Kollej

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish

Kollej (ing. college) — 1) Buyuk Britaniya, AQSH va ayrim boshqa mamlakatlarda oliy, oʻrta, yuqori oʻrta oʻquv yurti (ayrim hollarda universitet tarkibida). Dastlab 13-asr boshlarida Buyuk Britaniyada vujudga kelgan;

2) Oʻzbekiston Respublikasi Prezidentining “Professional ta’lim tizimini yanada takomillashtirishga doir qoʻshimcha chora-tadbirlar toʻgʻrisida” 2019-yil 6-sentabrdagi PF-5812-son farmoni bilan ta’limning Xalqaro standart tasniflagichi (keyingi oʻrinlarda — Xalqaro tasniflagich) darajalari bilan uygʻunlashgan yangi boshlangʻich, oʻrta va oʻrta maxsus professional ta’lim tizimi hamda tabaqalashtirilgan ta’lim dasturlari joriy etiladigan ta’lim muassasalari tarmogʻi tashkil etildi. Bu ta’lim muassasalar:

Boshlangʻich professional ta’lim darajasida kadrlar tayyorlaydigan kasb-hunar maktablarida:

- kadrlar tayyorlash umumta’lim muassasalarining 9-sinf bitiruvchilari hisobidan shakllantirilgan guruhlarda 2 yillik umumta’lim va mutaxassislik fanlarining integratsiyalashgan dasturlari asosida kunduzgi ta’lim shaklida amalga oshiriladi;

- ta’lim olayotgan oʻquvchilar Oʻzbekiston Respublikasi Davlat budjeti hisobidan bazaviy hisoblash miqdorining bir baravari miqdorida oylik stipendiya hamda uch mahal ovqat bilan ta’minlanadi. Bunda, kasb-hunar maktablari oʻquvchilarini uch mahal ovqat bilan ta’minlash yoki mazkur ovqat pullarini ularga toʻlab berish huquqiga ega;

- joriy saqlash, faoliyatni yuritish, moddiy-texnik bazani mustahkamlash va kadrlar tayyorlash xarajatlari Oʻzbekiston Respublikasi Davlat budjeti mablagʻlari hisobidan amalga oshiriladi;

Oʻrta professional ta’lim darajasida kadrlar tayyorlaydigan kollejlarda:

- kadrlar tayyorlash Xalqaro tasniflagichning kamida 3-darajasiga mos ta’lim dasturlarini tamomlagan, «Hayot davomida ta’lim olish» prinsipi asosida kamida umumiy oʻrta ma’lumotga ega boʻlgan shaxslar hisobidan kasblar va mutaxassisliklarning murakkabligidan kelib chiqqan holda 2 yilgacha muddatda kunduzgi, kechki va sirtqi ta’lim shakllarida davlat granti hamda toʻlov-kontrakt asosida amalga oshiriladi;

- joriy saqlash, faoliyatni yuritish, moddiy-texnik bazani mustahkamlash va kadrlar tayyorlash xarajatlari tegishli vazirlik, idoralarning budjetdan tashqari mablagʻlari, oʻquvchilarni davlat granti va toʻlov-kontrakt asosida oʻqitishdan tushadigan mablagʻlar hamda qonunchilikda taqiqlanmagan boshqa manbalar hisobidan amalga oshiriladi;

Oʻrta maxsus professional ta’lim darajasida kadrlar tayyorlaydigan texnikumlarda:

- kadrlar tayyorlash Xalqaro tasniflagichning kamida 3 yoki 4-darajasiga mos ta’lim dasturlarini tamomlagan, «Hayot davomida ta’lim olish» prinsipi asosida kamida umumiy oʻrta ma’lumotga ega boʻlgan shaxslar hisobidan shakllantirilgan guruhlarda kasblar va mutaxassisliklarning murakkabligidan kelib chiqqan holda 2 yildan kam boʻlmagan muddatda kunduzgi, kechki va sirtqi ta’lim shakllarida davlat granti hamda toʻlov-kontrakt asosida amalga oshiriladi;

- oʻrta maxsus ta’lim dasturlarini muvaffaqiyatli tamomlagan bitiruvchilar oʻz sohasiga mos bakalavriat ta’lim yoʻnalishlari boʻyicha kirish imtihonlarisiz yakka tartibdagi suhbat orqali oliy ta’lim muassasalarida ikkinchi kursdan oʻqishini davom ettirish huquqiga ega boʻladi. Farmonga koʻra, boshlangʻich professional ta’lim bosqichida kadrlar tayyorlaydigan 339 ta kasb-hunar maktablari, vazirlik va idoralar tizimida 187 ta kollej va oliy ta’lim muassasalari tizimida 199 ta texnikumlardan iborat professional ta’lim muassasalari tarmogʻi tashkil etildi.


Manbalar[tahrir | manbasini tahrirlash]