„Lazgi“ xalqaro raqs festivali
 | Bu maqolaga boshqa birorta sahifadan
ishorat yoʻq. (May 2024) |
| Lazgi xalqaro raqs festivali | |
|---|---|
| Janri | Raqs |
| Oʻtkazilishi | Ikki yilda bir marta |
| Lokatsiya | Xorazm viloyati Xiva shahri |
| Mamlakat | Oʻzbekiston |
| Ochilish | 25-aprel, 2022-yil |
| Tashkilotchi | |
„Lazgi“ xalqaro raqs festivali — Oʻzbekistonning Xorazm viloyati Xiva shahrida Ichan qalʼa majmuasida aprel oyida oʻtkazib kelinayotgan xalqaro tadbir. Festival UNESCO shafeligiga olingan[1]. Lazgi — Xorazm raqsi boʻlib, UNESCOning nomoddiy madaniy merosi roʻyxatiga kiritilgan[2].
Tarixi[tahrir | manbasini tahrirlash]
Lazgi Xorazmning qadimiy raqsi hisoblanadi. Lazgi harakatlari tevarak-atrofdagi tabiat tovush va hodisalarini his tuygʻular uygʻunligida aks ettirish demakdir. Dastlab Xorazm yerlari, Xorazm raqsi bilan bogʻliq boʻlgan lazgi keyinchalik Oʻzbekiston boʻylab keng tarqalgan. Ushbu raqsning qadimiy suratlarini Xorazm viloyatidagi Tuproqqal’a arxeologik yodgorligidan topish mumkin, bu uning koʻp asrlik ildizlaridan dalolat beradi[3]. 2019-yil 12-dekabr kuni UNESCO Nomoddiy madaniy merosni muhofaza qilish boʻyicha hukumatlararo qoʻmitasi tomonidan Oʻzbekiston madaniy merosi elementi oʻlaroq insoniyatning nomoddiy madaniy merosi Reprezentativ roʻyxatiga kiritilgan[4][5]. Shundan keyin 2020-yil 13-mart kuni Oʻzbekiston Respublikasi Prezidenti taklifiga binoan[6] 2022-yildan buyon har ikki yilda bir marta oʻtkazib kelinmoqda.
Sanʼatsevarlar tomonidan „Lazgi“ga quyidagicha taʼriflar berilgan[7];
„Lazgi“ — muhabbat va qalb raqsi“, “Lazgi” — dunyodagi eng quyoshli va olovli raqs”, “Lazgi” — ruh va sevgi raqsi”, “Lazgi” jozibasi — qalblarni larzaga solar”, “Lazgi” — o‘ynamasang o‘ynatadi”, “Dillarga darmon “Lazgi”...
Festival jarayoni[tahrir | manbasini tahrirlash]
2022-yil ilk bor oʻtkazilgan festivalda 30 dan ortiq mamlakatdan 175 dan ortiq vakil ishtirok etgan boʻlsa[8], 2024-yil ikkinchi marotaba tashkil qilingan festivalda 33 davlatdan, jumladan, Turkmaniston, Qirg‘iziston, Turkiya, Eron, Pokiston, Ozarbayjon, Indoneziya, Belarusiya, Rossiya, Serbiya, Italiya, Hindiston, Tojikiston, Qozog‘iston, Yaponiya, Braziliya, Fransiya, Misr Arab Respublikasi, Xalqaro turkiy madaniyat tashkiloti — TURKSOY, Koreya kabilardan 200 dan ortiq raqqos va raqqosalar, raqs jamoalari, raqs sanʼati ustalari, musiqashunos va sanʼatshunos olimlar, taniqli sanʼatkorlar, mutaxassislar hamda faxriy mehmonlar ishtirok etgan[9].
2024-yilda ushbu festival doirasida ilmiy-amaliy konferensiya ham tashkil etilgan boʻlib[10], unga 50 ga yaqin mahalliy olimlar, 25 dan ortiq xorijlik olim va soha vakillari, jumladan Buyuk Britaniya, Fransiya, Tojikiston, Turkmaniston, Rossiya, Turkiya, Qirgʻiziston, Serbiya, Braziliya, Yaponiya, Ispaniya, Misr, Gruziya, Hindiston, Ukraina, Bolgariya, Qatar, Ozarbayjon[11] va Oʻzbekiston AQSH, Avstriya, Iordaniya, Meksika, Gana, Makedoniya, Eron, Xitoy, Pokiston, Italiya va boshqa davlatlardan oflayn va onlayn tartibda ishtirok etishgan[12][13].
Mukofotlanganlar roʻyxati[tahrir | manbasini tahrirlash]
„Lazgi“ xalqaro raqs festivalida „Eng yaxshi yakkaxon raqs ijrochisi“ nominatsiyasi boʻyicha mukofotlanganlar roʻyxati (2022-yil)[14]
| Egallagan oʻrni | Ismi-familiyasi | Qaysi davlatdan | Mukofotlar (AQSH $) | |
| Gran pri | Dilnoza Ortiqova | Oʻzbekiston | 7000 | |
| 1-oʻrin | Gulnur Qosimbek
Sherzod Kenjaboyev |
Qozogʻiston | 5000
5000 | |
| 2-oʻrin | Nitxi Misra
Feruza Azatova |
Hindiston | 3000
3000 | |
| 3-oʻrin | Kristina Kovrova va Nikita Gruzdev
Nereya Fernandes |
Rossiya
Ispaniya |
2000
2000 2000 |
„Lazgi“ xalqaro raqs festivalida „Eng yaxshi raqs jamoasi“ nominatsiyasi boʻyicha mukofotlanganlar roʻyxati (2022-yil)
| Egallagan oʻrni | Jamoa nomi | Qaysi davlatdan | Mukofotlar (AQSH $) | |
| 1-oʻrin | Tumor | Oʻzbekiston | 5000 | |
| 2-oʻrin | Navbahor
Ozarboyjon davlat ashula va raqs ansambli |
Oʻzbekiston | 3000
3000 | |
| 3-oʻrin | Shattiq
Inegol |
Qirgʻiziston | 2000
2000 |
„Lazgi“ xalqaro raqs festivalida „Eng yaxshi sahnalashtirilgan raqs“ nominatsiyasi boʻyicha mukofotlanganlar roʻyxati (2022-yil)[16]
| Egallagan oʻrni | Jamoa nomi | Qaysi davlatdan | Mukofotlar (AQSH $) | |
| 1-oʻrin | Pirin | Bolgariya | 5000 | |
| 2-oʻrin | Zebo
„Oʻzbekiston“ raqs ansambli |
Tojikiston | 3000
3000 | |
| 3-oʻrin | Sveti dordi
Tannura |
Serbiya | 2000
2000 |
Festival tashkilotchilari[tahrir | manbasini tahrirlash]
- UNESCO
- Oʻzbekiston Respublikasi Madaniyat va turizm vazirligi
- Xorazm viloyati hokimligi
- Turizm va madaniy meros vazirligi
Festival sanalari[tahrir | manbasini tahrirlash]
- 2022-yil — 26—29-aprel
- 2024-yil — 25—30-aprel[17]
Manbalar[tahrir | manbasini tahrirlash]
- ↑ „Xiva shahrida ikki yilda bir marta “Lazgi” xalqaro raqs festivali oʻtkaziladi“. yuz.uz. Qaraldi: 11-may 2024-yil.
- ↑ „Patronage Reporting Form - The LAZGI_Uzbekistan“. ich.unesco.org. Qaraldi: 15-may 2024-yil.
- ↑ „Khorazm dance, Lazgi“. ich.unesco.org. Qaraldi: 15-may 2024-yil.
- ↑ „Xivada “Lazgi” xalqaro raqs festivali bo‘lib o‘tadi“. daryo.uz. Qaraldi: 11-may 2024-yil.
- ↑ „В Хиве раз в два года будет проходить фестиваль танца «Лазги»“. rus.ozodlik.org. Qaraldi: 11-may 2024-yil.
- ↑ „Хоразмда лазги фестивали ташкил этилади“. president.uz. Qaraldi: 11-may 2024-yil.
- ↑ „“Lazgi” xalqaro raqs festivali yakunlandi“. kknews.uz. Qaraldi: 11-may 2024-yil.
- ↑ „Xivada “Lazgi” II xalqaro raqs festivali o‘tkaziladi“. gazeta.uz. Qaraldi: 10-may 2024-yil.
- ↑ „Xivada II “Lazgi” xalqaro raqs festivali o‘tkazilmoqda (foto)“. daryo.uz. Qaraldi: 10-may 2024-yil.
- ↑ „II “Lazgi” xalqaro raqs festivali doirasida xalqaro ilmiy-amaliy konferensiyasi bo‘lib o‘tdi“. gov.uz. Qaraldi: 11-may 2024-yil.
- ↑ „State Dance Ensemble dazzles at Lazgi Int'l Dance Festival“. azernews.az. Qaraldi: 15-may 2024-yil.
- ↑ „Xivada II “Lazgi” xalqaro raqs festivali bo‘lib o‘tmoqda“. yuz.uz. Qaraldi: 11-may 2024-yil.
- ↑ „Xivada “Lazgi” II xalqaro raqs festivali oʻtkaziladi“. uzreport.news. Qaraldi: 11-may 2024-yil.
- ↑ „Xivada “Lazgi” xalqaro festivali yakunlandi, g’oliblar e’lon qilindi“. old.gov.uz. Qaraldi: 11-may 2024-yil.
- ↑ „Azerbaijan joins Lazgi International Dance Festival in Uzbek town of Khiva“. azertag.az. Qaraldi: 15-may 2024-yil.
- ↑ „«Lazgi» xalqaro raqs festivali g‘oliblari aniqlandi“. kun.uz. Qaraldi: 11-may 2024-yil.
- ↑ „“Lazgi” xalqaro raqs festivali“. uzdxa.uz. Qaraldi: 10-may 2024-yil.
Havolalar[tahrir | manbasini tahrirlash]
- The timetable of the Lazgi International Dance Festival
- "Lazgi" international dance festival was held in Khiva.
- The first international dance festival "LAZGI" has ended in Khiva. It should be noted that from now on this international dance festival will be held every two years.
- XIVADA LAZGI FESTIVALI DAVOM ETMOQDA.INTERNATIONAL LEZGI DANCE FESTIVAL CONTINUES IN KHIVA
- Dilnoza Artikova is performing "Surnai Lazgi" at Lazgi Festival, Khorazm, Uzbekistan. Amazing Lyazgi dance performed by the winner, Dilnoza Artikova of the
- Uzbek national dance of Lazgi
- Xiva 2022 Lazgi festivali
- The award ceremony at the Lazgi Ensemble Dance Magic Festival