Afrosiyob koʻchasi (Toshkent)

Afrosiyob koʻchasi
	; Ko'chaning yuqoridan olingan surati
Umumiy maʻlumotlar
Mamlakat	Oʻzbekiston
Shahar	Toshkent
Tuman	Yakkasaroy,; Chilonzor,; Mirobod
Uzunligi	2,3 km
Yaqin metro bekatlari	Oʻzbekiston,; Kosmonavtlar,; Oybek
Kim sharafiga nomlangan	Turon shohi Afrosiyob
Koʻchada joylashgan binolar	Humo Arena; Oʻzbekiston Respublikasi Ichki ishlar vazirligi; Yunus Rajabiy muzeyi; Islom Karimov memorial majmuasi; Interpol; Kosmonavt Jonibekov haykali; Turkmaniston elchixonasi
	k; m; t;

Bu atamaning boshqa maʼnolari ham mavjud. Qarang: Afrosiyob (maʼnolari).

Afrosiyob koʻchasi – shaharning markaziy qismida, Toshkent shahrining Yakkasaroy, Chilonzor va Mirobod tumanlari hududida joylashgan. Koʻchaning umumiy uzunligi qariyb 2,3 km ni tashkil qiladi. Koʻcha nomi afsonaviy Turon shohi Afrasiyob sharafiga nomlangan^[1].

Kesishgan koʻchalar

Koʻcha Islom Karimov va Olmazor koʻchalari chorrahasidan boshlanib, soʻng chapga burilib, Shahrisabz koʻchasi bilan kesishgan joyda tugaydi. Shuningdek, Oybek, Buyuk Turon, Sharof Rashidov, Mirobod, Yunus Rajabiy va Beshyogʻoch koʻchalari bilan kesishadi. U Koʻhinur va Vosit Vohidov koʻchalariga parallel oʻtadi. Bu ikki tomonlama harakat va ikkita qatnov qismiga ega boʻlgan asfaltlangan sakkiz qatorli yoʻldir^[1].

Binolar

Uylarning toq tomonida raqamlash 1-uydan 41-uygacha, juft tomondan 2-uydan 16-uygacha boʻladi. Jamoat ahamiyatiga ega boʻlgan binolarga Janubiy Koreya va Turkmaniston elchixonalari, Sharof Rashidov nomidagi mahalla qoʻmitasi kiradi. Shuningdek, koʻchada Respublika qoʻgʻirchoq teatri, Islom Karimov nomidagi ilmiy-maʼrifiy majmua, „Humo Arena“ koʻp funksiyali muz majmuasi va „Moviy gumbazlar“ bulvari joylashgan. Koʻcha Burijar va Anhor kanallari ustidan oʻtadi^[1].

Transport

Koʻcha boʻylab jamoat transporti va Oʻzbekiston, Kosmonavtlar, Oybek metro bekatlari, avtobus yoʻnalishlari joylashgan. Aeroport koʻchadan taxminan 6 km masofada joylashgan^[1].