Ushbu Olimpiadada gʻoliblikni qoʻlga kiritgan Grant Holloway bundan oldingi Tokio Olimpiadasida kumush medalni qoʻlga kiritgan edi. 2019-yildan beri Holloway ketma-ket 3 ta jahon chempionatida, shuningdek, ketma-ket 2 marta yopiq inshootlarda oʻtkazilgan chempionatlarda gʻolib chiqqan. Sportchi yopiq inshootlarda oʻtkazilgan musobaqada jahon rekordini oʻrnatgan va yengil atletika tarixida Aries Merrittdan keyin ikkinchi oʻrinda eng tez natija qayd etgan atletga aylangan. Oʻshanda Holloway Merritdan 0.01 soniyaga sekinroq koʻrsatkichni qayd etgan. Olimpiada bronza medali sovrindori Ronald Levy va 2022-yilgi musobaqa kumush medali sovrindori Trey Cunninghem ushbu musobaqalarda ishtirok etmadi. 2022-yilgi musobaqa bronza medali sohibi esa Asier Martínez boʻlgan. 2023-yilda oʻtkazilgan musobaqalarning kumush medali sohibi Parchment boʻlsa, bronza medal Daniel Robertsga nasib qilgan. AQSh uchun terma jamoa shakllantirish Olimpiadaning oʻzidan ham birmuncha qiyin vaziyatga aylandi. Bunga sabab Yozgi Olimpiadalarga yoʻllanma berish uchun oʻtkaziladigan AQSh saralash musobaqalarining oʻzida kuchli toʻrt nafar atlet ishtirok etdi va yuqori natijalarni qayd etdi. Musobaqada Freddie Crittenden 2-oʻrinni egalladi, biroq 4-oʻrinni qoʻlga kiritgan Cordell Tinch, 5-oʻrin Ja'qualon Scott, saralash bahsi gʻolibi Jamal Britt va Walmart xodimi Dylan Beardlarning barchasi 13.10 soniya yoki undan yuqoriroq natija qayd etgan boʻlsa-da, Parij Olimpiadasi uchun yoʻllanmaga ega chiqa olmadi. Bu vaqtga qadar butun dunyo boʻylab 13.00 soniya yoki undan yaxshi natija qayd etgan sportchilar Lorenzo Ndele Simonelli, Rachid Muratake, Enrike Llopis, Rasheed Broadbell va Shunsuke Izumiyalar edi[2].
Finalda Roberts ajoyib start oldi. Holloway esa biroz sekinroq holda birinchi toʻsiqqa qadar 2-oʻrinda bordi. Roberts toʻrtinchi toʻsiqni bosib oʻtgach, undan keyin borayotgan Rachid Muratakeni ortda qoldirdi, biroq Hollowaydan qolib ketdi. 5-toʻsiqni ham bosib oʻtgan Holloway barchadan oldinda bordi. Sportchi soʻnggi ikki toʻsiqdan oshib oʻtish paytida tezlikni biroz tushirgan boʻlsa-da, qolgan barcha sportchilardan ancha ilgarilab ketgan edi. 8-toʻsiqdan oʻtish chogʻida Rasheed Broadbell tezlikni oshirishga muvaffaq boʻldi, biroq Roberts hamon peshqadamlikni saqlab qoldi. Yakuniy natijalarga koʻra, Roberts Broadbelldan 0.003 soniyaga tezroq marra chizigʻini bosib oʻtdi[3].
Erkaklar oʻrtasida 110 metrga toʻsiqlar osha yugurish bahslari uchun saralash musobaqalari 2023-yilning 1-iyulidan 2024-yil 30-iyuniga qadar boʻlgan vaqt oraligʻida oʻtkazildi[7]. Yozgi Olimpiada oʻyinlarida ishtirok etish uchun zarur boʻlgan 13.27 soniya yoki undan tezroq natija qayd etgan, jahon reytingida yuqori oʻrinlarda turuvchi, har bir mamakatdan 3 nafardan koʻp boʻlmagan, jami 40 nafar sportchi musobaqa yoʻllanmalarini qoʻlga kiritdi[7].