Nodir Jonuzoq

Nodir Jonuzoq
Tavalludi	17-mart 1976-yil (1976-03-17) Samarqand viloyati, Bulungʻur tumani
Mukofotlari

Nodir Jonuzoq, toʻliq ismi Nodirjon Jonuzoqovich Xolbo'tayev (1976-yil 14-mart, Bulungʻur, Samarqand) - yozuvchi va shoir.

Biografiya

Samarqand viloyati Bulungʻur tumanidagi „Kildon“ fuqarolar yigʻiniga qarashli Sartyuzi qishlogʻida tugʻilgan.

Faoliyati

Nodir Jonuzoq qisqa vaqt „Turkiston“ va „Respublika“ gazetalarida ishlagan. Shundan soʻng Oʻzbekiston Milliy teleradiokompaniyasida muharrir sifatida ish boshlagan va keyinchalik „Oʻzbekiston“ telekanaliga tegishli „Musiqiy dasturlar“, „Maʼnaviyat“ studiyalari bosh muharriri, „Madaniyat va Maʼrifat“ telekanalining „Madaniy-badiiy dasturlar“ muharririyati bosh muharriri hamda ushbu telekanalning direktor oʻrinbosari lavozimlarida faoliyat yuritgan. 2015-yildan buyon adabiy-ijtimoiy nashr — „Yoshlik“ jurnalida bosh muharrir sifatida xizmat qilib keladi.

Nodir Jonuzoq telejurnalist sifatida „Sheʼr va shuur“, „Gap chiqdi“, „Shaxsiy fikr“, „Hayot goʻzal!“ hamda „Oq va qora“ kabi dastur va tokshoular tayyorlagan. Nodir Jonuzoq ssenariynavis sifatida koʻplab videofilmlar suratga olgan.

Ijodi

“ Shoir kim? Sheʼr nima uchun yoziladi? Haqiqiy sheʼr qanday boʻlishi lozim? Bu savollarga oʻtgan yillar mobaynida koʻp javob izlaganman. Har gal javob topganday boʻlaman-u, biroz oʻtib, fikrimdan qoniqmayman. Oʻylab qarasam, sheʼr yozaman deya, soʻzlarni koʻp uvol qilibman — gunohidan qoʻrqaman endi. Harholda, sheʼr yozish shunchaki ermak ham, pand-nasihat yoki targʻibot quroli ham emas. Ijod — shoirning oʻziga ham boʻysunmaydigan favqulodda ziddiyatli jarayon. Bu holat osmonu-falakka oʻrlayotgan quyunga oʻxshaydi: shoirni bir lahza yuksakka olib chiqib, u bexabar boʻlgan ufqlarni koʻrsatadi. ” — Nodir Jonuzoqning „Oʻzim haqimda“ badiasidan

Oʻquvchilik yillaridan oʻz sheʼrlari bilan tuman va viloyat gazetalarida qatnashib kelgan Nodir Jonuzoq talabalik paytida (1997) respublika yosh ijodkorlarining Zomin seminari gʻolibi boʻlgan. „Tomchilar“ nomli ilk kitobi Gʻafur Gʻulom nomidagi adabiyot va sanʼat nashriyoti tomonidan „Isteʼdod“ (1997) ruknida chop etilgan.

Nodir Jonuzoqning „Sizni sevar edim“, „Mehribonim“ nomli sheʼriy toʻplamlari, „Oʻn yetti lahza“, „Nilufar“, „Siniq oy“ singari bir nechta dostonlari chop etilgan.

„Panda izidan“, „Bobbi“, „Tafakkur oʻyinlari“ singari chet el filmlarini hamda M.Lermontov, A.Blok kabi taniqli shoirlar sheʼrlarini oʻzbek tiliga tarjima qilgan. „Shuxrat“ medali sohibi.