Qozogʻiston Olimpiada oʻyinlarida
Qozogʻiston Olimpiada oʻyinlarida (qozoqcha: Олимпиада ойындарындағы Қазақстан) – Qozogʻiston mustaqil jamoa sifatida birinchi marta 1994-yilda Olimpiada oʻyinlarida ishtirok etgan. 1988-yilgacha qozogʻistonlik sportchilar Sovet Ittifoqi jamoasida qatnashgan. Sovet Ittifoqi parchalanib 1992-yilgi Yozgi Olimpiadada Barselonada va Qishki Olimpiadada Al’bervil’da qozogʻistonlik sportchilar Birlashgan jamoa tarkibida Olimpiya bayrogʻi ostida qatnashgan, 1994-yilgi Qishki Olimpiadadan boshlab esa alohida jamoa sifatida oʻz bayrogʻi ostida ishtirok eta boshlagan[1]. Ikki yildan soʻng, qozogʻistonlik sportchilar mustaqil jamoa sifatida birinchi marta 1996-yilgi Yozgi Olimpiada oʻyinlarida Atlanta shahrida ishtirok etdilar.
Jami 7 ta Yozgi va 7 ta Qishki Olimpiada oʻyinlarida ishtirok etildi, shu jumladan 72 ta yozgi va 9 ta qishki medal qoʻlga kiritildi.
Qozogʻiston 2022-yilgi Qishki Olimpiada oʻyinlarini Olmoatida oʻtkazish uchun ariza bergan[2], ammo Xalqaro Olimpiya qoʻmitasining ovoz berish natijalariga koʻra, ularning oʻtkazilishi joyi Pekin deb tanlandi. Pekin 2008-yilgi Yozgi Olimpiada oʻyinlarini oʻtkazgan shahardir.
Doping mojarosi
[tahrir | manbasini tahrirlash]2016-yilda qozogʻistonlik olimpiada sportchilari Pekin 2008 va London 2012 Olimpiadalarida qoʻlga kiritgan bir nechta medallardan mahrum boʻldi[3].
Manbalar
[tahrir | manbasini tahrirlash]- ↑ „25 лет назад состоялся олимпийский дебют Казахстана. И какой дебют!“ (ruscha). olympic.kz (2019-yil 12-fevral). 2023-yil 10-aprelda asl nusxadan arxivlangan. Qaraldi: 2025-yil 8-may.
- ↑ „Алматы первым подал заявку на прием зимней Олимпиады 2022 года“ (ruscha). tengrinews.kz (2013-yil 19-avgust). Qaraldi: 2025-yil 8-may.
- ↑ „МОК отозвал олимпийские награды еще трех казахстанцев“. 2016-yil 17-noyabrda asl nusxadan arxivlangan. Qaraldi: 2016-yil 17-noyabr.