Samarqand davlat chet tillar instituti

Samarqan davlat chet tillar instituti
(SamDCHTI)
Samarqan davlat chet tillar instituti ; (SamDCHTI)
Xalqaro nomi	Samarkand State Institute of Foreign Languages
Asos solingan	1994-yil
Rektori	v.v.b. Ruzikulov Fazliddin Shukurovich
Talabalari	13 mingdan ortiq
Fakultetlar	9 ta
Bakalavriat	4 yil
Magistratura	2 yil
Manzili	Oʻzbekiston, Samarqand, Boʻstonsaroy k, 93 Samarqand, O'zbekiston
Vebsayti	samdchti.uz

Koordinatalari: 39°39′7.2000000000037″N 66°57′47.520000000002″E / 39.652000000000001023°N 66.96320000000000050°E^G O

Samarqand davlat chet tillar instituti haqida[tahrir | manbasini tahrirlash]

Samarqand davlat chet tillar instituti (SamDCHTI) – roman-german va koreys filologiyasi boʻyicha pedagog-mutaxassislar tayyorlashga ixtisoslashgan oliy oʻquv yurti. Samarqand shahri Boʻstonsaroy koʻchasida joylashgan. Bu Oʻzbekiston va Markaziy Osiyodagi xorijiy tillarni oʻrganish boʻyicha eng yirik oliy taʼlim muassasalaridan biridir. Samarqand davlat chet tillar instituti Oʻzbekiston Respublikasi Prezidenti Islom Karimovning 1994-yil 8-noyabrdagi farmoni bilan tashkil etilgan. Hozirgi kunda institutda yuqori malakali xorijiy filologlar, mutaxassislar, jumladan, oliy va oʻrta maxsus taʼlim, shuningdek, turizm infratuzilmasi uchun gid-tarjimonlar tayyorlanmoqda.

Institut faoliyati[tahrir | manbasini tahrirlash]

Samarqand davlat universitetida faoliyat koʻrsatgan kafedralar (ingliz, fransuz, nemis tillari) birlashtirilib, avval oʻzbek filologiyasi fakulteti qoshida boʻlim, 1962-yildan esa romangerman filologiyasi fakulteti tashkil etildi. 1962—1994-yillar mobaynida ushbu fakultet yirik oʻquv, ilmiy uslubiy markazga aylandi. SamDCHTI da kichik, katta kurslar ingliz filologiyasi, fransuz, nemis va koreys filologiyasi fakultettlarida 2003—2004-oʻquv yilida 240 oʻqituvchi (jumladan, 10 fan doktori, 5 professor va 40 fan nomzodi va dotsentlar) 1800 talabaga dars bergan. Institutda, shuningdek, italyan, yapon, turk, arab tillari ham oʻqitiladi.

Institutda 8 ta fakultet va 23 ta kafedra mavjud (2023-yil maʼlumoti). Ular: 16 ta til va madaniyat markazlari, hududiy (zonal) tillarni oʻqitish markazi, taʼlim sifatini taʼminlash va innovatsiyalar markazi, shuningdek, oʻquv va multimedia uskunalari bilan jihozlangan axborot-resurs markazi. Institut bakalavriat (14 ta yoʻnalish boʻyicha), magistratura (9 ta mutaxassislik boʻyicha), doktorantura (4 ta profil) yoʻnalishlariga ega^[1]. 350 oʻquvchiga moʻljallangan yotoqxona, shuningdek, 250 oʻrinli oshxona mavjud.

Hozirda quyidagi til mutaxassisliklari boʻyicha kadrlar tayyorlanmoqda: ingliz, nemis, fransuz, italyan, ispan, arab, fors, yapon, koreys va xitoy tillari. Soʻnggi yillarda institutdan 4 nafar Oʻzbekiston Respublikasi Prezidenti, 15 nafar Alisher Navoiy nomidagi, 3 nafar Islom Karimov nomidagi olimlar hamda yuzdan ortiq turli dastur va olimpiadalar gʻoliblari yetishib chiqqan. Hozirgi kunda taʼlim muassasasida 610 nafar professor-oʻqituvchilar, jumladan, 12 nafar fan doktori, professor, 54 nafar fan nomzodi, dotsent va 54 nafar oʻqituvchi, jumladan, 20 nafar xorijiy mutaxassislar faoliyat yuritmoqda^[2].

SamDCHTI dunyoning 45 dan ortiq davlati, jumladan, Rossiya, Ukraina, Germaniya, Buyuk Britaniya, Fransiya, Italiya, AQSh, Xitoy, Malayziya, Janubiy Koreya, Yaponiya kabi davlatlarning universitet va institutlari, xorijiy oliy taʼlim muassasalari bilan hamkorlik qilish toʻgʻrisida shartnomalar imzolagan^[3].

Institutda frazeologiya, leksikografiya, qiyosiy tipologiya, lingvodidaktika kabi filologiya tarmoqlari rivojlangan. Institutda koʻplab ilmiy asarlar yaratilgan. Shular qatorida „Til va jamiyat“, „Xorijiy tillar hozirgi dunyoda: Taʼlim metodikasining tadrijiy taraqqiyoti“, „Kontrastiv leksikografiya nazariyasi asoslari“ va boshqa Shuningdek, Institutda „Xorijiy filologiya“ (til, adabiyot, taʼlim) jurnal nashr etiladi^[4].

Fakultetlar[tahrir | manbasini tahrirlash]

Ingliz tili fakulteti – I[tahrir | manbasini tahrirlash]

Samarqand davlat chet tillar instituti rektorining 1995-yil 17-yanvarda 1-sonli buyrug‘iga asosan Ingliz filologiyasi fakulteti tashkil etildi. 2014-yil Xorijiy til (ingliz tili) va adabiyoti yo‘nalishi ochildi. Shu yildan boshlab “Ingliz tili fakulteti” deb nomlandi. Samarqand davlat chet tillar instituti Kengashining 2018-yil 25-oktyabrdagi 3-son bayoni bilan tasdiqlangan va Oliy va o‘rta maxsus ta’lim vazirligi bilan 2018-yil 2- noyabrda kelishilgan “Samarqand davlat chet tillar instituti tashkiliy tuzilmasi”ga asosan Ingliz tili fakulteti negizida “Ingliz tili I fakulteti” tashkil etildi.

O‘zbekiston Respublikasi Prezidentining «O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida» 2017-yil 7-fevraldagi PF-4947-son Farmoni va «Oliy ta’lim tizimini yanada rivojlantirish chora-tadbirlari to‘g‘risida» 2017-yil 20-apreldagi PQ-2909-son qarorida belgilangan vazifalar ijrosini ta’minlash hamda talaba va o‘quvchilarning ma’naviy-ma’rifiy, madaniy saviyasini muntazam oshirib borish, ularning o‘qishdan bo‘sh vaqtini mazmunli o‘tkazishini ta’minlash maqsadida Ingliz tili I fakultetida qator ma’naviy va ma’rifiy ishlar amalga oshirilib kelinmoqda.

Batafsil

Kafedralari[tahrir | manbasini tahrirlash]

Ingliz tili – II fakulteti[tahrir | manbasini tahrirlash]

Fakultetda 60111800 (5111400) - Xorijiy til va adabiyoti (ingliz tili) va 60112600 (5112200) -Maktabgacha va boshlang’ich ta’limda xorijiy tili (ingliz tili) hamda – 70111801 Xorijiy til va adabiyoti (ingliz tili) magistratura yo’nalishlari bo’yicha jami 1410 nafar talabalar tahsil olib kelmoqda. Shundan 1264 nafari o’zbek guruhlarida, 146 nafari rus guruhlarida ta’lim olmoqda.

Batafsil

Kafedralari[tahrir | manbasini tahrirlash]

Roman-german tillari fakulteti[tahrir | manbasini tahrirlash]

1994-yil 8-noyabrda Samarqand davlat chet tillar instituti bilan bir vaqtda nemis tili va fransuz tili fakultetlari ham tashkil etilgan. 2005-yilda bu ikki fakultet negizida roman-german filologiyasi fakulteti tashkil etilgan. 2017-yildan boshlab roman-german filologiyasi fakulteti romon-german tillari fakulteti deb nomlana boshlagan. Hozirgi kunda fakultetda 1670 ta talaba tahsil olmoqda, ulardan 1100 nafari qizlar 570 nafari oʻgil bollar. Shuningdek, fakultetda 8 nafar professor, 21 nafar dotsent 4 nafar xorijlik mutaxassis va 117 nafar oʻqituvchilar saboq berishmoqda. Fakultet Fransiya, Germaniya, Italiya, Ispaniya va Rossiya elchixonalari, xalqaro Erasmus+ va DAAD fondlari bilan yaqindan hamkorlik qiladi.

Batafsil

Kafedralari[tahrir | manbasini tahrirlash]

Sharq tillari fakulteti[tahrir | manbasini tahrirlash]

Fakultetga 1995-yilning 12-avgustida asos solingan. Fakultet 2001-yil sentabridan koreys filologiyasi fakulteti deb nomlangan. 2005-yil sentabrida fakultet negizida tarjima nazariyasi va amaliyoti bo‘limi tashkil etildi. 2007-2008 o‘quv yili mobaynida Sharq filologiyasi va tarjimashunoslik fakulteti nomiga o‘zgartirildi. Fakultet 2012-yil fevral oyidan boshlab Tarjimonlik fakulteti, 2014-yildan 2021-yil sentabrga qadar Tarjima nazariyasi va amaliyoti fakulteti deb nomlangan. 2021-yil sentabr oyidan boshlab, Sharq tillari fakulteti deb yuritilib kelinmoqda.

Bugungi kunda fakultet qoshida 4 ta kafedra va quyidagi yo’nalishlar mavjud. Yaniy filologiya va tillarni o’qitish: koreys tili, filologiya va tillarni o’qitish: xitoy tili, filologiya va tillarni o’qitish: yapon tili, filologiya va tillarni o’qitish: arab tili va xalqaro jurnalistika ta’lim yo’nalishi talabalari “Sharq tillari” fakultetida tahsil olishadi.

Batafsil

Kafedralari[tahrir | manbasini tahrirlash]

Qo’shma ta’lim dasturlari fakulteti[tahrir | manbasini tahrirlash]

Xalqaro qo'shma dasturlar ko'p madaniyatli muhitda bo'lgan holda yosh mutaxassislarni ikki yil ichida yuqori darajada tayyorlashga, ularga xalqaro muhitda, xususiy sektorda, milliy va xalqaro jamoat institutlari va NNTlarda rivojlanish uchun bilim va zarur ko'nikmalar berishga qaratilgan. Ushbu ko'p tarmoqli va saylov dasturi chet tillarini o'rganish va ijtimoiy fanlarni, shuningdek, amaliy va professional darajada tahsil olishni o'zida mujassamlashtirgan.

2+2 qo’shma ta’lim dasturlari asosida talabalar ikki yil chet tillari institutida va ikki yilni nufuzli xalqaro hamkor universitetlarimizning birida to’liq integrallashgan o’quv dasturlari hamda ikki hamkor o’rtasida kelishilgan kredit asosida tahsil oladi. Chet elda o’qish jarayonida talabadlarga chet tilni va chet el madaniyati va urf-odatlarini chuqurroq tadqiq qilish imkoniyati tug’iladi.

Batafsil

Kafedralari[tahrir | manbasini tahrirlash]

Qo’shma ta’lim dasturlari kafedrasi

Ingliz filologiyasi va tarjimashunoslik fakulteti[tahrir | manbasini tahrirlash]

Samarqand davlat chet tillar instituti Kengashining 2021-yil 1-iyuldagi 11-son bayoni bilan tasdiqlangan “Samarqand davlat chet tillar instituti tashkiliy tuzilmasi”ga asosan “Ingliz filologiyasi va tarjimashunoslik fakulteti” tashkil etildi.

O‘zbekiston Respublikasi Prezidentining «O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida» 2017-yil 7-fevraldagi PF-4947-son Farmoni va «Oliy ta’lim tizimini yanada rivojlantirish chora-tadbirlari to‘g‘risida» 2017-yil 20-apreldagi PQ-2909-son qarorida belgilangan vazifalar ijrosini ta’minlash hamda talaba va o‘quvchilarning ma’naviy-ma’rifiy, madaniy saviyasini muntazam oshirib borish, ularning o‘qishdan bo‘sh vaqtini mazmunli o‘tkazishini ta’minlash maqsadida Ingliz filologiyasi va tarjimashunoslik fakultetida qator ma’naviy va ma’rifiy ishlar amalga oshirilib kelinmoqda.

Batafsil

Kafedralari[tahrir | manbasini tahrirlash]

Narpay xorijiy tillar fakulteti[tahrir | manbasini tahrirlash]

O’zbekiston Respublikasi Prezidenti Sh.M.Mirziyoyevning 2021-yil 15-16-aprel kunlari Samarqand viloyatiga tashrifi davomida viloyat faollari ishtirokida o’tkazilgan yig’ilishda bergan topshiriqlari bo’yicha 20-sonli Bayonining 120-bandida 2021-2022 o’quv yilidan boshlab instituti huzuridagi Narpay xizmat ko’rsatish texnikumi binosida “Xorijiy til va adabiyoti: ingliz tili” hamda “Maktabgacha va boshlang’ich ta’limda xorijiy til: ingliz tili” ta’lim yo’nalishlari bo’yicha kadrlar tayyorlashga ixtisoslashgan Xorijiy tillar fakulteti faoliyatini yo’lga qo’yish belgilangan.

Fakultetda 60111800 - Xorijiy til va adabiyoti (ingliz tili) va 60112600 -Maktabgacha va boshlang’ich ta’limda xorijiy tili (ingliz tili) bo’yicha jami 210 nafar talabalar tahsil olib kelmoqda

Batafsil

Kafedralari[tahrir | manbasini tahrirlash]

Umumiy fanlar kafedrasi (Narpay)

Payariq xorijiy tillar fakulteti[tahrir | manbasini tahrirlash]

Fakultetda 60111800 - Xorijiy til va adabiyoti (ingliz tili) va 60112600 -Maktabgacha va boshlang’ich ta’limda xorijiy tili (ingliz tili) ta’lim yo’nalishlari kunduzgi ta’lim shakllari bo’yicha jami 231 nafar talabalar tahsil olib kelmoqda, shundan kunduzgi ta’lim shakli bo’yicha 231 nafari o’zbek guruhlarida, 231 nafar talaba ta’lim olmoqda.

Hozirgi kunda fakultetda 1 ta Umumiy fanlar kafedrasi va mavjud bo‘lib, unda 2 nafar dotsent, 4 nafar katta o'qituvchi, 3 nafar assistent-o`qituvchi va 9 nafar stajyor-o'qituvchilar faoliyat ko'rsatmoqda.

Batafsil

Kafedralari[tahrir | manbasini tahrirlash]

Umumiy fanlar kafedrasi (Payariq)

Kechki fakulteti[tahrir | manbasini tahrirlash]

Kechki fakultet Samarqand davlat chet tillari institut Kuzatuv kengashining qaroriga asosan 2023-yil 1-yanvarda tashkil etilgan. Hozirda fakultetda 12 ta yoʻnalish boʻyicha 3382 nafar talabalar tahsil olib kelmoqda. Bular: xorijiy til va adabiyoti: ingliz tili, maktabgacha va boshlangʻich ta`limda xorijiy til:ingliz tili, filologiya va tillarni oʻqitish:ingliz tili, tarjima nazariyasi va amaliyoti:ingliz tili, filologiya va tillarni oʻqitish:koreys tili, filologiya va tillarni oʻqitish:xitoy tili, filologiya va tillarni oʻqitish:yapon tili, filologiya va tillarni oʻqitish:nemis tili, filologiya va tillarni oʻqitish:fransuz tili, filologiya va tillarni oʻqitish:ispan tili, filologiya va tillarni oʻqitish:rus tili va oʻzga tilli guruhlarda rus tili.

Kechki fakultetda 12 ta ta’lim yo‘nalishlari mavjud.

Batafsil