Arrian Flaviy
ARRIAN (Arrianos) Flaviy (taxminan 95 — 175 y.lar oʻrtasi) — Rim tarixchisi va yozuvchisi. Kichik Osiyodagi Nikomediya shahrida tugilgan; yunon faylasufi Epiktet qoʻlida oʻqigan. Rimda yashab, harbiy ta’-lim olgan. 131 — 137 yillarda Kappado-kiya voliysi boʻlib, alanlar hujumini qaytargan. A. senator, elchi va kohin ham boʻlgan. Falsafa, tarix, geogr., harbiy va boshqa masalalarga oid asarlar yozgan (kupi bizgacha saqlanmagan). Uning bizgacha yetib kelgan eng qimmatli asari Aleksandr (Iskandar Maqduniy)ga bagʻishlangan yetti kitobdan iborat "Iskandar yurishi" nomli kitobdir. A.ning "Hindiston", "Nearxning harbiy yurishi", "Epiktet haqida esdaliklar" hamda Epiktet ta’-limotiga bagʻishlangan "Qoʻllanma" kabi asarlari ham saqlangan. Uning "Parfiya tarixi", "Alanlar tarixi", "Vifiniya tarixi" va "Aleksandrdan keyingi ish-lar" nomli asarlaridan ham parchalar yetib kelgan. U Oʻrta Osiyo toʻgʻrisida ham qimmatli ma’lumotlar yozib qoldirgan.
Adabiyotlar[tahrir | manbasini tahrirlash]
- OʻzME. Birinchi jild. Toshkent, 2000-yil
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 |