Joʻynav
Joʻynav | |
|---|---|
| qishloq | |
| Mamlakat | Oʻzbekiston |
| Viloyat | Buxoro viloyati |
| Tuman | Shofirkon tumani |
| Iqlim turi | keskin kontinental |
| Konfessiyaviy tarkib | musulmonlar |
| Vaqt mintaqasi | UTC+5 |
| Telefon kodi | +998 65 |
| Pochta indeks(lar)i | 201105[1] |
| Avtomobil kodi | 80 |
Joʻynav — Oʻzbekistonning Buxoro viloyati Shofirkon tumani tarkibiga kiruvchi qishloq. Tuman markazi — Shofirkon shahridan 8 km shimoli-sharqda joylashgan[2].
Etimologiyasi[tahrir | manbasini tahrirlash]
Joʻynav soʻzi fors-tojik tilidan kelib chiqqan boʻlib, „joʻy“ — ariq va „nav“ — yangi soʻzlaridan olingan. Yaʼni „yangi ariq“ maʼnosini anglatadi. „Joʻynav“ nomi esa Mahallasheri qishlogʻiga Joʻynavga kiraverishda ariq chiqarilgan. Vardonzedan kelganlar shu ariq tomonga koʻchib kelganlar. Chunki qal’a atrofida sugʻoriladigan yerlar mavjud boʻlmagan. Qishloq oldingi davrlarda „Dehi Joʻynav“ (maʼnosi „yangi ariq boʻyida yashovchilar“) deb atalgan. Vaqt oʻtishi bilan qisqarish natijasida hozirgi holatiga kelgan[3].
Tarixi[tahrir | manbasini tahrirlash]
Oʻsha paytda Shofirkon rudi hozirgi qishloq oʻrnida ikki qismga boʻlingan. Asosiy — quyi qismi — Iskogare, Chuqurak, Gʻulomte qishloqlari, keyingi — yuqori qismi Mahallasheri qishlogʻi yerlarini sugʻorgan. Tarixdan Vardonze qal’asidagilar hunarmandchilik va chorvachilik bilan kun kechirgan (Shopur arigʻi qazilmasdan oldin). Ular bu yerlardagi lalmi yerlarni oʻzlashtirib, madaniy dehqonchilik qila boshlashgan. Ariq keltirilgach aholi asta-sekin dala maydonlaridagi hovlilariga — yoki kozalarga koʻchib chiqa boshlaydi. Bunday uylarda yozda ishlab yashashgan va qishda qal’aga qaytib ketishgan. Buning natijasida aholi koʻpayib, bu joyda hozirgi Joʻynav qishlogʻi vujudga kelgan[4].
Ijtimoiy obyektlar[tahrir | manbasini tahrirlash]
Qishloqdaq bir necha savdo doʻkonlari, Joʻynav qishloq fuqarolar yigʻini maʼmuriy binosi, kutubxona, qishloq vrachlik punkti, 1 ta maktab, 2 ta maktabgacha taʼlim muassasasi faoliyat koʻrsatib kelmoqda.
Qishloq faxriylari[tahrir | manbasini tahrirlash]
Odil Oʻroqov, Rashid Safarov, Toʻxta Moʻminov — oʻqituvchilar, „Xalq taʼlimi aʼlochilari“,
Norqul Atoyev — texnika fanlari nomzodi.
Manbalar[tahrir | manbasini tahrirlash]
- ↑ „Shofirkon tumani pochta indekslari“. goldenpages.uz. Qaraldi: 30-iyul 2023-yil.
- ↑ Buxoro toponimikasi 2021.
- ↑ Шофиркон тарихи 1998, s. 84.
- ↑ Шофиркон тарихи 1998, s. 84-85.
Adabiyotlar[tahrir | manbasini tahrirlash]
- Мухтор Салим Бобомурод Қарим. Шофиркон тарихи. Тошкент: «Ёзувчи», 1998 — 224 bet.
- Halim Toʻrayev. Buxoro toponimikasi. Buxoro: Durdona, 2021 — 276 bet.