SCAT Airlines

Vikipediya, ochiq ensiklopediya
SCAT Airlines
IATA ICAO Identifikatori
DV VSV VLASTA[1]
Tashkil topgan 1997
Boshlangan amaliyotlari 1997
Havo tuguni Chimkent xalqaro aeroporti
Fokus shaharlari
  • Olmaota
  • Aqtau aeroporti
  • Nursulton Nazarbayev xalqaro aeroporti
Shoʻba korxonalari Sunday Airlines
Park hududi 32
Parvoz yoʻnalishlari 60
Bosh qarorgohi Chimkent, Qozogʻiston
Muhim shaxslar Vladimir Denisov (Prezident)
Sayti scat.kz

SCAT Airlines, rasmiy „SCAT Aviakompaniyasi“ AJ, Qozogʻiston aviakompaniyasi boʻlib, bosh ofisi Qozogʻistonning Chimkent shahridagi Chimkent xalqaro aeroporti hududida joylashgan. U Qozogʻistonning barcha yirik shaharlari va qoʻshni davlatlarga xizmat koʻrsatadi. Uning asosiy bazasi Chimkent aeroporti boʻlib, ikkilamchi havo tuguni Aqtau xalqaro aeroporti, Nursulton Nazarboyev xalqaro aeroporti va Olmaota xalqaro aeroportida joylashgan[2].

Tarixi[tahrir | manbasini tahrirlash]

Aviakompaniya 1997-yilda tashkil etilgan va faoliyatini boshlagan[2]. Uning nomi Maxsus yuk havo transporti (inglizcha: Special Cargo Air Transport) jumlasining qisqartmasi hisoblanadi[3].

SCAT Airlines Boeing 737-8 MAX samolyoti

SCAT Sunday Airlines kompaniyasiga yangi charter korxonasi va shoʻba korxonasi sifatida asos soldi, buning uchun SCAT toʻrtta Boeing 757-200 va bitta Boeing 767-300ER samolyotlaridan foydalanadi[4].

2017-yil noyabr oyida aviakompaniya Amerikaning Boeing korporatsiyasi bilan oxirgi avlod Boeing 737 MAX 8 rusumli oltita samolyotini sotib olish boʻyicha qatʼiy shartnoma imzoladi. 2018-yil 29-martda kompaniya parki postsovet mamlakatlarida birinchi Boeing 737 MAX 8 (CFM International LEAP-1B dvigatellari bilan) bilan toʻldirildi. Bu xarid qilingan oltita Boeing 737 MAX 8 samolyotlaridan birinchisi sanlanadi[5].

2018-yilda SCAT Airlines uchun Yevropa havo hududi cheklovlari olib tashlandi[manba kerak] va 2018-yil may oyida Vilnyus Yevropa Ittifoqidagi birinchi muntazam manzilga aylandi[6][7]. 2018-yil mart oyida SCAT aviakompaniyasi Xalqaro havo transporti assotsiatsiyasining (IATA) toʻliq aʼzoligiga qabul qilindi. SCAT Airlines IATA reestriga kiritilgan Qozogʻistonning ikkinchi aviakompaniyasi boʻldi[8].

2019-yilning 13-mart kuni Qozogʻistonda Boeing 737 MAX samolyotlari foydalanilishi toʻxtatildi.

2021-yil 18-fevralda Qozogʻistonda Boeing 737 MAX samolyotlaridan foydalanishga qoʻyilgan ikki yillik taqiqdan keyin SCAT Airlines Amerika qitʼasidan tashqarida ushbu samolyotlarda muntazam tijorat reyslarini tiklagan birinchi aviakompaniyaga aylandi[9][10][11].

Parvoz manzillari[tahrir | manbasini tahrirlash]

Kod-shering shartnomalari[tahrir | manbasini tahrirlash]

SCAT Airlines Ozabayjon havo yoʻllari bilan kod-shering shartnomasiga ega[12].

Aviaparki[tahrir | manbasini tahrirlash]

2022-yil oktabr holatiga koʻra, SCAT Airlines aviaparki quyidagi havo kemalaridan iborat[13][14]:

SCAT Airlines aviaparki[15]
Samolyot Xizmatda Buyurtmalar Yoʻlovchilar Eslatmalar
C Y Jami
Boeing 737-300 5 — — 144 144
Boeing 737-500 3 — — 118 118
Boeing 737-700 1 — — 149 149
Boeing 737-800 7 — — 189 189
Boeing 737 MAX 8 2 1 — 186 186 MDH mijozi ishga tushirildi[16]
Boeing 737 MAX 9 3 2 — 213 213 MDH mijozi ishga tushirldi
Boeing 757-200 4 — 12 188 200
Boeing 767-300ER 1 — 32 268 300
Bombardier CRJ200ER 4 — — 50 50
Bombardier CRJ200LR 3 — — 50 50
Jami: 33 3

Baxtsiz hodisalar va falokatlar[tahrir | manbasini tahrirlash]

  • 2013-yilning 29-yanvarida SCAT Airlines aviakompaniyasining 760-reysi Almati xalqaro aeroportiga past koʻrinishda yaqinlashish vaqtida Qiziltu qishlogʻi yaqinida halokatga uchradi. Barcha 16 yoʻlovchi va 5 ekipaj aʼzosi halok boʻldi[17][18].
  • 2018-yilning 26-iyul kuni SCAT Airlinesga tegishli UP-B5705 roʻyxatidan oʻtgan DV-5038 reysini amalga oshirayotgan Boeing 757-200 samolyoti Olmaota xalqaro aeroportida aylanib oʻtayotganda 236 yoʻlovchi va 9 ekipaj aʼzosi bilan uchish-qoʻnish yoʻlagi yuzasiga dumini urib oldi. Yoʻlovchilar va ekipaj aʼzolari jabrlanmadi. Biroq, samolyot jiddiy zarar koʻrdi[19].

Manbalar[tahrir | manbasini tahrirlash]

  1. ↑ Airline Codes November 2006
  2. ↑ 2,0 2,1 Flight International 12-18 April 2005
  3. ↑ „Aviation Safety: Commission removes all Kazakh airlines from EU Air Safety List - Mobility and Transport - European Commission“ (de). Mobility and Transport (2016-yil 8-dekabr). Qaraldi: 2018-yil 9-sentyabr.
  4. ↑ ch-aviation.com — SCAT retrieved 17 June 2015
  5. ↑ „Aircraft Fleet - SCAT Airlines“. Qaraldi: 2018-yil 3-iyun.
  6. ↑ „SCAT Airlines - Company News“. Qaraldi: 2018-yil 9-iyun.
  7. ↑ Liu, Jim. „SCAT adds Vilnius service from May 2018“. Routesonline (2017-yil 12-dekabr). Qaraldi: 2018-yil 9-iyun.
  8. ↑ „IATA: Current Airline Members“. Qaraldi: 2018-yil 3-iyun.
  9. ↑ „Boeing 737 MAX вернулся в казахстанское небо. И уже возит пассажиров“ (2021-yil 19-fevral).
  10. ↑ „Boeing 737 MAX 8 авиакомпании SCAT выполнил первые коммерческие рейсы“ (2021-yil 19-fevral).
  11. ↑ „Boeing 737 MAX возвращается в Казахстан“ (2021-yil 12-fevral).
  12. ↑ Liu, Jim. „SCAT / Azerbaijan Airlines plans codeshare service from late-Oct 2019“. Routseonline (2019-yil 16-sentyabr). Qaraldi: 2019-yil 17-sentyabr.
  13. ↑ „Global Airline Guide 2019 (Part One)“. Airliner World. October 2019-jild. 18-bet.
  14. ↑ „Aircraft Fleet“. scat.kz (2018-yil 25-oktyabr).
  15. ↑ SCAT Airlines Fleet Details and History planespotters.net, accessdate 18 September 2020
  16. ↑ „ФОТО: На заводе в США собрали Boeing 737MAX для казахстанской SCAT“ (2018-yil 17-mart).
  17. ↑ „Passenger plane crashes near Kazakh city of Almaty“. BBC News (2013-yil 29-yanvar). 2013-yil 30-yanvarda asl nusxadan arxivlangan.
  18. ↑ Gordeyeva, Maria. „UPDATE 4-Passenger plane crash kills 21 in Kazakhstan“. Reuters (2013-yil 29-yanvar). 2013-yil 29-yanvarda asl nusxadan arxivlangan.
  19. ↑ Hradecky, Simon. „Accident: SCAT B752 at Almaty on Jul 26th 2018, tail strike on go-around“. Aviation Herald (2018-yil 27-iyul).


Havolalar[tahrir | manbasini tahrirlash]

"https://uz.wikipedia.org/w/index.php?title=SCAT_Airlines&oldid=4212770" dan olindi