Amerika Samoasi milliy futbol terma jamoasi
Tahallusi | Hududdan kelgan yigitlar (The Boys from the Territory) | ||
---|---|---|---|
Assotsiatsiya | Amerika Samoasi Futbol Federatsiyasi | ||
Konfederatsiya | OFC (Okeaniya) | ||
Bosh murabbiy | Tunoa Lui | ||
Sardor | Nicky Salapu | ||
Eng koʻp oʻynagan futbolchi | Nicky Salapu (22) | ||
Eng yaxshi toʻpurar | Ramin Ott (3) | ||
Uy stadioni | Pago Park futbol stadioni | ||
FIFA kodi | ASA | ||
| |||
FIFA Reytingi | |||
Hozirgi | 188 | ||
Eng yuqori | 164 (Oktyabr 2015) | ||
Eng past | 205 (2006-yil may) | ||
Birinchi xalqaro oʻyin | |||
Gʻarbiy Samoa 3-1 Amerika Samoasi ![]() (Apia, Gʻarbiy Samoa; Avgust 20, 1983) FIFA tan oldi ![]() ![]() (Avarua, Kuk orollari; Sentyabr 2, 1998) | |||
Eng yirik gʻalaba | |||
Wallis va Futuna 0-3 Amerika Samoasi ![]() (Apia, Gʻarbiy Samoa; Avgust 22, 1983) FIFA tan oldi ![]() ![]() (Nuku'alofa, Tonga; Sentyabr 4, 2015) | |||
Eng yirik magʻlubiyat | |||
![]() ![]() (Koffs bandargohi, Avstraliya; Aprel 11, 2001) |
Amerika Samoa milliy futbol jamoasi (Samoa tilida: Au soka Amerika Samoa) erkaklar futbolida Amerika Samoasi sharafini himoya qiladi va hududdagi sportning boshqaruv organi boʻlgan Amerika Samoa Futbol Federatsiyasi tomonidan nazorat qilinadi. Amerika Samoasi terma jamoasining uy stadioni Pago Pagodagi Pago Park futbol stadioni hisoblanadi. Terma jamoaning bugungi kundagi bosh murabbiyi Tunoa Lui[1].
Tarixi
[tahrir | manbasini tahrirlash]1983-yilda Amerika Samoasi birinchi marta Janubiy Tinch okeani oʻyinlarida ishtirok etdi. Hududning rasmiy jihatdan birinchi oʻyini 1983-yil 20-avgustda Gʻarbiy Samoaning Apia shahrida boʻlib oʻtgan va Gʻarbiy Samoaning 3:1 hisobidagi gʻalabasi bilan yakunlangan. Ikki kundan soʻng, jamoa Wallis va Futunani 3:0 hisobida magʻlubiyatga uchratib, oʻzining birinchi gʻalabasini qayd etdi. 24-avgust kuni Tongaga 3:2 hisobida magʻlub boʻlganidan soʻng, ular guruh bosqichidayoq musobaqadan chiqib ketishdi[2][3][4].
Keyingi yili Amerika Samoa Futbol Assotsiatsiyasi (ASFA) — hozirda Amerika Samoa Futbol Federatsiyasi (FFAS) sifatida tanilgan — tashkil topdi va hudud milliy terma jamoasini tashkil qilish mas’uliyatini oʻz zimmasiga oldi[5].
1987-yilda Janubiy Tinch okeani oʻyinlarida va 1994-yilgi Polineziya kubogida qatnashgandan soʻng, ASFA Okeaniya Futbol Konfederatsiyasi (OFC) va Xalqaro Futbol Assotsiatsiyasining (FIFA) toʻliq aʼzosi boʻldi va ularga birinchi marta FIFA Jahon chempionati saralash bosqichida qatnashish imkoniga ega boʻldi. Amerika Samoasi 1998-yil 2-sentyabr kunida Kuk orollarining Rarotonga shahrida boʻlib oʻtgan Polineziya kubogida Tongaga 3:0 hisobida magʻlub boʻldi.
2001-yil aprel oyida 2002-yilgi Jahon kubogi uchun birinchi saralash oʻyinlarida Amerika Samoasi Avstraliyaga 31:0 hisobida magʻlub boʻldi. Bu natija xalqaro futboldagi eng yirik hisobda magʻlubiyatga uchrash rekordini yangiladi[6]. Oʻyin natijasi saralash turnirlarining formati borasida bahslarga sabab boʻldi, avstraliyalik murabbiy Frank Farina va oʻyinda 13 marta gol urgan hujumchi Archie Thompson bunday muvozanatsiz oʻyinlarga yoʻl qoʻymaslik uchun dastlabki bosqichlarni joriy qilish kerak, degan fikr bildirdi. Oxir-oqibat, bu Okeaniya zonasida 2006-yilgi futbol boʻyicha Jahon chempionatiga saralash uchun dastlabki bosqichni joriy etishga olib keldi[7].
FIFAga aʼzo boʻlganidan beri jamoa dunyoning eng kuchsiz jamoalaridan biri deb hisoblanib kelinmoqda va 2011-yilning noyabrigacha FIFA Jahon reytingida eng past oʻrinni egallagan terma jamoa boʻlib kelgan[8][9].
2011-yilning 23-noyabrida Amerika Samoasi 2014-yilgi Jahon chempionati saralashining birinchi bosqichida Tongani 2:1 hisobida magʻlub etdi. Bu natija, shuningdek, ketma-ket 38 ta magʻlubiyatdan keyin jamoaning birinchi gʻalabasi boʻldi.
Jamoaning 2014-yilgi futbol boʻyicha Jahon chempionatiga yoʻllanma olish uchun qilgan harakatlari 2014-yilda Britaniyada Mike Brett va Steve Jamison tomonidan suratga olingan "Next Goal Wins" hujjatli filmida tasvirlangan.
2015-yil oktyabr oyida jamoa 2018-yilgi FIFA Jahon chempionatiga saralash bosqichida Tonga va Kuk orollariga qarshi ketma-ket gʻalaba qozonganidan soʻng dunyo reytingida 164-oʻringa koʻtarildi[10][11].
Uy stadioni
[tahrir | manbasini tahrirlash]![](http://upload.wikimedia.org/wikipedia/commons/thumb/8/84/Pago_Park_Soccer_Stadium.png/220px-Pago_Park_Soccer_Stadium.png)
Amerika Samoasining uy maydoni Pago Pagodagi Pago Park futbol stadionidir, ammo jamoa oʻz tarixida hech qachon uy uchrashuvini oʻtkazmagan. Stadion 2014-yilda suratga olingan "Next Goal Wins" filmida namoyish etilgan. 2011-yilgi Tinch okeani oʻyinlari va 2014-yilgi FIFA Jahon chempionati saralash oʻyinlariga tayyorgarlik jarayonida milliy terma jamoaning mashgʻulot maydoni sifatida foydalanilgan.
Murabbiylar shtabi
[tahrir | manbasini tahrirlash]Lavozim | Ism-sharif |
---|---|
Bosh murabbiy | ![]() |
Yordamchi murabbiy | ![]() |
Jamoa menejeri | ![]() |
Jamoa menejeri yordamchisi | ![]() |
Mashgʻulot murabbiyi | ![]() |
Uskunalar boʻyicha kurator | ![]() |
Murabbiylik tarixi
[tahrir | manbasini tahrirlash]Tiwo Kummings (2000)
Anthony Langkilde (2001)
Tunoa Lui (2001—2002)
Ian Crook (2004)
Nathan Mease (2007)
David Brand (2007—2010)
Iofi Lalogafuafua (2011)
Thomas Rongen (2011)
Larry Mana'o (2015—2019)
Tunoa Lui (2019–hozir)
Futbolchilar
[tahrir | manbasini tahrirlash]Hozirgi tarkib
[tahrir | manbasini tahrirlash]
Natijalar[tahrir | manbasini tahrirlash]
Manbalar[tahrir | manbasini tahrirlash]
Havolalar[tahrir | manbasini tahrirlash] |