham bir qator elatlarga boʻlingan[3].
Xoʻjaligi[tahrir | manbasini tahrirlash]
Qishloq hududi yerlarining katta qismi sugʻoriladigan yerlarda iborat. Bu yerda bogʻdorchilik, dehqonchilik, poliz ekinlari yetishtirish asosiy sohalardir[4]. Sarapayondan yirik avtomagistral oʻtganligi sababli savdo sohasi ham yaxshi rivojlangan.
Injtimoi soha obyektlari[tahrir | manbasini tahrirlash]
Qishloqda 2 ta kollej, 5 umumiy oʻrta taʼlim maktabi, 7 ta maktabgacha taʼlim muassasasi, 3 ta qishloq vrachlik punkti va koʻplab savdo va xizmat koʻrsatish obyektlari mavjud.
Manbalar[tahrir | manbasini tahrirlash]
- ↑ „Xorazm viloyati aholi punktlari pochta indekslari“. goldenpages.uz. Qaraldi: 9-oktyabr 2023-yil.
- ↑ 2,0 2,1 Хонқа тарихи, s. 20.
- ↑ Хонқа тарихи, ss. 20–21.
- ↑ Хонқа тарихи, s. 21.
Adabiyotlar[tahrir | manbasini tahrirlash]
- Нуржонов; Жуманиёзова, Мамлакат. Хонқа тарихи. “Хоразм” нашриёти. ISBN 978-9943-4488-1-0.