Paygʻambar

Vikipediya, ochiq ensiklopediya


Paygʻambar (fors. — xabar keltiruvchi) — iudaizm, xristianlik va islomda xudodan vahiy olgan va uni odamlarga yetkazadigan shaxs. Xudo bilan uning bandalari oʻrtasidagi vositachi, xudoning yerdagi vakili, elchisi hisoblanadi. Paygʻambarlar kelajakni biladigan, diniy va tarixiy voqealarni, biror odamning taqdirini oldindan aytib beradigan shaxs sifatida tasavvur qilinadi. Islomga koʻra, Paygʻambarlar bilan Alloh oʻrtasida elchilik qiluvchi farishtaJabroildir. Baʼzida Alloh Paygʻambarga bevosita vahiy yuborishi, u bilan gaplashishi ham mumkin. Paygʻambarlarning adadi Qurʼon, hadis va tarixiy kitoblarda qatʼiy koʻrsatilmagan. Baʼzi manbalarda ular 124 mingta deyilgan. Qurʼonda Odam, Idris, Nuh, Hud, Solih, Ibrohim, Ismoil, Ishoq, Yaʼqub, Yusuf, Lut, Ayyub, Zulkifl, Yunus, Muso, Horun, Shuayb, Ilyos, Alyasa, Dovud, Sulaymon, Zakariyo, Yahyo, Iso va Muhammad (as) kabi Paygʻambarlarning nomi zikr etilgan. Aksariyat Paygʻambarlarning nomi Tavrot va Injilda ham qayd etilgan. Paygʻambarlarning birinchisi Odam (as), oxirgisi Muhammad (as) sanaladi. Paygʻambarlar har qanday gunohlardan pok hisoblanadilar.

Adabiyot[tahrir]

  • Paygʻambarlar qissasi, T., 1993; Hazrati paygʻambar hayoti, T., 1997.[1]

Payg`ambar - biror dinni targ`ib etuvchi va shu din ilohi nomidan da`vat qilguvchi shaxs.

Qur'onda nomi zikr etilgan payg`ambarlar:[tahrir]

  • 1.1 Odam آدم
  • 1.2 Idris (Enoch) ادريس
  • 1.3 Nuh (Noah) نوح
  • 1.4 Hud (Heber) هود
  • 1.5 Solih (Shelah) صالح
  • 1.6 Ibrohim (Abraham) ابراهيم
  • 1.7 Lut (Lot) لوط
  • 1.8 Ismoil (Ishmael) اسماعيل
  • 1.9 Is'hoq (Isaac) اسحاق
  • 1.10 Yaʼqub (Jacob) يعقوب
  • 1.11 Yusuf (Joseph) يوسف
  • 1.12 Ayyub (Job) أيوب
  • 1.13 Shuayb (Jethro) شعيب
  • 1.14 Muso (Moses) موسى
  • 1.15 Horun (Aaron) هارون
  • 1.16 Zulkifl (possibly Ezekiel) ذو الكفل
  • 1.17 Dovud (David) داود
  • 1.18 Sulaymon (Solomon) سليمان
  • 1.19 Ilyos (Elijah) إلياس
  • 1.20 Alyasa (Elisha) اليسع
  • 1.21 Yunus (Jonah) يونس
  • 1.22 Zakariyo (Zacharias) زكريا
  • 1.23 Yahyo (John the Baptist) يحيى
  • 1.24 Iso (Jesus) عيسى
  • 1.25 Muhammad محمد

Shuningdek[tahrir]

Islomiy payg`ambar

Manbalar[tahrir]

  1. OʻzME. Birinchi jild. Toshkent, 2000-yil